|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#1
May 13, 2012, 04:28 AM
|
||
|
|
||
|
قصـة من التـراث ــ من حيـلتـهـن النسـوان ربـن سمـج بالجــود
قصـة من التـراث ــ من حيـلتـهـن النسـوان ربـن سمـج بالجــود
كان ماكان في قديم الزمان بيوم من الايام كان اكو رجال يسولف ويه زوجته طبعاً همه مو حظر عايشين بالباديه يعني همه من البدو الرحّل كل يوم في مكان وين ماكو حشيش وماي يرحون اله  وعلى طول السنه يتنقلون من مكان لمكان المهم رباط السالفه الرجال كال لزوجته : تدرين يامره ان الحيله للرجال وان المكر للنسوان ؟؟  زوجته ضاجت من حجايته وخزرته وكالت له بسيطه ولك اصبر عليّ وانا اشوف صدك انتم حيّاله ... المهم هذا الحجي بكلبها يعني ماسمعها. بس هيه كلش ضاجت وصار مناوش بالحجي (تعرفون المرة بعد من تخلي شي ببالها  )هاي السالفة صارت لما كان مكانهم قرب النهر بعد ايام قرروا ان يرحلون للصحراء والصحراء مابيها ماي ولانهر فشكو عدهم جود ( هذا الجلد مال الحيوانات اللي جانو يترسوه ماي عرفتو يو لا  )المهم شكو عدهم جود ملوه ماي حتى يكفيهم طول الرحلة بالصحراء . على مايوفقهم الله ويصادفون عين مي شسوت المرة كامت واخذت سمجة صغيرة كلش وخلتها بالجود وكامت تخليلها اكل كل يوم وبعد مده وهمه بالباديه ومثل ماكلنه صحراء مابيها شط كبرت السمجه. ( سبحان الله )كامت المرة وطلعت السمجه من الجود وهي تلبط يعني بعدها حيه وخلتها بالطبك ( اللي هوه صينيه من خوص النخل جان يستخدمها العرب قبل ) وكالت له : ابو فلان اليوم راح اسوي للغده هذي السمجه اللي كدامك فرجلها المسكين بعد مافكر منين جابت السمجه لانه شافها كدامه ونسى انه بصحراء. ( صدك لو كالو عند البطون تعمى العيون  )المهم كالت له اعزم فلان وفلان وهمه من اقربائه واصدقائه المقربين حتى ياكلون وياك , وانت تشوف هذه السمجه جبيره وتكفي هواي فكال الها والله خوش فكره راح البدوي وعزم جماعته وكال الهم اليوم الغدا يمنه ام فلان مسويه اكل وماكاللهم نوع الاكل شنو ( لانه المتعارف عدنا من تعزم احد خو ماراح تكول الغدا كذا وكذا طبعا هذا مايصير عدنا عزيمه وبس  )لحد الان الشغله عاديه المهم طلع البدوي يرعى الحلال ومرته راحت شوت السمجه وحظرتها وحضرت اكل من نوع ثاني وضمته بمكان ابيت الشعر لحد الان الشغله مابيها كل شيء يعني طبيعيه. اجه وكت الغدا رجع البدوي ووياه الشلّه (يعني جماعته الي عزمهم على الغدا) كعدو الشباب ينتظرون الاكل اشو ماكو اكل ؟؟فراح البدوي وطب على مرته وكال الها: ها فلانه وين السمجه يله مو جعنا وبطونا كامت تقرقر فهنا صاحت المرة بصوت عالي حتى يسمعون الكاعدين عمي ياسمجه ؟؟ دهر الدوهرك ولك اكو سمجه واحنا بهاالهيمه  ( عزه الرجال راح يتخبل )البدوي صارت عيونه براسه وكام يصيّح عليها ولج السمجه اللي جانت تلبط بالطبك انتي مو كلتي اعزم ربعك وكام يهد عليها وكام ابوه ميعرفه من العصبية لان فشلة ينحرج كدام ربعه  المهم راد يضربها وصارت السالفة كلش مو زينه تدخلو جماعته وكالو له شنو السالفه ؟؟ فحجالهم قصة السمجه فضحكوا عليه وكالو له ولك ياسمجه شنو انت حلمان ؟؟فردت مرته عليهم خويه هذا الرجال تسودن هوه من سمع حجيها انوب تسودن صدك وطكن خبالاته كامت المرة تصيح وتحشّم بربعه حتى يربطونه بعمود الخيمه لانه فقد عقله وهي تخاف لايضربها جماعته ماجذبو خبر كامو عليه وربطوه ( والله خطيه انعلس )وكالوا هذا الرجال المكرود تخبل وتعرفون لما الواحد يكون على حق يدافع عن نفسه بكل الطرق وهذا اللي زاد الطين بلّة واثبتلهم انه هو خلص تسودن لان مامعقولة يكول مرتي طابخة سمج على الغدا وهمه بالصحراء اكثر من شهر هنا وبعد ان وصلت المرة لغايتها وسوت اللي تريده اجت وتقربت يم رجلها وكالت له هسه شلونك ابن عمي ؟؟ تريد السَلَف كله يكول انت مخبل وتبقى مربوط طول عمرك لو تعترف ان انتم الرياجيل لاحيالين ولا هم يحزنون ( والله صدك لو كالو ان لكيدهن عظيم .. شلون ضمتها اله )اذا تعترف هسه اخليهم يفكون الرباط وترجع الامور على ماهو عليه واذا لا والله تبقى على حجايتك انكم حيالين تره تبقى مخبل ومربوط  البدوي استسلم بعد شيريد يكول كال الها عمي الحيله والمكر عدجن يالنسوان والرجال لاشيء بالنسبه الجن ... ولمن اعترف البدوي باللي تريده مرته راحت وجابت الغدا وحجت القصه لجماعته ان رجلها عاندها وكال الها احنه الرياجيل حيالين اكثر من النسوان وآنه ردت اثبت له انه الرجال لاشيء بالنسبه النه احنه النسوان وتالي اكلو غداهم وآنه اكلت وياهم وشربنا الشاي وضحكنا ( شنو السالفة ليش متصدكون حتى صورتهم فيديو )وبعدها آنه ترخصت منهم و خليتهم ورجعت لبيتنا ولو بيتنا كريب اجيبلكم حمص وزبيب وتعيشون وتسلمون عجبتني كثير وحبيت انقلهه الكم
__________________
|
|
#2
May 13, 2012, 10:35 AM
|
||
|
|
||
رد: قصـة من التـراث ــ من حيـلتـهـن النسـوان ربـن سمـج بالجــود
__________________
  .gif "E20(151)") لا إله إلا الله محمدا رسول الله
|
|
#3
May 13, 2012, 05:14 PM
|
||
|
|
||
|
رد: قصـة من التـراث ــ من حيـلتـهـن النسـوان ربـن سمـج بالجــود
اقتباس:
لك كل الود والمحبه
__________________
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصـة واقعيه رائعة جداً (الفتاة التي في أبها انظروا ماذا فعلت) | وردة الربيع | روايات و قصص منشورة ومنقولة | 31 | August 19, 2011 02:49 PM |
| سأفي بقسمي | Philosophe | كلام من القلب للقلب | 0 | August 31, 2009 04:09 PM |
العرض العادي
