فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 7, 2006, 12:44 AM
 
قصيدتي من تأليفي؟؟



بسم الله الرحمن الرحيم

هذي قصيده كتبتها من تأليفي بعد ماعرفت ان زوجي تزوج علي اتمنى تعجبكم وقولولي ايش رايكم؟؟


جاني الخبرواشعل بوسط قلبي ناار & قالوا تزوج البارحه وأنت غافله
أصدق أكذب حسيت العقل مني طار & لكن دعيت الله يصبرني وانا راضيه
جالسه بين الحريم اقلب الأنظار & قلبي ينزف صارت جروحه داميه
قالوا عيونك مدمعه كأن فيها غبار & قلت مافيني شي يمكن شوي حساسيه
أضحك وأسولف واسمع منهم أخبار & وداخلي يبكي بكاء طفله ضايعه
رجعت للبيت صرت المس جدا وجدار & قلت يمكن اصحى وأعرف أني نايمه؟
ضميت ثوبه بكيت حسيت اني أبنهار & حمدت الله ودعيت يعيش عيشه راضيه
أرسل وقال فوزيه أحبك وولع النار & رديت قلت أنت حياتي بها لدنيا الفانيه
أنت سبب فرحي وتدري عليك أغار & وهذي حكمة الله وحكمته بالغه
لو تفصلني عنك جبال وبحور وأنهار & لاتظن أبترك لو قالو عني مانت صاحيه
قالو اترك قلت ولله مأرتكب عااار & راح يرجعلي ويلمني بحضنه الدافيه
هو طعم حياتي هو الملح هو البهار & أحطه داخل العين ولأكون عنه لاهيه
أنت كل شئ لي أنت صندوق الأسرار & لاتعبت حسيت بعطفك وإيدك الحانيه
والله ماني من هوات القصايدوالأشعار & هو حرك إحساسي ومشاعري الكامنه
قلتلي أبعدي أبشوف أقرر وأختار & إذا تعافيتي رجعتي لحياتي ثانيه
(فهد) هذا أمر الله والي صار صار & وأنا ماكذبت عليك وقلت إني متعافيه؟.
أذكر أبوي قالك ندعي الواحد القهار & إنه يشفيها ويعيشها عيشه هانيه
كنت جالسه أسمع ردك والقرار & طقيت صدرك وقلت أبحطها بدنيا ثانيه
راضيه بزواجك هذا كلام ماعليه غبار & مأبيك تبعدني عنك وهذا منه انا خايفه
أصلي وأدعي ربي سبحانه الجبار & إنه يسعدك ويهنيك بحياتك الثانيه
أقول لزوجتك الي وقع عليها الإختيار & أمانتك قلبي لأني سلمتك روحي الغاليه
عيشي بسعاده لاتبعدينه عن الأنظار & طالبيه بالعدل صدقي بتعيشي عيشه هانيه
قالولي إنك طيبه وأهلك من الأخيار & تكفين قوليله إنك بوجودي راضيه
مأبي قصور وفلوس مصيره للدمار & أبيه يحن علي ويرجعلي البسمه ثانيه
(فهد) طلبتك قولي تم قولي صااار & لاتبعدني وتخليني أعيش بحياتي شاقيه
عرفتك طيب حنون ماعرفتك غدار؟ & ماترضى تشوف علي الحزن أصير فاهيه
أقول لأمك ياخاله وش الحيله والأقدار & قوليله أحبه وأنا على كل شئ آسفه
أقول لأبوك ياعم انا بنتك داخلي نار & وأنت أبوي مأنسى حنانك بأول وتاليه
منتهى آآآه وانا أمك أدور أعذار & مأبي ابعد عنك لو للحظه او ثانيه
أبوك تزوج وهذي حكمت عالم الأقدار & مازعلت وانا أمك لأني بعلتي راضيه
ذبحتيني بعد ماقلتي ابي أبوي وش صار & رديت أبوك مسافر شغل ولله اعلم بالخافيه
قلتي ابي أحبه قوه ابي اجلس معكم بالدار & ضميتك وحبست دموعي قلت أنت كل ماليه
هذا مقدر قبل الولاده ونعومت الأظفار & وأدعي الله أنه يرجعلي الصحه والعافيه
أفهموني مأبي شئ يالطيبين الأخيار & أبي زوجي اقوله خذروحي وانا عنك محاميه
وآخرتها اصلي على نبي الله المختار & وادعولي يحننه على روحي الخايفه
رد مع اقتباس
  #2  
قديم March 7, 2006, 01:00 AM
 
مشاركة: قصيدتي من تأليفي؟؟

مشكورة كثير يا اختي اف ام اف

وانشاءلله ياكتب لك نصيب يارب العالمين احسن من الي قبل


تحياتي لك
رد مع اقتباس
  #3  
قديم March 7, 2006, 01:42 AM
 
مشاركة: قصيدتي من تأليفي؟؟

مشكوره حبيبتي على القصيده الرائعه 00


أنشاءلله يعوضك الله خير منه 00
رد مع اقتباس
إضافة رد

مواقع النشر (المفضلة)

الكلمات الدلالية (Tags)
تأليفي؟؟, قصيدتي

أدوات الموضوع
انواع عرض الموضوع



الساعة الآن 02:03 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر