فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 2, 2011, 07:02 PM
 
عظم الله موت قلب ذبحته..




أنا اعشقك واحترق لك شـوق واعانـي
واقول وانا احبك .. بس هه يعنـي ...!!
وأضمه وانثــر اجمـل طيـف باحضانـي
وليا انتثر قال تكفـى جمعنـي
رحت اجمعه واطلـب الرحمـن ياقانـي
نـــــــار المفـارق ولا انـه فيـه يفجعنـي
اللي كـــما الـدم يجـرى وسـط شريانـي
اخـر بشــــــــــــر آتمنـى انــه يودعـنـي
اشهـــــــدك يـارب لــو راح وتنسـانـي
انـه معـي ليــــــــن ذكـرانـا تشيعـنـي





تعال اسكن شمال القلب وفغربه وفي شرقه
ولكن خل ما باقي اذا تسمح لأخواني
ضميري عايشٍ لك دوم من طرقه الى طرقه
واذا فكّرت في غيرك يبكّيني ويعصاني
انا غرقان ؟ لاوالله عيوني بس اهي الغرقه
وقلبك في الزمن لاهي وحبك حيل ألهاني
ترى اتعبتني من جد وحبري مالقى ورقه
تعال الحق قبل قلبي يعافك وانت بأحضاني





يا ناكِر .. كيف تتجاهل ؟
مدايــن : كنَّا نسكنها
وصُروحٍ : بيدي وبيدك تعلَّت
وإنبنت فينا !!
أيا ناكِر ..
كثير أشياء أبد ما أقدر / أحصيها ...!
دخيلك .. كيف بس تقدر ..
تغمض جفنكـ / بليلك ..
وفيني كانت الصدمة ....
كبيــرهـ حيل مِن يَمِّك !!




الوقت ليه يشح ؟؟
ويبعد قلب يرويني ..!
زماني ليه بس يطرح ؟!
ملامح ضحكة سنيني
سكاكينـ .. و وجع يذبح
والم واحزان يهديني !!
غيابـ .. وفوق هذا جرح !
إلين الحزن : ينفيني !
أنا أدرى بهذا الفرح
يخاف اذبحه بـ ايديني !!
بنى هالحزن فيني / صرح
وضيعني .. أنا ويني ..!





دايم و أنا أخطي و أنت تغفـر لـي و هـذي عادتـك
تغفر .. ولو ما تلمـس بصوتـي نـدم و الا أعتـذار
تكفـى دخيلـك حطنـي بينـك و بـيـن قـلادتـك
و أرجوك لا تضحك .. تراني صدق منها صرت أغار
مدري من أحسـد شوفتـك .. الأهـل و الا وسادتـك
هـذي تضمـك بالمسـا .. و ذولا يشوفونـك نهـار
أنت الفريد .. بصحبتك .. و بطيبتك .. وسجاتك و بكل شـيء .. و غيبتـك معنـى حقيقـي للدمـار
أموت فيك .. و في غلاك .. و في دلعك .. و عادتـك
و أرجع و أقول أني غلطت و جيت أبهديـك أعتـذار





لا تتفلسف بكلماتك ترى مالك ابد اي داع
ترى سهله اقول لك قم اطلع لو سمحت بره

ولكنا تربينا وفينا المستحى ما طاع
تعلمنا مع الايام نعطي كل أحد قدره

بقول لك بس شي واحد ترى قالوه بالاجماع
ومن قاله ترى قاله قناعه وتجربه وخبره

ترى من يوصل القمة يحسده من سكن بالقاع
وهالشي من قبل معروف..يعني بس على فكره




أحسك تلعب بقلبي لعب شرطي وحراميه
أنا استسلمت ما بلعب كفايه لا تلاعبني
أقولك: هالسما زرقا.. تقولي: لا سماويه
أقول: طيب سماويه.. تقول: لا تغلطني
تقولي :الوردهـ ذي أي لون؟ أقولك :هاذي ورديه
ترد تقول حمرا عسى الله بس يصبرني
إذا ناوي تعقدني وتلعب يا الغلا فـــــيا
تراني معقد وخالص مو ناقص تعقدني..




يكفي زعل
يكفي نغيب ونفتعل ..حزن الذنوب
لو القلوب .. اللي يبللها الدفا
واللي تعب منها الوفا
تقدر تتوب . وتستكين
أدري نويتي ترحلين
لاتعرفين وتجهلين وننفعل
كافي زعل ..!
جانا المسا وعدا نهار
ظلك بقى فوق الجدار
صوتك دروب
واللي بقالي منك مايكفي أحبك فيه
أو أسألك عن نوع الذنوب
تصدقين ؟!
البارح افــ عز الحنين
كل المواقف للهروب
الا الطريق اللي وقفنا فيه صدفه عابره




نسيت إن السهر : أحلام
إلى شفتك كذا .. منضام
أجيك من .. آخر ضلوعي
أجيك من أطرف الأيام .!
وأمسح دمعك و كحلك
وأحط إيدي وساده لك
وأقولك :
بس حبيبي نــام
عشاني بس حبيبي نام ..!




تذكّر أي شي عنـّي
تذكّر يوم كنت تقول :
حرام .. وش ذنبك تتضايق
وتتضايق .. من أسبابي !
أنا كلّي خجل منـّك ..
وأقولك :
ما تعرف إني : بقايا طيب أعرابي
أنا مالي غنى عنـّك
أنا لو يلحقك .. مكروه
أبيع بوقفتي ثيابي ..





حبيبي سرحت شوي قبل شوي أناظر بك
أحس إنـّي كثر ما أطري الهموم أتغافلك و أطريك
حبيبي .. لا تقـول إني : من أول كنت أغـرّر بك
تعال ! أشق لك قلبي وتـعرف /شقـد انا أغليك
حبيبي .. كل ما فيني متناقض مزعج مـُربك
مـُرتب .. وأعـبث بروحي حزين .. وفرحتي تغريك





انا حبيـت من حبه خذاني من جميع الناس
عــطيته من دفى روحي وّهـبني بالغلا طيبه
سموح ٍ مـا يضيق إلا إلى مـنّـه لحقني باس
وأنا من زود ما أحبه يا ناس قمت اهذري به
وفيّ ٍ ما يخون ولو شرب مرّي وفاض الكاس
لانه عارف ٍ طبعي وفي من دون ما احـكي به
تعلاّ فوق من مـاثل سنينه والفعول قيـاس
طهور ٍ ما وطـى درب المذلّـه لو شـق جيبه




شـلون بـ أتعذر لقلبـي
لا سـأل وأتــجاهلك
وش بـسوّي في عـذابه
لا صـرخ و أحتاجلك
خـايف أعلـمه الصدق ..أجنـي عليـه
خـايف أكــذب .. تلعـب الاوهـام فيـه
شـفـت كيف إني بعـاني
كـــل مـا اشـتـاقلك ..!

ومـا تفكـر بأي شي .





انـا كــلّي أســف كاني خْطيـت بـحــقـك واذنــبت
تــرى لـولا الــغــلا مـا صـاح جـرحـي و الـعـذر واهــي
فــتحت اقـصى المـعــاليق ولـقيـتك للـحزن رتـّبــت
معـانـي فـرحة اللـقــيا , وانا مـا سـقـت لك جـــاهي
انا تـدري كـثر مــانـي اعــيش بـحلــمـك ولا تُـبـت
نــسيت امــسح بـك دمـوع ٍ نثـرهـا طـرفك الســاهي
تـعال اشـغلني بك قلبي وهـو يسـأل ولا جــاوبت
اخــاف انـّي اغـــثـّه لا درى بـ إن الــعــتــب راهــي
ومـدامي قلت لك اسف / واقرّيت بخطاي / وتـبت
كــذا خـل الزمـن يمشــي / مدامـه عــنننا لاهــي !!



هنـا فجـّرت بركاني بعد ماغاب ذاك الزول !!
وثار الحزن وانفجرت عيوني بـ دم كاحلها !!
هنـا خليـّت لـ أفـراحي رجاوي يمكن ومأمـول !!
هنـا وياللأسف اني هنـا احزاني أمولها !!
هنـا .. والا .. هنـا وشـ عاد ينفع وشـ أقول !!
خلاص البسمهـ وغابت ولا أظنـي بـ كمـّلهـا !!





حــل الــوداع وصــار الهــم يلقفنــي . .
من ويــــن أوجّــهـ يواجهنــي بلاداعــي . .
وإن قلت ياهــم إرعــب قلبــك وخفــني . .
يزيــد قســوهـ ويرعبــني إلــى نخاعــي . .
حــتى الســحابه مــطرها مايوالفنــــــي . .
وأنــا مــن اول أمـــــد لـ غيمــها ذراعــي . .
جرحي بلانــــزف ودمــعي ذوّبــه جفنــي . .
وروحي تهاوت وصوتي مات بـ أسماعي . .
هــذي البقايــا وأقــول الله ينصفــــــني . .
من " جرح كايد " تنمّى داخل أضلاعـي .




لو تبي عيني حشا ماقلـت لكـن
تحت امرك يالغضي هذي وذي !!
والله انك داخـل الخفـاق ساكـن
من عرفتك وانت عندي كل شي !!
كل ماغنى ابـو نـوره الاماكـن
انت والله بس من يطري علـي !!





سمعت اني على باله .. ويذكر عشرتي .. بالخيـر
وهو ماغاب عن بالي .. ولا قد هـان .. مقـداره
سرابي .. هاجس الذكرى ولا ني بحاجـة التذكيـر
لأني عايشٍ أصلاً .. بلاه .. / .. بروح .. تذكـاره
إذا .. هو يذكر .. ايام الغرام .. ويشتكـي للغيـر
فانا .. ماغير افكر به .. وصدري ، حافظ اسـراره
واذا هو صار بفراقي .. قصيده مابهـا .. تصويـر
فانا لازلت ، بفراقه .. لحن من دون .. / .. قيثاره
حزن ماهو حزن .. لكن حزين .. ومالها تفسيـر
غريب .. ولا غريب ..الا غريبٍ .. داخـل ديـاره
الى من قالوا .. شلونك .. أحمد الله واقـول بخيـر
مدامٍ .. صاحبي .. يذكر .. وأنا لا زلت .. باشعاره




يسافري بي ورى الزُهره..ويناديني واهلي به
واسافربه انا خارج ..نطاق الكون من غيي
ألا ليته يهذريبي...مثل م/امسيت اهذريبه
ألا ليته لمس جرحي..ألا ليته لمس كيّي
يمين الله مجداف المشاعر صابته خيبه
يمين الله ياكبر..انكساري ..آآآه يابيّي
اعاند..اقهره.. ارحل...دخيلك وش اسويبه
وهو لو يقلب الدنيا...وربي مالقى زيي
ذبحني ذبحة السنه..بلا شك..وبلا ريبه
وانا اقبّل سكاكينه..واردد.. يا بعد حيي




روح واكسر قلب صانك حتى وانت بغيبتـــــــك
روح واتركني بدونك روح الله يسامحك
لا تحاول تعتذرلي , وتعتـــــــرف في خيبتك
روووووح.. صدقني.. اعتذارك هذا مو من صالحك
لاتقلل في عيوني... مستواك ..//.. وهيبتك
لا تقول المفارق وانت غايب..... ذابحك
اعرفك..! واعرف غلاتي.. وادري شنهي طيبتك
وادري اني من جنوني وتضحياتي رابحك
بـــــس..! لو كنت بمكاني والمصيبه مصيبتك
والله انك ماتساااااامح لو انا اللي جارحك
جبتها عالجرح فيني.... من خطا تصويبـــــتك
جبتها وخيّبت ظنّي فيــــك الله يسامحك




جمّع اللي ودك تقوله وبعثرني عتب
الملامه شي عادي دامها منك وجاي
انت تامر وانا البي ما تبي بليّا سبب
بس كان لجيتي خاطر تلبيلي رجاي
كل شي الا دموعك واعرف انك من شطب
صفحه الطيش بحياتي وابتدى صفحه شقاي





انا المخطى .. وكلى ذنوب ... انا ظالم ...وضيعتك
على كثر الندم ... نادم ... كثر حزنى ... وكثر خطاى
كثر ظلم الزمان الى ... لقيته يوم ودعتك
بتم انزف على غيابك ... كل حزن كبر وياى
يااجمل مابأحساسى انا وشلون لوعتك ..!!
جبرنى الوقت ..!! لاوالله ... انا فينى الخطا لاقصاى
روحى بعيد انا استاهل همومى دامنى ... بعتك
ابملى بالندم صوتى ... وعذب بالحزن معناى
دفعتك للتعب ياما ... خذيت كثير ودفعتك
رغم كل هالوفا منك... مابين بيوم رضاى
نثرت شتاتك بدربى ... ولاحسيت ... وجمًعتك
تركت تذبل ايامك ... ورحت بعيد... فى دنياى
انا ظالم واستاهل ... ضعت بيوم ضيعتك
عزاى انى .. بكل لحظه .. ذكرتك .. بعترف بخطاى




قمت ادورك
رحت للآخر ... وجيت
ورحت للآخر ... وجيت
وبكل مره
كنت اطالع حولى يمكن
قلت يمكن
يصحى قلبك لودقيقه
ويرسل احساسك ... ورايا
رحـت يـامــا ....... لـلأخـــيــر
وجــيت يامـا .... مـن الاخيــر
ومالقيتك
آآآهـ يامقسى .... حنـانـك
ابتـعد ... عنى ونسانـى
ماعرفت اوصل مكانك
ولاعرفت ارجع
مكاني




وينها ياصبـر
مالي غيرها
لو هي تخون
شف دفاها
في ضلوعي
نبضها حولي يحوم
قلت وعيوني تكابر
ودمعها يرثي الجفون
ليتني ياحب ميت
قبل ما قلبك يروم
من صغر سني أعاني
ومابقى للصبر عون
رح لها ياحبّي
يمكن قلبها يصبح رحوم




اذا لك شف في شوفي تراني
على شوفتك صحيت الأماني
زرعت الشـوق كلهـ بـ انتظارك
و أخذت الانتظار و جيت عاني
تعال و طفّ بـ يدينـك حنينـي
تملكني و أنا أشعل لك حنانـي
تعال و ضمني يـا تـاج قلبـي
دخيلـك لا تخلينـي عشـانـي
انـا شاعـر عيونـك يـا حبيبـي
مع التحريف في بعـض المعانـي
" و مـا نيـل المطالـب بـ التمنـي و لكن شوفتـك كـل الأمانـي "




آآهـ يـا قلب ٍ سرا فيهـ الحنين
كيف غربني وأنا وسط العرب
كيف بكاني وخلاني حزين
وكيف ساق الدمع من بين الهدب
يوم ذكرني بـ وضّاح الجبين
واحدٍ لخبط حياتي وإنسحب
لا قطع شكّهـ ولا شاف اليقين
ولا أعتذر ولا قال السبب
والبلا إنهـ راح وأقفى مستهين
باع كل الود في ساعهـ غضب
ليت قلب الغالي .. القاسي .. يلين
وليت يسهّل ما بقالي من صعب .





أحبك ..
ايه أحبك .. ولجلك اشتعل نيران
عساني أحترق يمك ولا تقولين .. بردانه ..
فداك الروح ياروحي وقلب العاشق الهيمان
لعينك بسهر أيامي ولا تباتين سهرانه



رجـعــت
لـدنـيـتــي شـــايـل مــن هـمــومــي كـثـر مـا فـات
رجـعــت
وشـــايـل بـصـــدري عـــذاب الـكـــون فــي ذاتــي
جــروح وضـيــم
مـــع ضـيــقـه وغــم وفــوقـهــن حـســـرات
ضـيـــاع
وغـــربـه
شـكـــوه
وعـــزه
تـبـنـــي
سـكـــاتـي
فــراق
وشـــوق لـلـفـــرحــة
وونـــه
وبـعـدهــا هـمـســـات
وأثـــاري الـهـمـســـه يـا حـظـــي صــدى مـن صـــوت ونـاتـي
خــلاص
ولابــي اســـرق مـن فـــوادي بــعــد مــا مــــات
خــــلاص الـيـــوم يــاقـلـبــي رثـيــتـك فـــي كتباتي
رد مع اقتباس
  #2  
قديم March 3, 2011, 04:25 AM
 
رد: عظم الله موت قلب ذبحته..

رائعة جدا ندا ..إستحوذت مشاعري كلها
اقتباس:
أيا ناكِر ..
كثير أشياء أبد ما أقدر / أحصيها ...!
دخيلك .. كيف بس تقدر ..
تغمض جفنكـ / بليلك ..
وفيني كانت الصدمة ....
كبيــرهـ حيل مِن يَمِّك !!
وهذا الشطر بجد اخذ بروحي وما رجع ..
نقل موفق جدا
لك ودي
__________________

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
احمدواا الله ياناس فقط ادخل واحمد الله واكيد سوف تحمدون الله اذا جاوبتم على هذه الاسالة nonagirl النصح و التوعيه 17 May 5, 2012 01:46 AM
أدعيه هامه جداً للطلاب ... @نصراويه حدي@ النصح و التوعيه 6 September 30, 2011 04:49 AM


الساعة الآن 10:32 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر