نبي مظاهرات تكفون بسرعه ادخلوا وحلوا الموضوع الانه موضوع في غاية الاهميه

في الكويت

انا من طالبات النظام الموحد اليديد

بصراحه يبط الجبد

ممكن تقولون لان احنا اول ناس نجربه

و لانه اساسا مو داخل مزاجنا

نقول يمكن

احنا بصراحه استانسنا لما عرفنا ان طول السنه مافي غير 4 فترات

احسن

بس المشكله ان كل يوم امتحان قصير بماده

و المشكله ان الامتحان القصير فصل كااامل

شدعوه ؟!!!!!

و الكتب كل واحد امتن من الثاني

و المعلومات شكثرها

و ركض ركض ركض بالمنهج

ليش ؟

علشان نخلص الي مقررينه للامتحان قبل وقت الامتحان

و الامتحان الواحد فوق ال100 صفحه ؟!!! @@

يعني شنو الفايده من امتحان فتره وحده

مادامهم دمجوا كميه الفترة الاولى و الثانيه مع بعض

و تضاعفت الكميه علينا احنا

11 ماده

احياء و جيلوجيا

كيمياء و فيزياء

لغه عربيه

لغه انجليزيه

تربيه اسلاميه

قرآن كريم

بدنيه

اجتماعيات

دستور و حقوق الانسان

رياضيات

حاسوب

والله العظيم ظهورنا تكسرت من هالكتب و الاغراض

يعني مخففين علينا

قالوا لنا اول السنه نبي دفاتر 60 او 80 ورقه

اوكي يبنا هالدفاتر

بس الكتب

عربي 3

احياء 2

حاسوب 4

فيزياء 2

انجليزي 2 بالاضافه الى القاموس و المذكره

الاسلاميه 1

القران 2

دستور 1

رياضيات 1

بدنيه 1

و مواد طالبه دفترين

يعني بلييييز قولوا لي شنو خففوا

والله العظيم اني اشيل جنطه فيها كتب و بالطو

و جنطه عالظهر فيها كتب

و كره سله

و جيس ملابس البدنيه

و يقولون خففوا !!!!!!!!!

الحين بيي حق جانب الابلات

طبعا كل ابله تبي الاولويه حق مادتها

يعني نحفظ و نسمع و الدفاتر و الواجبات و التحضير و كل شي مادتها قبل

و كيفهم المواد الباجي

كل ماده قامو يطالبون بتحضير الدرس الي طاف و الدرس الياي غير الواجب و التقارير

كل ابله تبي نحفظ كل المقرر و نسمعه بمده اقل من اسبوع

غير الطلبات الي كل يوم مثل

تصوير ورقه عمل لكل بنات الصف

وسيله

لوحه

ملف

وووو الخ

و البنيه ماكو شغل غير رايحه المكتبه و مركز الطالب و دسمان وووالخ

علشان طلبات الابلات

لالا هم يبونا من نرد من المدرسه نفتح الجنطه و الكتب و ندرس

و طبعا و بسبب الكميه الكبيره ماراح نخلص الا بموعد النوم

و هكذا لما نتخرج من الثانويه

شنو مو من حقنا

نرتاح

ننام

ناكل

نمارس هواياتنا

نطلع

نزور

نت

ووو الخ

لا شي اكيد مو من حقنا

لازم نقعد و نجابل الدروس

علشان ما نكون مقصرين بالدراسه

و علشان نرضي الابلات

و عاد ياريت لو سوينا جذي بيرضيهم هالشي

بعد راح يطلعون فينا عيوب

و طبعا في جمله من اولى ابتدائي و انا اسمعها

ليش ما حفظتي

ليش ما كملتي الدفتر

ليش ما درستي

<<شعندج اربعا و خميس و يمعه >>

ياااااااااااااااااا كره هالجمل

اتحداها اذا هي اربعا و خميس قعدت عيالها و جابلتهم و درستهم

شي اكيد لا

بس شاطرين علينا

كل سبت نسمع هالجمله

و بعد كل عطله

شسويتي بعطله العيد

ليش ما درستي

عطله عيييييييييد :@:@:@

شكووو ندرس

بروح اعايد و لا بدرس ؟

بتقولون العيد 3 ايام

شنو سويت بعد ال3

طبعا رحت اصرف العيادي

انا حاليا طلعت شويه من الحره الي فيني <<< كل هذا و شويه

ااييي تذكرت

في كتب ليلحين ما عطونا
!!!!!!
تخيلو خلصنا الفتره الاولى و بندخل الثانيه
و ليلحين ما خذينا
؟؟
وايي ان بنسبالي ثنويتي مافي جرس الا حق نظام المقررات والموحد احنا نمشى على الساعه واذا تاخرنا دقيقه حسبونا تاخيرر ويهزءون فيننا وليش وليش متاخرا ما صارت
يعني هم الواحد ينسى يشوف الساعه كل دقيقه احنا الدقيقه الوحده بالفرصه محتاجينها نروح نسمع ولا ناكل ولا نسولف والله حتى رفيجاتي صرت ما شوفهم وايد بس سلام من بعيد يالله كل وحده لاهيه بشغلها والتسميع كله بالفرصه والفرصه ربع ساعه والثانيه 10 دقايق وين يمدنا والمدرسات ياخذون ساعات الفرصه يدمجونها مع حصتهم عشان يكملون المنهج !!
يعني ترى أحنا بشر !! و لنا إحساس نتعب فييه .. حراام و الله حراام ... اذا يظنون أنه بجذي بيطلعوون جيل فاهم و متعلم ... أنا أتووقع 30% من طالبات المووحد يعدّوون الصف العاشر ..
و الله كريم ..
و ... بس
خلاص مصختها

خلص موضوعي
و من جد وجد و من زرع حصد << غلطااانة

هو نظام فاشل بما تعنيه الكلمة تكفون نبي مظاهرات جدام مجلس الامة والله العظيم
حرام عليهم امتحانات الفاينل ثلاث اسابيع ؟؟!!!!!
واربع ايام ندرس فيهم ثلاث عشرة مادة !!!!!
واللي باط جبدي يبونا نجمع النسبه ؟؟؟
بس شلون انجمع النسبة ؟؟؟
ونسبة السقوط أكثر من نسبة النجااااح...
والله العظيم كنت متفوقه في السنة الفاتة والحين نسبة جيد جدا ..
ومراح اتفوق هذه السنه
تكفون انقذونا ساعدونا ترى اذا استمر هذا النظام ما في احد رااااح يدش جامعة الكويت...؟؟؟....!!!!
ادعولي
مع خالص حبي...

جدول اختبارات الصف العاش الثانوي:
الاحد : 6/1 قرآن كريم

الإثنين : 7/1 المعلوماتية

الثلاثاء : 8/1 التربية البدنية

الأربعاء : 9/1 الفيزياء

الخميس : 10/1 الأحياء

الاحد : عطله

الإثنين : 14/1 الكيمياء

الثلاثاء : 15/1 اللغة الأنجليزية (( الورقة الأولى + الورقة الثانية ))

الأربعاء : 16/1 اللغة العربية (( الورقة الأولى + الورقة الثانية ))

الخميس : 17/1 اجتماعيات

الأحد : 20/1 رياضيات

الإثنين :21/1 التربية الإسلامية

الثلاثاء : 22/1 الدستور

وبالتوفيق للجميع ومنهم انا