لا تعتذر ..

العقيدابووشهااب · #1 October 26, 2007, 10:24 AM

حبيبي لا تعذر والجروح اسبابها الأعذار

وانا ادري مايطيب الحب غير بكثرة ذنوبه .

يليت الجرح ما بيّح نزيفه باقي الأسرار

ياليته كان ذنب ابدون عذر وتغفره توبه .

أنا اللي ماخذا منك القصاص ولا طلب له ثار

على كثر الحقوق اللي تمنّى قول مطلوبه .

أهلّي بالمواجع كل مانساقت من الأقدار

واقول يحلّها اللي حطّها للقلب مكتوبه .

حطبت ضلوعي وشبّيت ضوّك يا عذاب النار

وانا استر كل هم .. وكل همٍ ضاق به ثوبه .

تذكّر كيف سيّلت المشاعر في هواك انهار

عطيتك للفرح صحوه وللأحزان غيبوبه .

عطيتك وقتي ورحت اترقّب قاصف الأعمار

وانا سنيني على عمرٍ نثرته فيك محسوبه
.

حبيبي وان بغيت الصدق ياشين الهوى لاجار

حبيبي وان بغيت الكذب كلّن ملْك محبوبه .

دخيلك لا تعذر والليالي خلّها تندار

يبين النور والا ياعساه يطوّل غروبه

ஐஐغدير القمرஐஐ · #2 October 26, 2007, 10:47 PM

العقيدابووشهااب
يسلمووو علي القصيده الحلوه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

لا تعتذر ..

شعر و نثر