قصيدة يالكفيفه يالعفيفه إن قلت آسف تقبلين

ألاء ياقوت · #1 November 24, 2010, 12:03 AM

قصيدة يالكفيفه يالعفيفه إن قلت آسف تقبلين

’

هيه انتي من جلستي وانتـي فينـي تحدقيـن!!
كن ما به ناس غيري بهالكراسـي يجلسـون
.
لو سمحتي عاد اسمعي وحتى لو ما تسمحيـن
المهـم اللـي بقولـه تسمعينـه ويسمعـون
.
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
.
الركادة عاد زينة والحياء فـي البنـت زيـن
وفيـك اجزم لا ركـادة ولا حيـاءٍ يـذكـرون
.
تعرفينـي؟ أعرفـك؟ مذكـر إنــا ملتقـيـن!
لا أعرفك من تكوني ولا تعرفي مـن أكـون
.
وإطمأني أن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
.
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
.
وإن كان قصدك شي ثاني عاد قولي وش تبين
خايف إنا نصير فرجة وإلي ماشتروا يتفرجـون
.
وإذا ع البال عاجبتنـي لا يحوشـك تحلميـن
صدق ربعي من جمالك فيـك صـارو يمدحـون
.
بس وشلي في حلاتك دام فيهـا ترخصيـن
حشمة البنـت وحياهـا والكرامـة يلفتـون
.
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
.
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
.
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا لا تمزحـون
.
لين شفتك يوم رحتـي يمسكونـك من اليديـن
ما دريت إلا عيونـي أربـع أربـع ينزفـون
.
آه ياني منه مشهـد يـوم شفتـك ترحليـن
جيت اشوف عيون ربعي لقيت كـل يدمعـون
.
قلت سنّـة هالحيـاة وحـنا ترانـا مؤمنيـن
الله اللـي مسيّرنّـا بيـن كاف وبيـن نــون
.
وكل أبونا نختلف مع إننا مـن أصـل طيـن
سبحان اللي مصورنا ولله في خلقـه شـؤون
.
يعني حنا كل أبونـا عـاد إسمنـا بني ادميـن
وليا قضى ربك أمر وقـال لـه كـن فيكـون
.
فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون
.
وفينا يلي مـا شكـى مـن علـةٍ كالآخريـن
صـمٌ وبكـمٌ وعمـيٌ فـهـم لا يفقـهـون
.
بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون
.
وتدري عادك يالكفيفة حنا تراى متشابهيـن
وإن ما عمت أبصارنا لقلوب هـم إلي يعتمـون
.
يالكفيفة يالعفيفـة إن قلـت آسـف تقبليـن
يغفر الله ذنوب عبده ليا خطا وهـل تغفـرون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هل تقبلين الزواج من وحش ؟؟ دخول للفتيات فقط ؟؟	خلوة ربي تناديني	مقالات حادّه , مواضيع نقاش	8	September 30, 2010 12:27 AM
هل تقبلين بالزواج من شخص راتبة 2000 ريال	صمت الأقدار	مقالات حادّه , مواضيع نقاش	16	June 28, 2010 01:38 AM
للصبايا :هل تقبلين الزواج بهذه الشروووووط؟؟؟	جينار	مقالات حادّه , مواضيع نقاش	42	October 18, 2009 09:38 PM
هل تقبلين زوجا مطلق	MiDDo	مقالات حادّه , مواضيع نقاش	26	June 16, 2009 03:17 PM
هل تقبلين الزواج من رجل متزوج ( موضوع هام الرجاء دخول الكل)	عاشقه الرومنسيه	مقالات حادّه , مواضيع نقاش	33	April 30, 2009 12:32 AM

قصيدة يالكفيفه يالعفيفه إن قلت آسف تقبلين

شعر و نثر