فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #1  
قديم September 11, 2011, 07:20 PM
 
Love .../ رواية نفسي أضمك / ...

بسم الله الرحمن الرحيم...


اتمنى منكم تقييم الروايه ...

طبعا بالبدايه راح نعرف بالشخصيات الاساسيه والفرعيه راح نتطرق لها من خلال القصه..

1/عائلة ابو حمد..
ام حمد انسانه بحالها وبعيالها مالها شغل بأحد..
حمد عمره 30متزوج من امل لكن ماله اولاد..
حلا بنت حلوه مرررره عمرها 21سنه رومنسيه والكل يحبها الا ؟؟؟؟؟
خالد عمره 18سنه..
ندى عمرها 10سنوات..


2/عائلة ابو فهد..
ام فهد امراءه قويه ومسيطره على زوجها لدرجه مايقدر يعارضها اذا قررت شي..
فهد شاب وسيم ومحترم كل البنات يتمنونه لوسامته وطيبته عمره 24سنه باقي له نصف ويتخرج..
دانه بنوته طيووووووبه ومتعلقه بأخوها فهد كثير عمرها 22سنه..
وعد اصغر من دانه لكنها مصدر الشر بالبيت وسوء الظن..
محمد رجل مستقل بنفسه وعائلته عمرها 40 ومتزوج عنده 3اطفال وزوجته اسمها مها..

<<طبعا اهم شي احب اذكره ان الأباء اخوان وكلهم ساكنين ببيت واحد كل عائله بطابق والجدير بالذكر

ان الاباء مالهم دور كبير بالقصه من الدوام للسهرات والامهات هم قايمين بالدور>>..


-قبل مانبدأ بقولكم انوا البنات مايتغشون عن الاولاد بحكم انهم متربيين مع بعض وبـ بيت واحد<<كلها قصه يعني مو حقيقيه>>

بسم الله...


((الجزء الاول))..

حلا جالسه بغرفتها وتكتب بدفتر يومياتها شو صار معها اليوم يطق الباب

حلا/مين

دانه/انا

حلا/هلااااااااا تفضلي

دانه/شتسوين كشفتك ليش ماانتي معاهم جالسه

حلا/ماادري متضايقه قلت اجلس اكتب يومياتي احسن لي..

دانه/خليني اشوفهم ؟؟

حلا/لااااااااا حبيبتي والله مااقدر احس هالشي خاص فيني..

دانه/اوكي حبيبتي اصلا امزح معاك المهم تبين نروح نجلس معاهم؟؟

تدخل وعد /دانه شتسوين عندها بغرفتها تعالي امي تبيك..

دانه وعلامات الغضب بوجهها/طيب قوليلها جايه يالله حلا نكمل بعدين

حلا وهي تفكر بوعد ليش تكرهها هالكره/ان شاء الله..

بالجانب الثاني من المنزل...

ام فهد/دانه انا ماقلتلك لاتروحي لحلا الا بأذني؟؟

دانه/ يمه هذي بنت عمي وكلنا ببيت واحد كلما نويت اروح لها لازم اقول؟؟

ام فهد/ايه قلتلك الف مره قوليلي هذي وحده كذابه تمثل عليك الطيبه وهي بس تبي تتقرب منك
علشان فهد اخوك..

دانه/يمه وش هالتفكير خلاص بروح لغرفتي عن اذنك..
دخلت دانه لغرفتها وهي تفكر بأمه انها دايم تسئ الظن والمشكله ان وعد صارت نسخه من امها نعست ونامت
وهي تفكر ولا لقت حل...

حلا/ ماجاها النوم وتفكر بفهد لأنها ماشافته كم يوم لانه مسافر /ياربي يافهد متى ترجع والله متحمله هالدنيا علشانك..

وبنفس الوقت فهد جالس يقول/اااااه ياحلا ماادري متى ينحلن هالمشاكل واتزوجك ...

((الجزء الثاني))..
ام حمد تنادي بالشغالات علشان يحطون الفطور لانهم تاخروا...

ام فهد مو عاجبها شي كالعاده ..

المهم اجتمعوا كلهم وافطروا واللي عنده شغل راح للشغل والباقين جالسين بالصاله...

ام حمد/ياميري روحي عجلي حلا اخوها ينتظرها والحين تتأخر عن الكليه..

ام فهد/الا على طاري بنتك حلا يقولون في واحد جايكم يبي يخطبها؟؟

ام حمد/ماصار شي ولا جاء رسمي بس امه اتصلت علي وقلت يجي ويشوفه ابوها وبعدين نردلكم

ام فهد/وحلا وش رايها بالموضوع؟؟

ام حمد/للحين ماقلنا لها شي لأنه ماجاء لأبوها واولا واخيرا الراي لها..

ام فهد وهي تبي تصرف حلا بأي طريقه/ اذا كان زين ليش تفوتونه على بنتكم البنت مالها الا بيتها وزوجها..

ام حمد/يصير خيــــــــر...

دانه كان صباحها يائس لأنها ماتدري متى يرجع فهد يعني ماصار معاها شي راحت للدوام ورجعت ونامت بدون
حتى تاكل شي..

على الغداء دانه/ خالتي <<تقصد ام حمد>> حلا وينها ماشفتها اليوم..

ام حمد/من رجعت دخلت تنام وتقول ماتبي الغداء ..

دانه حست ان في شي وقبل ماتروح لغرفتها /خالتي ولاعليك امر لا قامت خليها تدق علي اجيها

ام حمد /ان شاء الله..

بالليل رجعت دانه لبيت عمها وسألت عن حلا وقالوا لها انها بغرفتها وراحت لها..
دانه/حلا ممكن ادخل؟؟

حلا /تفضلي ولوووو

دانه مستعجله/حلا شفيك صاير معك شي؟؟

حلا/ لا بس متضاااااااااااااااااااااااايقه..

دانه/من ايش تكلمي علي شي يخص فهد؟؟

حلا/ اي بفهد ماادري متى يرجع انا مستحمله حياتي انه موجود فيها صدق اني بعيده عنه بس لمااشوفه
لو لحظه باليوم هذا يكفيني..

دانه وهي تضم يد حلا /ياعمري ياحلا استحملي شوي مابقى شي وتتخرجون وتتزوجون وتتطلعون من هالبيت النكد..

حلا وعيونها مليانه دموع/دانه اقولك شي؟؟

دانه/قولي..

حلا/احس اني انا وفهد مارح نجتمع مهما سوينا

دانه/قصدك علشان امي؟؟

حلا/امك اول الاسباب وياكثر الاسباب غيرها بس هذا احساس دايم احس فيه..

دانه/لاتتشائمين وفكري بدراستك الحين ويصير خير.

حلا وهي تضم دانه/ان شاء الله..

دانه/خلاص بروح قبل امي ماتسوي لي محاضره قبل انام ولاتفكري بشي علشاني وانا راح احاول اتصل على فهد واشوف
متى راجع..

حلا وهي منحرجه/اوكي ورديلي خبر بس لايدري اني سألت..

دانه/مستحيه منه؟؟؟

حلا/ اكيد شقالولك...

دانه/اوكي باي.
عدى اليوم بسلام والكل كان مرتاح الا قلوب العشاق فهد وحلا...

طبعا باقي اجزاء كثيره بس اذا حسيت انكم تبوني اكملها راح انزل

كل يوم بارت جديد..

منقول لعيونكم



__________________



رد مع اقتباس
  #2  
قديم September 11, 2011, 09:14 PM
 
رد: .../ رواية نفسي أضمك / ...




مشكورة على القصة أختي .. بارك الله بك ..

و يا ريت لو بتعطينا باقي الأجزاء ..

تحيتي ..
رد مع اقتباس
  #3  
قديم September 12, 2011, 04:02 PM
 
رد: .../ رواية نفسي أضمك / ...


ان شاء الله كل يوم جزء منها

بارك الله فيك
__________________



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ودي أجيك من التعب ثم أضمك ~ وتشوف أنا وشلون عايش بلياك الهلاليه شعر و نثر 6 January 2, 2012 10:30 AM
آخآف .. آضمك .. وآتعود على حظنك .. !! 199x شعر و نثر 14 May 27, 2010 03:59 PM
ودي أضمك غلا؟؟ >> أنفاس الحنين << شعر و نثر 6 December 3, 2009 05:19 PM
العام المقبل!! .. وااأسفاه!! .. نفسي نفسي!! assateer21 النصح و التوعيه 0 August 19, 2009 05:10 PM
تعال......أضمك @$الرحال$@ شعر و نثر 1 March 3, 2009 07:38 AM


الساعة الآن 09:31 AM


Powered by vBulletin® Copyright ©2000 - 2018, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر