فيسبوك تويتر RSS


  #1  
قديم July 22, 2010, 09:48 AM
 
اسف انا في جيتي لك تسرعت

آسف انا في جيتي لك تسرعت
ظنيت الاقي فيك شيٍ فقدته


كنت احسبك مجروح مثلي تولعت
جربت فرقى شخص قلبك وهبته


كنت احسبك من مر جرحك تجرعت
حبيت فيك احساس طفلٍ لمحته


لوقلت آآآه بوسط روحي توجعت
ولو شفت دمعاتك شعوري سكبته


ولو تطلب عيوني ابد ما تمنعت
واعطيك قلبي لو بعد ما طلبته


وصلت بك..... اعلى مكان وتربعت
وفي قلب غيري ياالغضي ماوصلته


واصبر على صدك واشوفك تدلعت
واعطيك ود وما اظنك حسبته


اذهلتني بطباعك اللي ...تطبعت
حتى قصيدي فيك ابد ما فهمته


لو كان غاياتك حروفي فانا بعت
وافرح بجرح الشاعر اللي جرحته


وأرجوك من صدك تراني تشبعت
خلك مع اللي عاجبك او عجبته


يكفي قهر في جيتي لك تواضعت
تركت غيرك لجل عينك وبعته


ياليتني عن حب مثلك..ترفعت
ياليت قلبي قبل اعرفك دفنته


لكن اببعد دامني بك توهقت
الله يرحم حبنا اللي ذبحته


انا شريت الود والحين انا بعت
وانا عطيتك قلبي اللي قهرته


في يوم جيتك اطلبك ود واقنعت
نفسي بانك شخص عادي عرفته


كمل حياتك مثل ما انا توقعت
تبقى اسير الماضي اللي فرضته


ولا يحزنك اني غلطان وتراجعت
حولك بدالي ألف شخصٍ عجبته


اما انا لا يمكن اخضع ولا طعت
يحرم علي اعطيك قلبٍ خذلته


باريّحك من شوفتي يوم قاطعت
اسلوبك اللي بة تجامل كرهته


غلطان يا المقفي انا ما تتبعت
غيري يتابع خطوتي ما تبعته


ما ينحني راسي لو اني تقطعت
وما هو بنا من لا رميته لقطته


وان كان غرك حكي عذالي وطعت
الله يعلم كيف قلبي سكنته


اللي ملا قلبك علي وتسمعت
خله يعوض شخص مثلي خسرته


انا بما فية الكفاية تولعت
واللي بقى من قلب فيني حرقته


وان شفتني صدفة بعينك تطلعت
ذكرتني با نسان غالي فقدته


باول لقا سلمتة احساسي وضعت
غلطت حياتي يوم قلبي سلبته


واستسمحك فالبعد كاني تراجعت
ما عاد ابلقى فيك شي فقدته


طبعك مثل غيرك وطبعي كما كنت
احب شخص ولا تركته...تركته!!



توقيع فارس الحزين


لا تآمن الطيب ولا تآمن
الشين
خلّك فطين وخل نفسك
حريصه
حنّا بزمن فيه اختلاف الموازين
ما عاد تعرف غاليه من
رخيصه
بخل و كبر كذب و نفاق و حسودين
وكلٍ على شفّه يدوّر قنيصه


رد مع اقتباس
  #2  
قديم July 22, 2010, 01:43 PM
 
رد: اسف انا في جيتي لك تسرعت

والله وانا أقرأ دمعت عيوني واخويه يسألني أقول من البصل تصريفه عشان لا أنفضح ( المطبخ بابه كان مفتوح عشان كدا خخخخخ)
الصراحة المقاطع الأخيره من القصيدة عجبتني ماأدري ليش فرحت وانت تهزأ الشخص اقول احسن يستاهل مايقدر حلال فيه (مدري اشبي داخله حرب ههههه) وبعد إدنك طبعا اخدت اخر سطرين منها وكتبتها مع ضمن الجمل التشجيعيه في دفتري الخاص (خابرك البنت عندها حاله نفسيه خخخخ)
اسفه طولت وتقبل مروري
__________________
همس قلبي بعد كل هذا الحب ..الماضي لايعود
رد مع اقتباس
  #3  
قديم July 22, 2010, 08:25 PM
 
رد: اسف انا في جيتي لك تسرعت


طبعك مثل غيرك وطبعي كما كنت
احب شخص ولا تركته...تركته!!

كلام جميل جدا ومشاعر أجمل بكثير لكنها لا تدلا الاعلى قلب مطعون..



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
وَ رحلت جدتي .. خجل الورد كلام من القلب للقلب 11 November 23, 2010 11:18 AM
آسف انا في جيتي لك تسرعت روعه الكون12 كلام من القلب للقلب 0 January 16, 2010 06:13 PM
آسف انا في جيتي لك تسرعت !!!! رحيق السنين شعر و نثر 23 July 24, 2009 01:57 PM


الساعة الآن 03:13 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر