فيسبوك تويتر RSS


  #1  
قديم July 24, 2010, 09:04 PM
 
عروس تبكي في ليلة عرسها.

السلام عليكم ورحمة الله وبركاته

انا اليوم جابتكلم خاطره واتمنه من الله انها تعجبكم .,


بس الله لايفرق حبيب عن حبيبه

في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي ف عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!

تجيها أمها وتقول ..
خلاص فضيها من سيره ..
خلاص يا بنيّتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..

ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..


تقول فيها ..

سلاماتي .. تحياتي .. وأشواقي الشديده
.................. على اللي روحه قبالي .. وأنفاسه بعيده

على اللي افترقنا غصب عن عيني وعينه
.................. بعد ما كنت انا وهو نحلم بلحظه سعيده

بعيش بغربتي لحالي .. وهو الله يعينه
.................. يكمّل نصفه الثاني .. ويلقى من تريده

مثل ما قالت امي .. ما لنا إلا قدرنا
.................. والا من زمان المفترض إيدي بإيده

يسامحك الله يالوالد .. على عمرٍ قتلته
.................. بعد ما ماتت ابنيتك وش اللي بتستفيده ؟

أنا آسفه على اعذاري .. وربي غصب عني
.................. نعم بتزوّج فلان .. بس بعيش عمري وحيده

محّد ممكن انّه يملا عيوني بدونك
.................. تذكّر كلمتي هذي .. أنا ف حبّك شهيده

تذكّر كلمتي أرجوك .. لأنها من فؤادي
.................. فؤادي اللي ذبحوه اليوم.. وطعنوه ف وريده

تذكّر كلمةٍ فيها شعوري وما طرى لي
.................. أنا ف حبك شهيده .. وذي ترى آخر قصيده

وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..

على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..

وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمد لله الهنا في حجرنا بات ..

تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟

بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ...

مات !!!



تحياتي لكم

فارس الحزين
رد مع اقتباس
  #2  
قديم July 24, 2010, 10:47 PM
 
رد: عروس تبكي في ليلة عرسها.

مااااااااااااااااا اصعب ...
ان تحب شخص لا يعلم بحبك ....
ان تحب شخص رغم كل ما فعله بك ...
ان تحب شخص و يأتي القدر بسهولة و يفرق بينكما ....
ان تتمنى الموت من شدة ما تشعر به من ألم ....
و ان يأتيك خبر موت من هو حياتك ...
هذا هو الأصعب علي ....
فأنا لا احتمل ذلك....
رد مع اقتباس
  #3  
قديم July 24, 2010, 11:00 PM
 
رد: عروس تبكي في ليلة عرسها.

ابيات شديدة الروعة لقد ابكتني حقا ما اصعبها من حياة عندما يصل العشق
الى ذروته تجد القدر يقف امامك وبكل سهولة يقولون لست من نصيبي ولست قدرك..
شئنا وشاءت الاقدار كما يقولون ومشيئة الاقدار اقوى واشد ..
رائعة اثرت في نفسي كثيرا كثيرا...................

فارسنا المتألق لك كل تقديري واعجابي..
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصة عروس ماذا فعلت في ليلة زواجها‎ برو العسل روايات و قصص منشورة ومنقولة 0 April 14, 2010 08:52 AM
لص يسرق حلي العروس ليلة عرسها... الطارق بن محمد كلام من القلب للقلب 0 April 13, 2010 03:13 PM
الى حبيبتى ليلة عرسها احساس مرهف بالحب شعر و نثر 23 March 28, 2010 05:43 PM
مكياج الفنانه هبه الدري ليلة عرسها في الصور >> فوتي يا صبيه لا يفوتك. سمرا مجلة المكياج والعطور 31 July 19, 2009 12:23 AM


الساعة الآن 11:17 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر