فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 23, 2011, 06:25 PM
 
قصيدة الاماكن الحقيقيه ..

حبايبي بعد البحث المتواصل عن قصيدة الأماكن القيت القبض عليها اخيرأ
من زمان واحنا نسمع انه القصيده كتبها الشاعر ( منصور الشادي )
لكن هذا الكلام مو صحيح اللي كتبها شاعر غير معروف اسمه (سعد العوجان)
طبعأ لأن الشاعر سعد العوجان مو معروف اعلأميا بالعربي كذا راحت عليه ..
جبت لكم القصيده في منتدانا الجميل والغريب في الموضوع انه الشاعر سعد
نفى اي ارتباط له بالقصيده .. معنى هذا انه الأخ بايعها لحبيبنا منصور الشادي
ماراح اطول عليكم اتمنى موضوعي ينال اعجابكم ياحبايب قلبي
واليكم القصيده كامله ...


رحت وجروحي تصوت جرح ..
جرح ..
رحت ماخليت فيني اي فرح
المشاعر في غيابك ذاب فيها
كل صوت..
والليالي من عذابك ..
عذبت فيا السكوت
من رحلت.. وماسالت .
.استوت في ناظري كل الفصول
لاربيع ولا بساتين وزهور..
ولاصباح ولامصابيح ٍ ونور
ومابقى في خاطري غير الحنين
اللي اختزل طعم السنين
وصرت خايف لايجيني يوم يذبل فيه قلبي
وكل غصن ٍ بي يموت
اه ياالسنين اللي مضت
قبل النوى كانت تجمعنا سوى
منها ارتويت ومااارتوى قلب ٍ هوى
آه لو تدري حبيبي كيف ايامي بدونك
وكيف بعدك كل لحظه
تسرق العمر وتفوت
آه من وين الامان
وانا قلبي من رحلت
ماعرف طعم الامان
اللي توسدته زمان
من رحلت كل شي توارى
واختفى
الا تفاصيل الجروح اللي حيت
في داخلي
واصبح لها نبض وروح
وغنيت انا لذاك الربيع
اللي اختنق بيد الخريف
من رحلت ماسالت
من للصباح اللي فقد
طلة جنابك ياالرهيف
من للزهور اللي فقدت
ناعم رذاذك ياالندى
كل شي رحل
كل شي غدى
كل شي تبدد ماعدى
جرحين من واقع كليف
الجرح الاول للفراق
والجرح الآخر للحنين
زمان بعذوبة مكان
ومكان بمرورة زمان
مابينهم انزف نزيف
زمان في هذا المكان
حتى الشوارع تحتفل
في خطوتك في مشيتك
وكل الاماكن كرنفال
ماهو بس انا حبيبي
من ضناه الشوق واشتاق لحبيبي
الرسايل
والبواكي
والهدايا
والعيون اللي كسرت قلب المرايا
كل شي منها يذكرني بشي
حتى صوتي وضحكتي لك فيها شي
مايفسر بالف شي ٍ والف شي
والنوافذ
والشوارع
والاماكن
كلها مشتاقة ٍ لك
والدروب اللي ارتسم فيها خيالك
والسهر والليل والحلم بوصالك
والسؤال اللي نزع روحي وجالك
يسألك وين رحت وليه رحت وكيف حالك
يااول عبارات الشعور
ياآخر انفاس الشعور
جيت المكان اللي اجتمعنا به زمان..
ومالقيتك.
.واحتريتك.. .
. تجي نعيد الذكريات ..واحتريتك.. واحتريتك
بس الاسف ماجاء خبر ..
ورغم الحزن رغم الصراع ..
والياس وواوجاع الوداع
في غيبتك اللي امتلت ليل وسهر ..
مانسيتك
ودي اسألك
ليه كل ماجيت اسأل هالمكان ..
اسمع الماضي يقول لو تصول ولو تجول
عني الحاضر يحول .
.وش عاد لو كنتوا زمان..
اثنين في كف البدر
واثنين في قلوب النجوم..
وهذا عيون وذا رموش ومحاجر
واليوم في هذا المكان اللي اعتصر جور الزمان..
لونين من لون الوجوم
زمان في ذاك المكان كنت بعباراتك تقول
هالغيم في عرض ٍ وطول وعن شمسنا ظله يحول
وكنت ابتسم من كلمتك واجيبك وكلي ذهول
ماذكر شمسين بسماء تقاسمن حضن السهول..
ياشمسي اللي ماتزول
كنت الغصون المشبعه
وصرت الطعون الموجعه
غيب واطعن بالبعد حلم الوصال..
لاتخلي للرجوع اي احتمال
غيب واقسم لك برب ٍ مايغيب..
لو يغيب الكون عني ماتغيب
من رحلت وماسألت
الاماكن اللي مريت انت فيها..
تنبض بروحي واجيها
واتخيل صورتك فيها .. وابيها
تكذب على قلبي شوي..
وتذكرك بي وتجيها
وجيت والانفاس تطرد
قبل ريح العطر يبرد
قبل حتى يذوب في صمتي الكلام
ومالقيتك واحتريتك واحتريتك
كنت اظن الريح جابك عطر ٍ يسلم علي
وكنت اظن الشوق صابك وجيت مشتاق الي
كنت اظن وكنت اظن وخاب ظني
ومابقى في العمر شي .. ومالقيتك
واحتريتك واحتريتك واحتريتك واحتريتك
وابحتري وان حل موتي
مت لحظه مانسيتك
رد مع اقتباس
  #2  
قديم March 23, 2011, 06:31 PM
 
رد: قصيدة الاماكن الحقيقيه ..

يسلمو اديك
انتقاء موفق وجميل
رد مع اقتباس
  #3  
قديم March 23, 2011, 06:45 PM
 
رد: قصيدة الاماكن الحقيقيه ..

منور ..
أخي .. نهاد ستار ..
لاهنت ..
__________________
گنّي آسمع صوتهآ آلليلھ ححزين
حزين

حزين

 (حمص)
تبكي دم وَ العآلم نيّآم :

من لهآ يارب غيرگ: يّ معيين
معيين
معيين
دمّروهآ جعل تآأليمهم ححٌطآم





البشر بـ اافكارهاا جداً غريبه
وكل مبدع رااي عن غيره تفوّق

الإعااقه في الجسم مااهي مصيبه
المصيبه صـااحـي وفكره معاق



اعتذر دخوولي سيقل


[img=https://img542.imageshack.us/img542/8063/phuppimagerak.jpg]
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الصداقه الحقيقيه:- بلسم الجروح شعر و نثر 11 September 10, 2011 04:26 PM
بعض اسباب السعاده الحقيقيه (الداعيه احمد) النصح و التوعيه 1 May 3, 2009 10:45 AM


الساعة الآن 01:55 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر