هاله العتيبي

هاله دويبي سلطان العتيبي

قصيدة هاله العتيبيه في اخوها سلطان





واقلبي اللي محرقه واهج الناروالدمع من عيني تصب وتهله
قلبي على الغالي من الحزن منهار000تقول في جوفه شبوك تتله
عليك يالمحبوب ياوافي الاشبار00حتى ولو انه مضى منه زله
ستر على العاده ولايذي الجار 000لوجاره من الهرمايمله
في موقفه يصمد ويقلط على النار 000 وعليه مقلاط العدو مايزله
على حقوق الناس ماهوب جوار000واللي عليه المشكله فازعن له
من شبته يمشي على درب الاخطار000درب الشجاعه والوفا منهج له
حار الطبيب وضيعوا فيه الافكار000ورضى له المولى باللي قاسمن له
جاه الرحيل وجاه سبسور الاقدار000ياليت صار من الخمايم فدا له
ياعل مثواه بجنات الانهار000ولعل حوض المصطفى مشرب له
وينبت على قبره بختري ونوار000والغيث جعله كل يوم يعله
يعيش من ياخذ مع الطيب مشوار000ويعيش مع درب الكرم مسلك له
ابن الشقير الله يجيره من النار000عند الضروره بالوفا مخلص له
ياعل تبطي عنه قصفات الاعمار0000وكل الصديق اللي يجي عاني له
ارجي من المعبود علام الاسرار000يعين من حقه بعد مقبل له

هاله العتيبي