فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 12, 2011, 09:18 PM
 
قصيدة حامد زيد تخونيني

تخونين وتبين ارضى؟ واحد يرضى تخونينه
انا لا جيت اخونك مع حبيبه ثانيه ترضين

من اول ما رجعت من السفر ما شفت لك بينه
وانا اللي كنت احسبك قبل ادوس ارض المطار تجين

تكونين انتي اول شخص عيني تحتضن عينه
وكنت اتخيلك من زود فرحه رجعتي تبكين

واشوف بدمعتك حكيك واعرف قبل تحكينه
واجيب احلى من اللي بتحكينه واتركك تحكين

تقولين: الوطن نور.. واقول: بنور مضوينه
تقولي لي: غديت احلى واقول: عيونك الحلوين

كلام نام بشفاهك..وخفتي لا تصحينه
ذخرتيه لغرام اللي ينام .......ويتركك تصحين

تغانمتي غيابي ..لين رجحتي موازينه
تعلم من يدك لمس الكفوف وعلمك تجفين

وليتك لا قيه به شي فيني ما تلاقينه
مهو بغرور لكن خابرك مالك امل تلقين

تغافلك بغلا والا الحلا مهو بمن زينه!!
تزينه الصور .. بس الصحيح ابن الحلال زوين

وانا ماني بناقص عنه يوم انك تبدينه
نصيبي ..هو نصيبي لو يسددها من الصوبين

قنوع بمظهري والسم ما يذبح ثعابينه
على قول المثل(ماني حلو.. لكني ماني شين)

اذا اهداك الزهر مره فانا اهديتك بساتينه
واذا الهاك بفرح ليله فانا تهت لبكاك سنين

واذا استضعفتك املاكه.. وشتتك ملايينه
انا حتى فتات الخبزة اقسمها معك نصين

طموحي، بس اجي واظفر بشي تستحقينه
تدينته، تسلفته، سرقته، مو مهم منين ؟

كأني من كثر ما ارضى بكل اللي تمنينه
لو انك تطلبين الله يعنيني، بقول : امــــين!

انا ما العب على الحبلين، وقت الطيش وسنينه
تبين الحين يوم اني كبرت ألعب على الحبلين

ترى عند الحضر بالذات(عيب اللي تسوينه)!!
حلاتك لا عشقتيني.. تعشقيني ليوم الدين

غرام نسكن ضلوعه حشيمه من مجانينه
جفا يجمع معزتنا .. ولا عشق يذل اثنين

كثار اللي تحدوني وقالوا لي : تحبينه
امانه لا تخليني صغير بعينهم ( تكفـــــين)!!

لأني كل ما قالوا (تخون) .. اقول : مسكينه
عليك الله وامانه.. علميهم منهو المسكيـــن

انا خايف (لياطاح الجمل تكثر سكاكينه)
وانا ما عاد بضلوعي مكان لطعنة الســــكين

مثل ما قالوا: (المكتوب واضح من عناوينه)
لو ارحل منك للغربه.. باسافر من ظلامك وين؟

كفايه.. كل حلم يمر برقادي تزورينه
كفايه..من تفارقنا.. وانا ما غمضت لي عـــيــن

قبل يومين شفتك بالمنام وقمت من حينه
ونمت امس ورجع نفس المنام اللي قبل يومين


قصيده رائــعه من حامد زيـــد
اعجبني اسلوبه بالابيات وقوته في المعنى.
رد مع اقتباس
  #2  
قديم March 14, 2011, 12:03 AM
 
رد: قصيدة حامد زيد تخونيني

القصيدة هذي وهي مقروأة حلوة...

بس وهي مسموعة أحلى بكثييييييييييييييييييييييييييير....

القاء الشاعر رووووعة.... يضيف للقصيدة احاسيس غير ..

في رأيي اسلوب القاء الشاعر يحمل نص جمال القصيدة .. يا خليها أحلى بالضعف.. أو يخليها أبشع باضعاااف..ويضيع روح القصيدة .

وفي قصائد لا تسمع وانما تقرأ فقط لتصل الى القلب.

مشكور اخي على اختياراتك الرائعة دائما.
رد مع اقتباس
  #3  
قديم March 23, 2011, 02:12 AM
 
رد: قصيدة حامد زيد تخونيني

اقتباس:
المشاركة الأصلية كتبت بواسطة طائر غريب مشاهدة المشاركة
القصيدة هذي وهي مقروأة حلوة...

بس وهي مسموعة أحلى بكثييييييييييييييييييييييييييير....

القاء الشاعر رووووعة.... يضيف للقصيدة احاسيس غير ..

في رأيي اسلوب القاء الشاعر يحمل نص جمال القصيدة .. يا خليها أحلى بالضعف.. أو يخليها أبشع باضعاااف..ويضيع روح القصيدة .

وفي قصائد لا تسمع وانما تقرأ فقط لتصل الى القلب.

مشكور اخي على اختياراتك الرائعة دائما.
كلام سليم وتعليق رائع
يسلم المرور لك كل الودو الورد
تحياتي
__________________
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة ل حامد الزيد.............. شريرة شعر و نثر 8 January 16, 2011 01:10 AM
قصيدة الحلم- للشاعر حامد زيد_ قصيدة رائعة جدا Reem_H شعر و نثر 5 March 19, 2010 09:04 AM
قصيدة الأخ حامد زيد الأمبرآطو شعر و نثر 6 March 29, 2009 10:21 AM


الساعة الآن 04:53 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر