دجاجة محشية بالرز والخضار

ألاء ياقوت · #1 June 23, 2010, 12:36 PM

دجاج محشي بالرز والخضار
أكله ماهي صعبة و لذيييذه ( طعمها يشبه طعم دجاج الشوايات والبخاري والسوالف ذي )
**************
المقادير :
1 دجاجة وزن 1000 جم ( انا استخدم المبرد مش المجمد لانه لين وطعمه ألذ )
**************
للتنقيع :
ليمونة وحدة .. فنجان شاي خل ابيض .. 3 ملاعق كبيرة ملح
**************
مقادير الحشوة :
كاس ونص رز مصري
بصلة كبيرة ( مكعبات صغيرة )
2_3 فصوص ثوم ( مدقوق )
قطعة صغيرة زنجبيل مبشور
نص كاس خضار مجمدة مشكلة ( جزر _ ذرة _ بازلاء _ فاصوليا )
ملح .. نص ملعقة كركم .. ملعقة بهارات مشكلة ( أنا استخدمت كاري )
**************

مقادير التتبيلة :
فنجان قهوة (زيت زيتون أو زيت ذرة )..
ملح _ كركم _ فلفل أسود _ بهارات مشكلة _ عصرة ليمون ..
**************

الطريقة :
1/تغسلين الدجاجة كويس وتدخلين ايدك داخلها تنظفينها من داخل .. بعدها تنقعينها في موية + مقادير التنقيع المذكورة .. لمدة ساعة على الأقل ( كل ما زادت المدة أفضل ) ...

2/في هالأثناء سوي الحشوة ..
اغسلي الرز وبعدها انقعيه في مويه لمدة ربع ساعة تقريبا .. وبعدها صفية من الموية ..
حمسي البصل والثوم والزنجبيل في شوية زيت .. بعدها حطي عليه الرز وحركيهم مع بعض ..

أضيفي شوية موية ( تغمر الرز ) لا تكثرين .. زي ما هو موضح بالصورة ..

اذا صار ( نص استواء ) حطي الملح والبهارات والكركم والخضار المشكلة وحركيهم زين وارفعيهم من على النار ..

هذا شكل الحشوة ..

3 / بعد كذا صفي الدجاجة من موية التنقيع ..

اخلطي مقادير التتبيلة مع بعض وادهني فيها الدجاجة من برا ومن داخل ..

4/احشي الدجاجة بحشوة الرز والخضار وقفلي الفتحة باعواد أسنان ( ممكن تخيطينها بابره وخيط اذا حابه )

5/ حطيها في ( أكياس الفرن ) وهي مخصصة للفرن ما تحترق ولا تذوب مع الحرارة مكتوب عليها

Oven bag

واربطيها كويس واخرقي بالسكين ( فتحة وحده بس صغيرة ) عشان يتنسم الهوا ..

6/ حطيها في صينية زي ماهو موضح في الصورة ..

وحطيها في الفرن لمدة ( ساعة وربع ) في درجة حرارة عالية تقريبا ( 430) درجة ف

7/ طلعيها من الفرن وشيلي الكيس .. اقطعيها من النص وطلعي منها الحشوة ...

بيصير شكلها كذا ...

هنا وعافية يآرب

امبراطورة الابتسامة · #2 June 29, 2010, 02:57 AM

الله يعطيك العافية

لك تشكراتي واحتراماتي

**سـمــوري** · #3 June 30, 2010, 02:01 AM

تسلم ايدك

ننتظر المزيد

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطلاب وضعوا دجاجة واحدة في الزجاجة،، فكم دجاجة وضعنا نحن؟؟	CVLMASTER	قصص البرمجة اللغوية العصبية	5	December 7, 2010 06:54 PM
طريقة عمل دجاج بالكاجو والخضار،الدجاج بالكاجو والخضار	AHD Ashour	وصفات الطبخ	1	December 15, 2009 06:54 AM
~~إبطال سحر الساحرة الاندونيسية لإحدى العوائل بالرس (بالصور) ~~	\|\| Ḿαђα \|\|	الاسرة والمجتمع	20	July 7, 2009 02:04 PM
صينيو البطاطه بالرز	عاشقة هدى	وصفات الطبخ	2	March 25, 2008 06:15 AM
لفائف الباذنجان المحشي بالرز رووووووعه	روح زايد	وصفات الطبخ	7	April 17, 2006 06:06 PM

دجاجة محشية بالرز والخضار

وصفات الطبخ