تكفى(لايجي غيري مكاني)

حلوة بس بلوة · #1 February 16, 2011, 12:22 AM

حبيبي طالبتك أن جت لحظه وافترقنا
لاتخلي وحدة(ن) تاخذ مكاني

ولاتخلي بيت عليا اللي بقلبك
به تعيش انثى ولو بضعة ثواني

ومعك أمانه يابعد حيي وميتي
لاجلست بجنبها غمض عشاني

وأذكر اني قلت لك ياروح روحي
أنت ملكي بس ماانت لحد ثاني

أنت قلب(ن) ماانخلق إلا لقلبي
وأنت روح(ن) نبعها سال وسقاني

وأنت لي وحدي ولا كثري يحبك
غير قلب(ن) في دروبك لك سباني

وكان وصلك ياأميري ماتهيا
أوعدك ماانساك لو عمري نساني

وكانها الايام جادت واجمعتنا
والله اني لااشعل سنينك أماني

واحتفل بك كل لحظه وأنت جنبي
وأعزف حروفي لخفاقك أغاني

وأنثر ورود الوله واسقيك لهفة
خافق(ن) لاغبت لحظه جاك عاني

وأجمع سنيني وأبعثرها بكفك
وأسرقك كلك هنا بين المحاني

وأفتدي روحك بروحي يا بعدها
وأنزع همومك وأطوقك بحناني

ماأبي برد الهموم بيوم يلفح
خاطرك وإلا تجي لحظه تعاني

هاات همك في وسط جوفي وصبه
وكان به غيره تعال وصب ثاني

وأعطني قربك وانا بعطيك عمري
وأهدني لحظه وخذ كله زماني

ياأمنية عمري أذا قالوا تمني
ويااصدق أنسان(ن) بقلبه أحتواني

وياملاذي لا بكيت وضاق صدري
وياوطن عمري إذا عمري جفاني

ياحنون القلب ياتاجي وعزي
بك نسيت الناس والغيت المواني

ياهلي وناسي وكلي ياحيااااااتي
وياحواسي كلها دون إنقصاني

بك تشوف العين وأيضا فيك أسمع
وبك أحس الكون أفراح وتهاني

صرت أحس أمك هي أمي بس يفرق
أن ولدها ماهو من جملة اخواني

آآآآه منك ياولدها كيف روحي
سلمت لك نبضها حب وتفاني

وكيف قلبي عاف كل الخلق لجلك
وصار لجلك مجرم وأيضا أناني

أيه مجرم مايبي غيره يحبك
ولايبي عينك يشوفه مودماني

وأيه أناني مايبي فيك يتشارك
مع بشر بالكون لا قاصي وداني

وأيه أحبك وماأعيش بدون وصلك
وأيه أموت أموت في بعدك واعاني

وأيه كلي فدوتك من قلب اقوله
بس تكفى(لايجي غيري مكاني)

ولكم الشكر والتقدير

نهاد ستار · #2 February 16, 2011, 08:22 AM

يسلمو اديك
كلمات روعه
حبيتك يا روح الرح واسكنت كياني
بالله عليك لا تروح مع الايام وتنساني

حلوة بس بلوة · #3 February 16, 2011, 01:07 PM

تسلمي ياقمر انت الاروع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مكاني ذاك مكاني...تلك فرحتي و احز اني	بلقيس نزار	بوح الاعضاء	2	July 25, 2010 02:58 PM
ارجو الماسعدة الصوت مايجي	مبتسم جيد	طلبات الاعضاء	2	February 15, 2010 01:27 AM
انا محتا جلك تكفى ../ وهال { تكفى } تبكيني ..	ملكي لوحدي	شعر و نثر	6	December 4, 2009 09:03 PM
أقوى ترحيب لاجدد عضو	nawras122	الترحيب بالاعضاء الجدد ومناسبات أصدقاء المجلة	3	December 21, 2008 02:56 AM
تكفى ترى تكفى تهز الرجاجيل	شموخي بذاتي	طلبات الاعضاء	1	May 4, 2008 05:37 AM

تكفى(لايجي غيري مكاني)

شعر و نثر