فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم December 15, 2010, 03:14 PM
 
Wilted Rose وَكمْ تكفَىآإنرمَتْ بِينْ البشَر ممْزُوعةْ الوجدانْ أخُويه قبلْ لأترمِي علِيهْ يقط نخواته

السسلـأإم عليكمْ ورحمَة اللهْ وبركَأإتهْ ,
مسسأإءكم// صبأإححكمْ , ش‘ـشعرْ ‘
كيفكمْ . !
فريت قِصيدهْ للمبدعْ: سسَالم سسسيأإر فَ ححبيت تشأإركوني فً قراءتها
. .

.
.
.



بنادق مهجتي معبي فشقها والغلا نيشان
أبطلق روحي في قلب القصيد وانبض ابياته

ابذبح حزني من اقصى الشعور لأول الاخوان
وأسيل عمره وتشرب عيون العمر دمعاته

وحيد ولا معي الا اخوي بداخلي غفيان
ترفرف ضحكتة واطلق نعاسي لصبح ضحكاته

في بالي يرقد وادري حزين وشارد وبردان
وانا انثر برده من فوق الخيال وجمر سجاته

ينام واعقد بعين البدايه جمرة التحنان
ينام واعتقد بعين الاغاني كل نهاياته

يدور القلب تتفتت ظلوعه يطحنه حرمان
يجوع القلب يحضني في جوعي واكل فتاته


واطل من الالم احضن حياة الشارع الولهان
يلملم حسرتي ويكسر وجودي بشوق اضاءاته

تعبت امليني طعون(ن) تصب من خنجر الخلان
تعبت استنزف عيوني دموع العين طعناته


ياخيي ليه تغيب وليه تتركني وانا شفقان
لقرم(ن) يقلب اجبال الهموم بعزة اثباته

اعرفه لاوصل كنه صقر من صفوة الويلاااااااان
يكش جلد السما ان شافت مخلابيه وهداته

رجال (ن) تربط حزام القبيله وتنفلت شجعااان
واخويه يربط رجال القبيله حزام هقواته

كريم (ن) ما هو من يبني فعايل صيته الديوان
في صدره دلته وهيله وفناجيله وتمراته

اذا كان الكرم حمس ( الهلا ) في مهجة الضيفان
اخويه من حمس قلبه لضيفه وصب فزعاته

وكم ( تكفى )انرمت بين البشر ممزوعه الوجدان

اخويه قبل لا ترمي عليه يقط نخواته

حزين السيف بكفوف الاوادم طافي (ن) ذبلان
بعد ما نام دم اللي سقى فعله وومضاته

ياخيي اقعد وقعد خضوعي بداخل الشرياان
تنام ولا بقى هم (ن) قطف من دمي غفواته

غريبه شلون يكسرك الغياب ويغلبك نسيان
ودفتر جيتك ياخي طوى من عمري صفحاته

يجيني مادري ولكن اعرفه لاوصل جيعان
قسم وان جاني لانحرني لجوعه تحت خطواته


وصل زوله هذاك اللي وصل ما يشبهه انساان
هذاك اللي وصل شايل عذاب العمر واهاااته

وجيت الحين ياخيي بعد ماشالتك امتاان
بعد ماودهم غسل الجسد عن كل نزواته

ابد لاينغسل هذا الشهم مغسول بالفرسان
اخويه من غسل روح الجسد في طهر نياته

ايا دفان دخيل الله لاتدفنه يادفان
دخيلك خلني ادفن في بالي جمر بسماته

واهف بسماته من هذا المكان لاخر الاحزان
وانا اطحن موته في جوع الكلاام واخبز سكاته

انام شلون لاصار الاخو جايع وانا شبعاان
اخوي اللي كسر قبله لجوعي وجاع لحظاته


اخوي اللي يمزمزني معاليقه اذا عطشاان
اخويه اللي ثنى عمره من اجل اطلع مسافاته

يدين القبر ضميني وسط حضن الاخو نعسان
ابرقد دام لي قلب(ن) دفن وياه نبضاته

اكيد انه وسط قبره سمع طق الخطاوي الآن
الا ياليت انا المدفون وانا اسمع طق خطوااته
.
.
.

وَ سسلـأإمتكمْ .
منقوولْ لِ : خَوأإطرْكمْ .
لاتفشلُونِي مع نفــــسسي ردّو . !
رد مع اقتباس
  #2  
قديم December 16, 2010, 12:46 AM
 
رد: وَكمْ تكفَىآإنرمَتْ بِينْ البشَر ممْزُوعةْ الوجدانْ أخُويه قبلْ لأترمِي علِيهْ يقط نخو

ما بنقدر
\
شكرا لاختيارك اخى الكريم
لكنها طويلة
شـكــ وبارك الله فيك ـــرا لك ... لك مني أجمل تحية .
__________________



/ ما أسخف الصدف!!

عندما تجبركـ الركوع لأناس ملكوا مواسم الحياة
لكنهم .. افتقروا لأىٍ من ملامح الرحمة \

وما أجمل أن ترسم ملامح إبتسامة على شفاهـ أرهقها العبس ..
/

رد مع اقتباس
  #3  
قديم December 16, 2010, 11:09 PM
 
رد: وَكمْ تكفَىآإنرمَتْ بِينْ البشَر ممْزُوعةْ الوجدانْ أخُويه قبلْ لأترمِي علِيهْ يقط نخو

ياااااا لبييييييييه ما عااااش من يفشلك وحصيصه موجوده

والله فيني الصيحه ومعروووف الشاعر سالم سيار قصايده معانيها جزله وكلماته تهز المشاعر

لبى روحك بعدي والله تسلم يمينك لاخلا ولا عدم اختيار موفق ما شاء الله

ننتظر جديدك هاه ؟
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
~ | ألفآظكْ تَميزكْ بقُلوبْ البَشر ..! ~‎ ذكرى الرحيل المواضيع العامه 4 August 31, 2010 08:49 PM
فآهِمَ أطباعَ البشَر مِن صغيِر وَمِنْ مَلِكْ أعرِف الطبَع الحَقوَد وأعرِف أصحَاب اليمين عالي طموحي شعر و نثر 2 May 14, 2010 08:24 PM


الساعة الآن 02:41 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر