آخر ساعة في الدنيا ...||

فى آخر ساعه فى الدنيا
واول ساعه فى الاخره
ملاك الموت بيستأذن ...

رسول الله بتسمح له
بأذن الله بتفتح له
ولا بتخاف ولا بتحزن ...

واقف جبريل بيدعى لك
دموع عائشه على سريرك
ملايكه بتقرى فى القرآن
وبتسبح وتستغفر
وموتك فرح ومقدر
ولا دايم غير الرحمن ...

.....


مافيش لا ميراث ولا وصية
كنوز الدنيا منسية
لا فرش حرير ولا دنانير ...
تقول ما املكش غير وعدك
يارب اخترت ما عندك
وعشت فقير ومت فقير ...

فى آخر حجه فى عرفة
مشيئة الله ومش صدفة
تودع كل احبابك
ها اموت الليلة يا فاطمة
مافيش لا حزن ولا ازمة
دموعك نور فى محرابك...

.....


يا اطهر ناس على عهدى
يا احباب جايه من بعدى
بصلى الفجر وادعى لكم
يغفر ربنا ذنوبكم
ونورى الهادى فى قلوبكم
وفى الكوثر ها اقابلكم ...

بيكمل دينى من دينكم
وانا دلوقتى ما بينكم
وفى الاخره انا معاكم
باوصيكم توصونى
وآمنكم تأمنونى



لا تنسونى ولا انساكم ...


اللهم صل و سلم و بارك على سيدنا و حبيبنا محمد و على آله و صحبه أجمعين ...