إليا كسر في خاطرك شخص تغليه *** حتى المعاتب تستحي من عتابه

ماذبحني غير طيبتي · #1 October 6, 2010, 09:03 PM

(يقول الشاعر)

هذا الخطا اللي ما توقعت يخطيه ..
شف كيف كشّر طيب القلب نابه..

أثر الحسد لا عشعش بصدر راعيه..
يجعل من قلوب الحبايب ذيابه..

اللي تعلم من سكوتي تماديه ..
علمني استقبل "خطاه" برحابه..

والواجب انه لو جحد فزعتي فيه ..
ما يجحد حقوق النسب والقرابه..

وانا اللي يوم ان المصايب تبكيه ..
كنت [ أقرب ] له بضيقته من ثيابه ..

اللي تعاف أوّله ينعاف تاليه ..
وأنا كفا صدري من الغيظ مابه..

من لا وقف لي وقفة رجال مابيه..
يغني عن حضور "المقفي" غيابه ..

من لا فزع بـ الكايده مع بني خيه ..
وقت الرخــا مايحسب حساب لابه..

علمت غيري كيف لا صـد ماجيه ..
وأنا تعلمت الصبر والصلابه ..

لأن الشجاع ان مالقى من يواسيه..
أن مانشدته ماعلمت بمصابه..

مادام بعدي عن رفيقي بيرضيه ..
نذر(ن) عليّ إِني فلا اطــق بابه..

عيب التفت في جاه مخلوق وادعيه..
وللمبتلي ساعة دعاء مستجابه ..

الضعف ما طيقه ولا طيق طاريه ..
والدمع لا يرقى ولا ينرقابه..

والحلم [ يغنيني ] عن الكبر والتيه..
والظلم محصيني كـآبه كــآبه ..

إن ماجمعت وجيه ما فرق وجيه..
ومن لا بنيته ماسعيت بـ / خرابه ..

وانا لو اني بـ التفت / بالتفت ليه ..؟
الرمح غــالي و"الفريسه" ذبابه ..

بدري علي احسب لها حساب واوجيه..
و بدري عليه يشيلني من حسابه ..

كـاني عتقته بعتقه رأفت(ن) فيه ..
إلا الطلابه ماخشيت الطلابه ..

مهب على شانه .. عشان المشاريه..
سامحت طيشه وابتليت بـ عذابه..

إليا كسر في خاطرك شخص تغليه..
حتى المعاتب تستحي من عتابه ..

اللي سكن صدري من الغيض يكفيه..
ملّت تفاصيلي سكوت ورتابه ..

اللي بيدخل في مزاجي بسويه ..
وباخطب الفض الفليض بخطابه..

مثل الغلا اللي باخذه منه بعطيه ..
ويسمع جوابي مثل ماسمع جوابه..

لو كل شخص بيحتقر فيّ بـ اخاويه ..؟
ما كون حزت من المراجل مهابه..

يا "هيه" مثلي مايقولون له هيه ..
مدري متى يتعلمون الذرابه ..

اللي معلمك الكتابه على ايديه ..
لمحة بصر ويبعثرك من كتابه ..

ومثلي لا من قلت لك قول بوفيه ..
والقرم لا من وكد العلم جابه..

سمّه تحدي سمّه اللي تسميه ..
بس الوكاد انه مهوب استجابه ..

اللي مهب قدّ المواجه يخليه ..
ومن لا قدرت تهيبه منك هابه..

الله يعزّ وجيه ويطمن وجيه ..
وحنا بشر لكن بشر وسط غابه..

ومن لا فزع بالكايده مع بني خيه..
وقت الرخا مايحسب حساب لابه..

/

راقت لي

بنت العز خالديه · #2 October 7, 2010, 08:47 PM

عالي طموحي · #3 October 7, 2010, 09:36 PM

يا "هيه" مثلي مايقولون له هيه ..
مدري متى يتعلمون الذرابه ..

اللي معلمك الكتابه على ايديه ..
لمحة بصر ويبعثرك من كتابه ..

ومثلي لا من قلت لك قول بوفيه ..
والقرم لا من وكد العلم جابه..

:
.
.

خيــإل والله خيال والاإبيات الاخيره خطيرهْ..
تسسلم اليور هاند ع القصيده السسنعه..
بانتظاإركْ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بليززززززززز يآحلوين بدي هآدا البرنامج UltraSurf	ندووووووووووووش	طلبات الاعضاء	2	September 2, 2010 01:44 AM
إلىا حَضرِة سُموِ {ِ الحِ‘َزِنْ }ِ :	دفء المشآعر	المواضيع العامه	8	May 6, 2010 10:20 PM
خاطرك عندي ترى بمليون خاطر	شيهانة على راس مرقاب	شعر و نثر	0	April 2, 2009 06:13 PM
وشفيك ضايق خاطرك ؟	هدب عيني	شعر و نثر	4	February 18, 2009 11:46 AM
عد إليا ياحبيبي	قلب حائر	شعر و نثر	6	May 16, 2008 03:18 AM

إليا كسر في خاطرك شخص تغليه *** حتى المعاتب تستحي من عتابه

شعر و نثر