فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 22, 2008, 02:15 PM
 
ياساتر..والله قوية

تخيل نفسك مكان العريس وش بتسوي؟؟
بصراحة وبدون مجاملة
استشعر الموقف وبعدين رد على الموضوع



أبد ما جيت أبارك لك ولكن جيت باوصيك

على الله ناوي(ن) تدخل بها الليله معذبتي

ترى لولا الظروف اللي عطّتك وحدّت محاكيك

قسم بالله ما تدخل عليها لو على رقبتي

ولكن النصيب أقوى ولاادري ويش اسوي فيك

نعم صارت معزبتك,, ولا صارت معزبتي

كذا شاءت بنا الأقدار تحرمني لجل تعطيك

كذا لازم عشان تفوز انت,,أنا اخسر بتجربتي

تراها غالية جدا..وتكفى.. والله يخليك

تدللها..تدلعها ..تنسّيها مصاحبتي

أنا من كثر ما اغليها أحس اني بديت أغليك

ولاتسأل بأية حق والا وش مناسبتي

لأنك لو بتسألني بتسمع شي ما يرضيك

لذا يا خوي لا تسأل ولا تسمع لأجوبتي

أبيك تحطها في داخل عيونك وبين ايديك

وهي دلوعة إعتادت على كثرة مداعبتي

فداعبها شوي شوي حتى تشتهي طاريك

وشاغبها إلين تقول: بطّل من مشاغبتي

واذا هي مالها خلقك,,ولا تضحك ولا تسليك

تحمّلها وإسألها :ياعمري ليه عصّبتي

وبالك أسمع انك يوم تضربها وهي تشكيك

ما يحتاج أوري لك بفن الضرب موهبتي

صحيح انك بتملكها ومعك العقد بالتمليك

وانا عارف حدود الله ومن حقك معاقبتي

ولكن قل لها : المجنون وصّاني وهو يعنيك

يقول انه بينتظرك لوشيّب وشيّبتي

وانا مجنونها اللي ما نساها وانششت مايمديك

تغطي ذكرياتي.. في هواها و ربع تجربتي

أحس اني تماديت بكلامي,, والغضب حاديك

ولو انك في مكاني ما تفكر في محاسبتي

كفاك اني تركت الليله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيك

أنا جيتك عشان أخاطبك واسمع مخاطبتي

توصّى وانتبه... واحرص عليها والله يهنيك

ترى كل الكلام اللي طلع من ضيقي وكبتي

ولكن ما قدرت اني أقوله وانت مايخفيك

أخاف اني اذا قلته تقوم وتقطع رقبتي
رد مع اقتباس
إضافة رد

مواقع النشر (المفضلة)

الكلمات الدلالية (Tags)
ياساتروالله, قوية

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حمل كتاب 00ضربة قوية على الرأس سـمــوري كتب الادارة و تطوير الذات 37 December 25, 2012 03:13 PM


الساعة الآن 09:43 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر