لسه بينا فيه حاجات

اه يا دنيا · #1 August 4, 2010, 08:56 PM

أهربي منى..وأبعدي عنى..
مش ح أنطقها وأقول دي ظالمتنى..
صابر وأشوف آخرتها معاكي..

روحي وغيري يوم ميلادك..
أنسي كل تاريخ حياتك..
خلصي كل جفاك وآساك..

بس لما تشوفي مرايه..
ح أبقى أنا.. وأنتي ورايا..
مش راح أسيبك ..أتحداك..

بين عينيك حتلاقى صورتى..
والسكون دا برضه صمتى..
كل لحظه ح أكون معاكي..

واللى ف ودانك دا صوتى..
وف خيالك طيف وجودى..
مش ح ترتاحي غير بموتى..
وبعد موتى.. روحى ح ترفرف وراكي..
لسه بينا فيه حاجات..

شلتينى من جوه قلبك..بس أنا شيلاك ف روحى..
سيبتينى مجروحه بعدك..بس أنا سيبالك روحى..

أنت باعدتنى كتير عن فكرك..وأنا فكراك بدموعى ونوحى..
مستكترة انى أقربلك..وبتبعدي وتقوللى روحى..
فين أروح..عمرى جنبك وأنت جروحى..
لو ودعتك..أودع روحى..

لسه بينا فيه حاجات..أفتكرهالى ساعات..
قولي دى كانت غاليه عندى..
قولي دى كانت ليا وحدى..
قولي أنا اللى رفضت بختى..

تهربي وتنسي مهما تنسي.. ماتنكريش..
لسه باقى حاجات مابينا ماانتهتش..
ذكريات كل اللى بينا مااتنسيتش..
هدها وجور عليها..
اقطف الورد اللى فيها..
مهما تتجنى عليها..
باقية والاحساس ماليها..
يمكن انتي ظلمتي فيها..
بس انا.. قلبى مراعيها..

الجرح فى عمرك القديم..
مهما تنكري كان جميل..
ولسه بينا فيه حاجات..

........
اذا أقتبست كلماتى ووضعتها بأى مكان أخر
فضع بجوارها أسمى لأنى سوف أتعقبك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حاجات صغيره تخليكى زى القمر	هدب الطائف	مجلة المرأة والموضه	4	November 28, 2010 12:46 AM
خمس حاجات كلنا عايزنها	بنت مصرية	المواضيع العامه	7	October 31, 2009 03:50 AM
حاجات كتير كانت نقصاني؟؟؟؟؟	7warat	شعر و نثر	0	July 2, 2009 07:30 AM
الاقى حاجات ترّجعنى	هانى علوان	بوح الاعضاء	1	July 3, 2008 10:36 PM
طوبى لمن قضيت على يده للناس حاجات	طلحة الخير	النصح و التوعيه	4	May 25, 2008 04:44 PM

لسه بينا فيه حاجات

كلام من القلب للقلب