فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 20, 2008, 10:09 AM
 
اشعار مؤثره

اشعار
على ذاك الجدار الي على حد البيوت
وقفت وهاجس الذكرى نفض غباره
وفي ذاك المكان ثبت ان الآدمي من طين
تخيل يوم لمسته تنهد من شقا ناره
سألني وقال أنا أذكر تجون اثنين
بكيت وقلت صدقني ..
رحل وانقطعت أخباره..!




قالوا علامك كل ماحل طاريه
تنسى البشر حولك وتذكر خياله..؟
قلت أبنشد قلب لاغاب يرجيه..
قلب بعد فرقاه واعزتاله..!
قالوا علام القلب متولع فيه؟
دور لعل القلب يغلي بداله..؟
قلت الغلا ماهو على كيف راعيه
لو الغلا بكيفي قلنا حلاله..!



ليه ماأرحل عن غرامك
بعد ماذقت الغبينه؟؟
اذكر لي شي واحد يستحق
أقعد عشانه..؟
قلب ماحن لوصالي
ماني بحاجة حنينه
وأشهد انه مايعزر بالرفيع
الاهوانه!!


تخطي علي وأستسمحك وأترجاك
ضعفي هواك وفطنتك ماتخونك
المشكله اني كل ماجيت أبناسك
فكرت نفسي كيف ترتاح دونك؟
ورديت قلبي عنك لاشك هو جاك..
جيتك معه راضي بمقبل طعونك..




احتجت لك في ضيقتي مالقيتك
وقضيت ليلي بين همي وفرقاك
واليوم جاي تقولي هاه جيتك..
وش فايدة اني الى رقت أبلقاك..؟



أبعتذر باسم الشعر والقوافي
ان كان في حقك عن الوصل قصرت
لوهي بكيفي والذي مايشافي
لأنقل لك الفرحة هوى وين مارحت..
لكن وعد مني وأنا انسان وافي
تبقى أعز انسان ان جيت وان رحت..


يامرحبا باللي يبيني وأنا ابيه
الي غدا بعده على القلب جاير..،
لامرني طيفه وجتني طواريه
من زود شوقي له تهل العباير..،
ماغيره أحد علق الروح بيديه
ولا أحد سواه بخاطري مر زاير..،


أنا صديقك لاقسى الوقت وأكفيك
ولاني من الي وقت المصالح يجونك
أعزك ياصاحبي بكل مافيك..
ومن كثر ماعزك صرت أعز الي يعزونك
أفتخر لاقالوا اني مخاويك
يامنبع الطيب قلبك
والصفا في عيونك؟؟



تخيلتك وأنا جالس بين الناس وحداني
تذكرتك وقمت أضحك بس العين زعلانه
راحت تشتكي وتقول:
متى بشوف خلاني؟
فجأه اذا بالناس بدت تسال وولهانه:
ورى عينك تهل الدمع
عسى ماهو خبر شيني؟
تبسمت وقلت لا!
(جفون العين تعبانه)


طال الزمن
ولاقصر والله
ماأنساه..
أحبه ياناس
لاتلوموني
يسوى جميع البشر
أقصاه وأدناه
وأشيله عن جميع
الناس بعيوني..



لاتنزعج ماودي أزعجك واشقيك
بس القدر حكم بحكم الفراقي..,
ماهوب قلبي لاتصبرت ناسيك
بعدك على هالحال زاد اشتياقي..’
أبنتظر لو طول البعد وأرجيك
أشيل حمل الشوق لو مايطاقي..،
أنا على عهد الموده مصافيك
ولو تحدا الوقت مازلت باقي..،



بالأمس كنا نجتمع ليل ونهار..
واليوم يابعدك ويابعد دارك..
ليت الليالي علمتني بالأقدار
وليت القدر يرحم بحالي وحالك..
يمر ليلي في خيالات وأفكار
على بساط الشوق أصور خيالك..


يعانقني صدى صوتك
يجسد فرحة الإحساس
يغني للهوى معنى
ويفضح نظرة عيوني
ويعلن خاطري كلمة
أحبك يا أعز الناااس
أحبك والغلا بالروح
يزيد اليوم بشجوني..


غردي ياطيور الجو فوق الجبال..
وارسلي له سلامي وأسرعي بالجواب
وارعدي ياسحابه فوق عالي التلال
وترجمي له شعوري بعد طول الغياب
واحملي له عبير الورد تحت الظلال
وارسلي له نسايم من رذاذ السحاب



في شوفتك "فرحه"
تنسيني أحزااااني
يالي أحبك كثر حب البشر كله
حبك طويل ولا أدري وين وداني..
أروح وأعود في ذرى ظله
كاني نسيتك عسى هالعمر ينساني..
وإن مادرى خافقك عن هالغلا قله..



حبي لك أكبر من حنان المحبين..
وأقرب بواجد من خفوقي لذاتي
أنا الجسد وانتي لي الروح والعين
وأنا ضرير الشوف وانتي عصاتي..
مهما تجاهلتي عن الحال تدرين
محد خذا غيرك مكان بحياتي..



ياحيلة الله وش أسوي بالأقدار
مالي على رد المقادير قوه
مكتوب أصير في دار والزين في دار
وقلبي تلوع وأحمر الدمع ضوه
ياما صبرت وراعي الحب صبار
يخفي عذابه كان عنده مروه..




يشق من الوله
جيبه
خفوق لاسمع طاريك..
تصور عاد لوشافك..
قلبي وش أسوي به!!


رسايلك ترد الروح..
وتجبر خاطري المجروح..
عساني ماانحرم منك
ولامني تجيك جروح..




من عرفتك..
والسعد عندي وصل..
تكفى لاتبخل
على قلبي
بوصال..



ليتك تموت فيني
مثل ماموت فيك..
أو على الأقل تقدر حنيني
يوم كلي يبيييييك!



مالوم نفسي فيك
لو هزها الشوق..
من عاش طيبة قلبك
لابد يشتاق..،



اذا قلبك يبي قربي
حياتي كلها تبغاك..
تغرد لك هواجيسي
وطرفي يرتقب شوفك..



ليت الزمن يمشي
على الكيف وألقاك..
وليت اللقاء((ماينتهي))
يوم أشوفك..



لو ضاعت مفاتيح الوفاء
من كفوف الزمن
أوعدك مايضيع مفتاح غلاك
دامني حي..



ماأقول تذكرتك
لأني مانسيتك..
بس...!
هاج فيني الشوق
قلت أمسيك بالخير..



لو تغرب في الغرام
ولا تشرق..
سر قلبي محد
غيري يطوله.......!



عسى ربي يعوضنا
على قل اللقاء والشوف
ويجمعنا مثل أول
ونروي بالغلا ديره



ليه أبكي..
اسأل الدمع الحزين؟
اثر طيفك مايفارق
عن عيوني..



وعد

مادام الشجر يرقص
مع هبة الريح
يبقى الغلا والصدق
بينك وبيني..!




أنا مجرد بشر,,
والشوق لوعني,,
كني غريب لقى
((بعيونك أوطانه))




اذا تبي تعرف
متى ينتهي غلاك عندي..
وقف على شط البحر وانتظر
حتى ينتهي موجهّّّّ!!


مهما نطق لي
بالمشاعر لسانك..
شي بدون احساس
مااقتنع فيه..


وانشاء الله تعجبكم
الصور المصغرة للصور المرفقة
اضغط على الصورة لعرض أكبر

الاســـم:	ددددددد.jpg‏
المشاهدات:	171
الحجـــم:	4.3 كيلوبايت
الرقم:	2641  
__________________
رد مع اقتباس
  #2  
قديم January 21, 2008, 01:03 AM
 
رد: اشعار مؤثره

قلت الغلا ماهو على كيف راعيه
لو الغلا بكيفي قلنا حلاله..!


تسلم يمينك اختي الفراشه
وربي يعطيك العافيه
__________________
رد مع اقتباس
  #3  
قديم January 21, 2008, 04:21 AM
 
رد: اشعار مؤثره

مشكوره حب الكلام يموت لوعاش ايام وحب القلوب يعيش لو عاش مدفون ممكن اخذ ايميلك بليز
__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
مؤثره, اسعار

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
عرض بور بوينت - قصه مؤثره جدا حنون عروض البوربوينت 23 October 9, 2013 03:08 AM
آآآآآآآآآآه ياريم!!!قصه مؤثره الولهان77 روايات و قصص منشورة ومنقولة 6 April 12, 2006 02:56 AM


الساعة الآن 10:18 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر