لعينيك حديث آخر

المشاركة الأصلية كتبت بواسطة جاروط

كنت افتش في الدروب
كمين درب
ضهبت مرات
و ضليت الطريق
شان عيونك ما معاي
تهت من كثرت بكاي
ما شفت الفنار
لمن عيونك وقفن حداي
قالن لي
تعال جاي
بشويش من الحجار
و الشوك الهناك داك
غنن لي
من ايام الزمن الجميل
قصن لي
من حكايات الخليل
رقصن كل الشجيرات
و نباتات الحنا و النخيل
ايقاعات ما بشبهن ضرب الطبول
مشن خطوات الزين و العديل
قدمن لي
كم سعفات
و كباية لبن
و كم تمرات
و ضحكن لي
و ضحكن الحلوات
يا ليل تعال
يا محبوب تعال
نلعب كم لعبات
شليل و فات الفات
و ننط لا فوق
شان نرمي للقمر جمرات
يدس القمر ضو النجمات
و لمن خلاص تنعس الغاليات
نتواعد بكره
نعيد الكرات