|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
| مشاهدة نتائج الإستطلاع: ما رايك بالقصيدة ؟ | |||
| ممتازة |
   
|
2 | 50.00% |
| جيدة جدا |
  
|
1 | 25.00% |
| متوسطة |
  
|
0 | 0% |
| ضعيفة |
  
|
1 | 25.00% |
| المصوتون: 4. أنت لم تصوت في هذا الإستطلاع | |||
 |
|
|
LinkBack | أدوات الموضوع | انواع عرض الموضوع |
|
#1
August 6, 2010, 02:25 PM
|
||
|
|
||
|
"نفسي" - جديد أحمد فؤاد نجم
نفسى فى صنف حشيش ينمل الدماغ وينضف النخاشيش علشان انسى طابور العيش واخش فى الغيبوبه وانسى مشكلة الانبوبه وانسى بلدنا المنهوبه وانسى اللى بيجهزوه علشان يبقى رئيس للمخروبه وابقى مسطول وانسى اى مسئول من اللى سابوا الناس فى السيول وانسى ان نظيف اتجوز وبقى بيعول وانسى مجلس الشعب وفتحى سرور وانسى البرادعى وايمن نور وانسى شوبير ومرتضى منصور وانسى تعديل الدستور وانسى اللى ساكنين فى القبور وانسى انفلونزا الطيور وانسى مشاريعنا الفاشله فى توشكى وابو طرطور واخش فى الاستهبال وانسى علاء وجمال وانسى التوريث و النيل اللى نازلين فيه تلويث وانسى ان منتخبنا كويس زى ماقال الريس وانسى تصدير الغاز واحنا عندنا ازمة بوتاجاز وانسى الاضهاد واللى بيحصل للاقباط وانسى قطر العياط وانسى قطر الصعيد وانسى احمد عز واحتكار الحديد وانسى زحمة المواصلات وانسى الانتخابات وانسى فتاوى الفضائيات وانسى العشوائيات وانسى فشل التعليم وانسى هشام طلعت وسوزان تميم وانسى الاهرام وانسى الاخبار وانسى ثروة الريس ال40 مليار اللى مش بالجنيه المعفن لا بالدولار وانسى انه خلى بلدنا افقر من زنزبار وانسى المعارضه وانسى الاحزاب وانسى تامر حسنى وعمر دياب وانسى مشكلة النقاب وانسى ارضاع الكبير وشرب بول البعير وانسى انفلونزا الخنازير وانسى اوربا وامريكا وانسى الصين المتقدمين عننا بسنين وانسى البيت بيتك وتامر امين وانسى ان كيلو اللحمه بقى بتمانين وانسى اننا فى الزباله غرقانين وانسى الماده سته وسبعين والماده سبعه وسبعين وانسى فريق الساجدين وانسى الزمالك والاهلى وانسى اليسا وهيفاء وهبى وانسى الفول والطعميه وازهى عصور الديموقراطيه وجامعة الدول العربيه والجماهيريه الليبيه والكفيل فى السعوديه وانسى بطرس غالى والضريبه العقاريه وانسى الطلعه الاولى الجويه والمصالحه الفلسطينيه وانسى فتح وانسى حماس
وانسى هنيه ومحمود عباس وانسى العراق وافغانستان وانسى ايران وانسى باكستان وانسى ماما سوزان وانسى الاخوان وانسى محمد ابراهيم سليمان وانسى ان حد من 0900 يطلع كسبان وانسى انى مديون وانسى ان كل واحد بيعتدى على كنيسه بيطلعوه مجنون وانسى كل ممثله حيزبون بتاخد فى المسلسل كام مليون وانسى ايامنا السوده واحضان طنطاوى والبابا شنوده وانسى القذافى والبشير وانسى كل ملك وكل امير اللى حاكمين من سنين من غير تغيير وعلشان اعرف ان الصنف كويس لازم ارشح نفسى وابقى الريس 
|
|
#2
August 6, 2010, 07:33 PM
|
||
|
|
||
|
رد: "نفسي" - جديد أحمد فؤاد نجم
تم التصويت
هذا كلام ينقال بذمتكم والله لي ستحوووووووووووو ماتووووووووووو وانسى مشكلة النقاب وانسى ارضاع الكبير وشرب بول البعير وانسى انفلونزا الخنازير
__________________
|
|
#3
August 7, 2010, 01:46 PM
|
||
|
|
||
|
رد: "نفسي" - جديد أحمد فؤاد نجم
في البداية شكرا على المرور
ثانيا وين المشكلة في هذا الكلام مهو منه قرارات دول ومن افتاء مشايخ ولا هو تعليق من اجل التعليق وبس وحتى نكون مختلفين عن الناس وبس!!!!
__________________
على هذه الارض .... ما يستحق الحياة....
|
العرض العادي
