فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم May 14, 2012, 04:42 PM
 
بليلة ما فيها ضو قمر

بليلة ما فيها ضو قمر
وصل الخبر ........
شو خبر ما خبر !؟

هاجو وماجو ..
ولي يا باطل :
شو هالضرر !!

ولي سكوت سكوت يازلمي :
لك شو فـــــــي ؟
والله يا صاحبي فزّو البشر !


لائيلي حل يستر عرضك ..
يا أما اسعالي بشويه جزر

ولّا ئلّك ... اضربني من الوريد
وإذا سألوك عني قلهم انتحر

الله وكيلك راسي ما عاد حملني
ونافوخي حـ يطء وركبو الضجر

مرّ كم يوم عالسيرة .. وبعد منها نزلت المطر ...
إي نعم نزلت المطر

ودحلت الثورة ....
ولمع بين هالثوار شب اسمو عُمر

عمر قلبو متل الحديد ..
قلبو مصبوب من حجر

كل يوم يطلع يتظاهر ... يعيّط ... ينادي ..
لا فارقة معو شبيح ولا هامّو أيّ خطر

مرة قلو صاحبو .. خود هالوردة عطيها للشبيح
بركي بيحبك وبيصير بيناتكم ود وسَهر

عُمر ما كذّب خبر ....
قال هالشّبيح بيضل ابن بلدي, بركي منصير صحاب
وبحكيلو من عندي شوية قصص وسيَر

بعد صلاة الجمعة .. طلعت العالم
تكبيــــر ... الله أكبر .. الله أكبر

عمر ما شارك بالمظاهرة ..
استنى لخلصت وانتظر

مشي لعند كوشة شبيحة واقفين
ومن عيونهم عم يطلع حقد وشرَر

شي حامل عصاية كهربا .. وشي موس
والباقي مسلحين وكأنون بمعركة ضد التتر

3 خطوات باتجاهم مشي ... وبلّشو يصرخو :|
جيبوه .. هاتوه .. هاد هوه ابن النَّـــوَر !!

عمر تلبّك بحالو .. ومن رعبتو دار ضهرو وفتل
ركد .. اتدحكل .. مسكوه وبلشو يضربوه بكل حيونة وجكر

من بعيد رفيقو سمع صوتو عم يتعذّب ..
وندم على سيرة الوردة وكتير كتير انقهر

وفجأة صوت رصاص ومسبات وبعدها
شبيح عم يضحك وتاني من بعيد جَعر

سكت الكل .. هدوء كتير
لا حس ولا صوت ولا خبر ...

عمر متسطح عالرصيف عم يبتسم
بإيدو وردة ... وعيونو عم تحكي شعر ودرر

رفع سبابتو للسما .. تشهّد ...
وقال سلمولي على أمي ست البشر ..

استبشري يا أمي
استشهد عمر ..
استشهد عمر ..
وبإيدو وردة .. ملفوفة باصابع طاهرة ..
ودمّو الطاهر نزل عالرصيف متل المطر ...



هي حمــص عــاصـمـة الــثــورة الــســوريـة

منقول من ايميلي الـخـاص
__________________
رد مع اقتباس
  #2  
قديم May 14, 2012, 07:28 PM
 
رد: بليلة ما فيها ضو قمر

ربي ينصر الشعب السوري فقد كثر اعداءه و قل اصدقاءه
اللهم اعنهم و خذ بيدهم إلى بر الأمان
رد مع اقتباس
  #3  
قديم May 16, 2012, 04:30 PM
 
رد: بليلة ما فيها ضو قمر

سكت الكل .. هدوء كتير
لا حس ولا صوت ولا خبر ...

عمر متسطح عالرصيف عم يبتسم
بإيدو وردة ... وعيونو عم تحكي شعر ودرر

... كان الله في عونكم يا أهلنا في سوريا ,ربي يوفقكم وينصركم ...

... كلماتكِ مؤثرة اختي الطيبة بسمة وقار , بوركتِ ..
__________________


واختر لنفسك منزلآ .. .. تهفو النجوم على قِبابه
( مجــــــددون )






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
..//..!! نافذة آلذكريآت !!..//.. خآص بمجلة الابتسآمة ذكرى الرحيل كلام من القلب للقلب 27 May 27, 2011 03:05 AM
شكر وإعتزاز بمجلة الإبتسامة محمدعبدالرازق م الترحيب بالاعضاء الجدد ومناسبات أصدقاء المجلة 4 November 3, 2007 09:30 AM
الاحتفال بليلة النصف من شعبان AL_ATLAL النصح و التوعيه 6 August 28, 2007 05:01 AM


الساعة الآن 01:35 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر