فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 17, 2011, 10:17 PM
 
ثوره 25 يناير ماقبل وما بعد

بحبك بحبك يا مصر مهما أتقال أو أتعاد
ولو لفيت الأرض مش هلاقى زى أولادها الشداد
رجاله شداد وقفو للضرب والنار عزل زى الجماد
بحبك وشايفه فلوسى بتتاخد بأيد الأوغاد
أغمس فول وأكل طعميه وهم مليارتهم بتزداد
ولو قلت أيه المليارات ديه وأحنا مش لاقيين حتى الرماد
يقولو الكلام فى الفلوس ديه لا بيتقال ولا بيتعاد
على رأى اللمبى سكنم بكتم مهو كله فساد فى فساد
قالوا فى ثوره 25 يناير قلت مظاهره وهتتعرض لأخماد
أخماد زى الحرايق وتحول كل شى لسواد
لقيت فى ناس بتتضرب وناس بتتعرض للأستشهاد
طلعت علينا بطلعتك البهيه صدقتك وقلت مشاهد وبتتعاد
لكن نزلت لقيت كل الكلام اللى أتقال وزاد
زاد عن الحد ووصلنا لمرحله الجمال وعنتره بن شداد
عصر جاهلى بتواجوا بيه فيسبوك وموبايل و شير وأد
ولقيت طفل بيقول يسقط قلتله أيه عرفك بالفساد
قالى مدرس مبيشرحش وقالى خد درس فى المواد
وكلمه أرحل يا مبارك مسلم مسيحى قالها فى أتحاد
حاولت كتير تفرق ما بينهم ده مسلم وده مسيحى بينهم أحقاد
لكن وقفوا واقفه قصادك وكانو فى ده رواد
بيقولو أرحل وأنت راكب راسك و ماسك فى العناد
بتعند مع مين مع شعب أتقال عليه خير أجناد
خير أجناد الأرض فى الصبر والحكمه الأستشهاد
ويوم رحيلك كان يوم المنى وأتحقق كل المراد
رجعنا قلنا عايزيين دستور عشان نبنى البلاد
يجوا يغيروا فى الدستور شويه مواد
مثلا الماده 75 ليها علاقه بالحنسيه للزوج والأجداد
يعنى لو أبويا أردنى حقى فى الانتخابات أتباد
حتى أولادى ملهمش الحق أه يا خوفى من الأستكراد
نيجى دلوقتى نروح لحرايق خدت كل ملفات الفساد
لعز وجرانه والمغربى وعدلى وغيرهم كتير من الاوغاد
وكمان واحد من البحيره يقولك هم عبيد وأحنا أسياد
أسياد مين دأنت موظف و مرتبك منى يا واد
أه ليك كرامه وليك هيبه بس بردو مش أستعباد
كل ده وأنا متفأله بس أيديكوا نحط سماد
سماد للتربه اللى رواها دم الشهدا عشان يكون لينا حصاد
نقول مع بعض لا للظلم ونقول مفيش تانى أستبداد
نشتغل ونبنى ونعمر عشان نجنى ونرفع الأقتصاد
أمانه كل واحد يقرا القصيده يعمل شير ويقف دقيقه حداد
حداد على شهدا تونس ومصر وليبيا واليمن و يارب نتجمع فى أتحاد
اتحاد يلم العرب كلهم بحكومات جديده ونحرر أجمل البلاد
فلسطين مش نسينك بص دورك جى قريب فى الجهاد
ولو فتحوا باب التطوع هنروح بنات وولاد
نروح عشان خاطر نحرر الارض دانتى اللى جوه الفؤاد
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
التحليل الفني الأسبوعي من 2 يناير إلى 8 يناير 2010|فوركس|تحليلات السوق smasemraa اخبار الاسهم السعودية اليومية والاقتصاد العالمي 2 March 11, 2015 06:19 PM
التحليل الفني الأسبوعي من 10 يناير إلى 15 يناير 2010|فوركس|تحليلات السوق smasemraa اخبار الاسهم السعودية اليومية والاقتصاد العالمي 2 March 11, 2015 06:16 PM
التحليل الفني الأسبوعي من 16 يناير إلى 22 يناير 2010|فوركس|تحليلات السوق smasemraa اخبار الاسهم السعودية اليومية والاقتصاد العالمي 1 March 11, 2015 06:15 PM
دفتر عزاء لشهداء ثوره 25 يناير رقه ورده الترحيب بالاعضاء الجدد ومناسبات أصدقاء المجلة 12 April 19, 2011 11:11 AM
ثوره 25 يناير manalyaser ساحة الحوار السياسية والإعلام 1 February 19, 2011 06:16 PM


الساعة الآن 04:48 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر