ساااعدوني

ساعدوني
انا حدي تعبت
انا وحده انطوائيه ما اعرف اختلط مع الناس او بالاحرى بيت اهلي اذا رحت بيت اهلي اضل ساكته ماتطلع
مني ولا كلمه واذا حاولت اني اسالف ما اقدر احس شي يمنعني
يعني اللي فعمري يسالفوا ويتغشمروا مع الكل مع خالاتي وحريم خوالي
كنهم ربع
الاانا مدري
لدرجة اني ظليت فتره اقعد في البيت مااروح بيت هلي عشان ذا السبب احس اني نكره
مع انا خواتي مجتمعين مع بيت هلي
الا انا
ساعدوني مقدر اتحمل

-



عـآدِي ,
يمكن نفسككْ م ترتآح لهم عشآن كذآ م تقدرين تختلطين معهم او تكلمينْ
اللّي فيكِ خجلْ ,
واذا قلت لكً ان أقرب الناسْ لِي استحي حتى اناظر وجيههمْ
لدرجةة انِي انسى تفآصيل وجييهمْ ,
الي فينآ خججل زآيدْ وم له علـآجً ^^
خلينآ كذآ احسنْ ي بنتْ
وش لكك ببعض الناس وبعض الكلـآم اللي يسمْ الروحً " (
ب التوفيق ي طيبهً

__________________

عزيزتي ، الحالة اللي تمري فيها عادية ، وطبيعية جدًا ،
بس ، لازم نعود نفوسنا ع الاختلاط والتقرب أكثر من أهلنا ،
ليش ؟ لأنك بيجي يوم بتحتاجي فيه لحد يسمعلك وتسمعيله ،
الله خلقنا علشان نتعارف ع بعض يالغلا ، والتعارف مهم جدًا وجدًا بعد !
طيب ، حاولي تراجعي نفسك ، شو الشي اللي تخافي منه إذا تكلمتي ؟
يعني بتجيكِ انتقادات ؟؟ أو تعليقات ؟؟ عادي شو يعني ؟
كلنا نعلق ع بعض ،وبالعكس ، هالشي رح يزيدك ثقة بنفسك ،،
حبيبتي ، عدم مخالطة الغير ف شتى المناسبات له تبعات سلبية كثيرة ،
يعني لازم وحطي مية خط تحت كلمة لازم ، لازم تعالجي هالنقطة فيكِ
وخليكِ واثقة من نفسك ، وواجهي المواقف ، لا تنهزمي من شيء بسيط ،،
موفقة غلاتي ،،

__________________