فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 7, 2011, 01:46 AM
 
Wilted Rose أبيك تحس في همي وتلمــس’’ رعشة الكفين

كئيبه ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي

عبث منها بدون اسباب " تشلع " مهجتي نصفين
وانا في عشقــــهآ حتى حرمت العين غفواتي

رجاء لا تشيلين "العتب " كان الهدف حرفين
اذا ما تعرفيها مو خطايه اسمعــــي الاتي

على ذاك الطريق "المنتمي" للشك والتخمين
مشيت وياكثر ما بعثــرت فالناس نظرآتي

اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي

اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي

رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي

وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي

ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي

لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي

لقيتك للأسف "لاهي" ولا تدري وصلت منين
وقسوة قلبــك اسقتني جفاك المجحف العاتي

"فمان الله" برحل والجروح تعانــق السكين
بســافر بالالم من شان ما ارضخ لاجل رغباتي

ابرحل عنك واترك لك "حكايه" داخل {..القوسين..}
تمتع بعدها باللي تطــــــــوله من معاناتي

مصير "الشـــوق" يعثى في حنايا مهجتك وتلين
بوقت فيه يا بعـــــدي عليك وصعب جياتي

انا يوم اشتكيت من "الولــع" ومن السهر والبين
ظننت انك تحس بثورة اوجاعـــــي ولوعاتي


اثاري "الشـــوق " ما يرحم ونار الصد عن نارين
كواني جمرها الحــــارق وانا في غمرة اسكاتي

عشان اني صبرت اتزيد" جرحك " في الحشا جرحين
وانا ما كنت اظــــن الصبر يخلف فيك هقواتي

ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي

على الله" والجــروح" اللي بقلبي عن ثلاث سنين
عســــى ربي يخفف نزفهـــا وتجف دمعاتي

ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي
رد مع اقتباس
  #2  
قديم January 7, 2011, 02:00 AM
 
رد: أبيك تحس في همي وتلمــس’’ رعشة الكفين

جايه اصبح عليك واقووول يسلم لي ابدااعك فـ الطرح الرائع

كلام روعه...ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي



تسلم يمينك كيان حارب النسيانّّّ~~تقبل مروري
__________________
رد مع اقتباس
  #3  
قديم January 7, 2011, 02:39 AM
 
رد: أبيك تحس في همي وتلمــس’’ رعشة الكفين

صباحك ورد يا احلى وروده
تركتي هنا اجمل البصمات فودي لكي وكل وردي
__________________
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
أبيك أبيك أبيك وأنتي تبين TrNeDo شعر و نثر 2 September 23, 2007 06:55 AM


الساعة الآن 04:26 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر