للجادين فقط..الدعوة جنس ماهي لعبة..

اول شي مرحبا كيفك؟
انا كتير متضايقة من موضوعك بصراحة كتير زعلانة عشان البنت مش عارفة شو بدي قلك
بدي انا بدي احكي مع البك
بدي قلك بس اكم كلمة بصراحة انا هلأ موقادرة اعبر عن يللي جواي .......
الله يللي خلق لكل انسان شكله وسبحان الله بكسر من جهة وبيجبر من جهة
الشكل يا اخوي مو كل شي ... انا بنت من هالبنات والحمد لله بفهم شعورهم وكيف نفسياتهم يا ما بتلاقي بنات حلوات بس مستوى تفكيرهم واخلاقهم بالمرة وانت ما شاء الله قلت انو زوجتك اخلاق وادب والله منعم عليها
انت هلا ليش بتتعامل معها بالشكل ليش ما تعامل روحها من جوا ..... نسيت لما زوجتك كانت بتبكي لما انت كنت متضايق نسيت لما كانت بتمسحلك دموعك وين حنيتك هيك بتبيعها بالشكل...؟؟ مش هي هاي البنت كمان بتحس وبتفهم عليك بدون ما تحكي صدقني انك ظالمها ورح تندم عهالحكي هاد....
انا مش بعمل حالي معلمة ولا شي انا بس عندي عكس شعورك بالتمام انا بنت والحمد لله الله منعم علي عندي جمال واخلاق وكل شي بس انا بحس انو الناس بتتعامل معي بس عشان مظهري مو منشان انا شو من جوا..... يا اخوي بستحلفك بالله انك تبقى معها وتكون رجل بمعنى الكلمة ارضى باللي كتبلك اياه الله وحتشوف كل ما حبيتها ودللتها رح تصير حلوة كمان وكمان.... خد النصيحة مني
وانا اسفة اذا ضايقتك بردي بس انا كتير متضايقة من يللي قرأته
اخر شي بدي اقلك حط حالك مكانها وشوف شعورها وقتها رح تحس فيها
وخاف الله فيها لانو لو بايدها كان عملت حالها ملكة جمال....
بصراحة انا مش عارفة شو كتبت لاني كتير متضايقة بس بتمنى يمرق الاخ مون ويكتب رايه لاني بحسه انسان فهمان ومتاكدة انو رح يقنعك.....وسامحوني

__________________
اذا اردت شيئا فاطلقه ودعه يذهب... فان عاد اليك فهو ملك لك وان لم يعد...فهو لم يكن لك منذ البداية...

الله يكون بعونك لكن انا انصحك باستشاره طبيب
روز روز

اخي الطيب
حاووووووووول انك اتحبها اولا
وتحب كل حالاتها