اذا مهمومه>>تعالي برنامج خطير يريح قلبك المهموم

انا دايم انصح بنات بهالبرنامج وهالنصايح .. والحمدالله الخير موجود وكثير


بس مدري ليش غفلت اني ما انزله لكم من زمان...



حان وقت اني انزله لكم ..


ولاتنسوني من دعواتكم...


لان هالبرنامج مني انا وانا لامسته بعيوني وشفت كيف الخير فيه..



بخصوص البرنامج باعطيك اسس ترتكزين عليها وتخلينها اساس بحياتك.. ماتتخلين عنها ابدآ..



1/الصدقه.. ياقلبي تصدقي كثير
ترا الدعوات تستجيب اذا جيتي تتصدقين ياعمري..


اقولك شلون::
خلي عندك صندوق صغير(وكل يوم كل ماتضايقتي تصدقي لو بريال)ونهايه كل شهر او شهرين او ثلاث (جمعيهم بظرف)وعطيهم اخوك يوديهم لاي جمعيه او اي مصلى ..
بتشوفين كيف الخير الكثير



ربي ينصرك وياخذ حقك ويحقق امانيك..>> عن تجربه شخصيه مني ترا




ثانيآ:: الاستغفاااااار استغفري كثير بنيه شيء تبينه الين يتعود لساانك انه يستغفر كثير...



ثالثآ:: نامي ياقلبي.. وانتي قلبك ابيض صافي مش شايله على اي احد ولا حتى لو ذره كره او حقد او انتقام او عتاب ابد ابد..
فوضي امرك الى الله فأنه بصير بالعباد..




رابعآ:: كرري دومآ قول لا اله الا انت سبحانك اني كنت من الظالمين...




خامسآ:: اقري سورة يس(بعدين ادعي باي شيء تتمنينه)ربي بيحقق لك الي تبينه ان شاءالله





سادسآ:: كوني باره بامك وابوك وشيلهم شيل وحطيهم بعيونك واغليهم ياقلبي ترا دعواتهم تسعدك وتغير نصيبك للافضل
قولي لامك ادعي لي يا امي ترا دعواتتك تستجاب
اعرف بنات.. متوفقين بحياتهم بشكل!!!! وكله من دعوات اماتهم.. كل يوم كل لحظه بري بامك وابوك خلي امك تدعي قولي لها ادعي لي يا ماما
ترا احيانآ يجهلون قيمه ان الامهات دعوتهم لابنائهم تغير حظهم ونصيبهم يا اللاسوأ اذا دعو عليهم او للافضل اذا دعوو لهم



اقري سورة البقرة بإستمرار..




واهم من هذا كله..
الثقه برب العالمين
ثقي فيه ثقه تااااااامه
ادعي ربك فهو يستحي ان يردك صفرآ..


كافر دعى ربه ثلاث مرات وكل مره كانت الملائكه ترده
الله سبحانه مارضاها للكافر كيف ترد عبدي وقال لبيك لبيك لبيك ثلاثآ
وهذا للكافر.!



فكيف انتي المؤمنه التقيه النقيه
الله عند حسن ظن عبده به فليظن به مايشاء


اذا ظنتيني بربي سوء لك ماظنيتي به
اذا ظنيتي خير لك الخير كله
ادعي ادعي ادعي



عيشي حيااتك تراالدنيا ماتسوووى وقصيرة
انتي زعلانه على ماضي.!!
خلاص انسيه عيشي حدود يومك عشان تعيشين اجمل سنين عمرك..
احمدي ربك
عندك مواصفات ماهي عند اي وحده
مليون الف الف وحده تتمناها


ترا كل وحده فينا عندها ميزه ماهي عند غيرها




اقسم لكم يابنات ان الجمال ماهو كل شيء...



مثال:: من واقع حياتي..


وحده ملكه جمال:: يوم جت تحكي صوتها عالي واخلاقها زفت ونففسها عند طرف خشمها
وحده عاديه ومتوسطه الجمال:: صوتها هادي واخلاقها عاليه ونفسها طيبه


سبحان الله كيف احلوت الثاني بنظر الجميع والملكه الجمال طااحت من عيون الجميع وماصار لها اي صيت او اي معنى.!




عيشي حياتك انبسطي اطعلي روحي وتعالي وثقي بربي واقنعي نفسك ااانك بتعيشين اجمل سنين عمرك عشان حياتك وسعاادتك انتي الي تبنينها وعلى اساسها يكون هو بيتك ودنيتك..



اضحكي من اعمااق قلبك
لاتستلمين للحزن ابد



انبسطي
اعلمي ان الدنيا ماتسوى عند ربي جناح بعوضه



والله يسعد قلوبكم يارب

والله برنامجك بليق يتنزل على كل المنتديات والبرامج
مشكووووووووووووووووووووووووووووورة
عليه.. وانا مجربته بكذا موضوع وشايفة منو
نتائج مبهرة
دمتي يا غااااااااااااااااااااااااااااااااااالية