فيسبوك تويتر RSS


  #1  
قديم November 1, 2010, 04:34 AM
 
علاج النحافه , اسباب النحافة , الوقاية من النحافة

علاج النحافه , اسباب النحافة , الوقاية من النحافة









انا كنت اعاني من الضعف او بمعني اخر (( النحافه))

والحين ماشاء الله جسمي صار ولا احلى وافكر اسوي رجيم

طبعا انا جسمي كان زين ممتلئ بشكل جميل

بس بسبب ظروف تحول الى النحافه لعدة سنوات

وانا من الناس اللي تكرة الاطباااء وتلجأ لنصايح الناااس

المهم بعد عدة سنوات وليست بقليله كان وزني لايزيد ولا جرام ثابت

ولان وزني نقص بشكل موطبيعي فجأة

قرررت زيارة طبيبة استشارية

ورحت مستوسف الحكومه التخصصي

طبعا الحكومي افضل من الخاص بنظري لعده امور لاتخفى عليكم

وعطوني تحويل الى

اخصائية تغذية :woot:

اول شي طلبت مني تحليل دم

وانا عندي عقده الابر مادري شلون سويتهاا بمعجزة بس عشان القى حل

طبعا بعد ماخذت القياسات

وطلع عندي فقر دم حاااد وهالشي اللي مسبب لي النحافه

وعاجلته والحمدلله زاد وزني ورجع نفس الثابت

وانصحتني في:

منتج اسمه SUSTAGEN عبارة عن بودرة

في نوعين كاكاو وفانيلياااا

انا افضل الكاكاو

تلاقونه في الجمعيات والصيدليااات

هذا تخلطونه مع الحليب وتشربونه

او اذا ماحبيتوة كذي تسووونه ايس كريم تخلطونه مع كريمه كي دي دي اذا عارفتهاااا ولما يخلص تحطونه باطباق
و تصبون عليه صوص كاكاو هذي من افكاري

وتبردونه او ترشون عليه من البودرة SUSTAGEN

يعني عشان تحبينه

خصوصا بالصيف اكيد بيكون لذيذ البار


واذا تحبون الفانيليااا

تقدرون تسوونهم عصاير تحطون معاه موز او اي فاكهه

عاد انتم وذووقكم

على فكرة الكاكاو نفس النسكويك طعمه

لدرجه ان خواني يأذوني يبونه

وهو مفيد لكل افراد العايله الى الصغار


يعني ممكن ياكلون معاكم او يشربونه

<<<راعيه افكار :05:

:woot:


الطريقه اليوميه


اول شي ببلغكم اهم شي الاراده

يعني لازم تحملون بالبدايه راح تشوفونه شي صعب

لكن والله انا بعد شهر تقريبا واقل زاد وزني 2.5


كيلوين ونص

تخيلون


ماشاء الله يعني كل شهر كيلوين ووعلى حسب الشخص في ناس يزيدون نص كيلوا كل شهر

اهم شي الزياده الصحيحه




طبعا لازم الواحد ياكل باليوم ثلاث وجبات بوقتهاااا


بعد وجبه الريوووق (( الفطور))

يعني وقت الضحى تشربونSUSTAGEN كوب حليب تخلطون فيه ملعقين من البودرة

((او تسوونه ايس كريم))

وتغدوون عدل <<<اتبهوا على الكلمه

اغصبوا نفسكم شوي

وعلى الساعه 5 العصر SUSTAGEN



وبعد العشاااا

بساعتين اشربوا SUSTAGEN


قبل النوم

ولازم ثلاث مرات باليوم

لافضل نتايج

على فكرة اهو مكمل غذائي يعني مامنه خوووف

حتى يعطونه الامهات الحوامل عشان البيبي يتغذى

ويعكونه اللي بالمستشفى

لانه عبارة عن وجبه فيه فيتاميات ومعادن قيمه


ورايي انكم قبل تشربونه تحطون لكم جدول خاص فيكم

وتكتبون فيه التاريخ واليوم ووزنكم

وكل شهر نفس التارييخ تحطون وتشوفون النتايج

اما على الميزان ميزان البيت لاتصدقونه روحوا ميران الصيدليه افضل

لانه ادق

واذا ماقدرتم حطوا الميزان على ارض سراميك ولا رخام ولا كاشي


عشان السجاد مايخليه يعطي الوزن الصحيح


---------


شي ثاني للنحافه عن تجربة شخصية

وبأستشارة طبيب استشاري


لاني من الناس اللي لازم تسال


صراحه فكرت بحبوب الخميرة بالصيدليه وسالت عنهاا استشاري

وقالي انهااا تسبب الفشل الكلوي بالمستقبل


ونصحني في حبوب واهي افضل نوع حبوب لفتح الشهيه


اسمهاااا Cypro-Vita

وهالحبوب تلاقونهااا عند الصيدليااات تنباع

بالكويت عندنااا 1.300 يعني دينار وونص تقريبااا

هالحبه تاكلون منهاا قبل الاكل بربع ساعه وبتلاحظون نتايج حلوة ان شاء الله
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
وصفات طبيعية, ونصائح هامة ,من الدكتور محمد حماده, تساعد فى علاج النحافة shams10 مجلة العناية بالبشرة 5 March 30, 2011 07:54 PM
اسباب النحافه , علاج النحافه ألاء ياقوت مقالات طبية - الصحة العامة 0 October 30, 2010 01:22 AM
النحافة أسباب و علاج و نصائح لزيادة الوزن الابتسامة..! الطب البديل 0 October 8, 2009 10:02 PM
اسباب النحافة MiDDo مقالات طبية - الصحة العامة 17 August 11, 2009 05:17 PM


الساعة الآن 01:26 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر