|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
May 7, 2010, 03:35 AM
|
||
|
|
||
|
أعيد في ذكرياتك..
وكل ما قررت أبعد عنك، أقرّب.. وابتعد ! ليش أحاتي، وشغلي الشاغل وجودك، وينك انت ف أي مكان، وليش أنا خارج حدودك…! والزمان اللي جمعنا ليش ما عاد الزمان ! ليش أعيد ف ذكرياتك... ليش أمرر كفي البارد، على جمرة وداعك ! ويحترق قلبي وله، وأسئلة.. ما تنتهي..، ليش أنا أحبك جذي..! اي جذي..، ه الكثر.. ليش أتعب من تفاصيلك، وأفر… ل ابتساماتك، همومي.. والشعر، ليش كل ما جيت أكتب، أكتبك..! في كل سطر، ف كل كلمة، وكل حرف… وأحلف إني ما أحبك، وأجذب.. أجذب.. كل حرف، أكتبه ينبض في حبك.. بالألم، بالبعد.. وب كل الحكاية، من عرفتك…، تذكر أول ما عرفتك ؟ ليلة كانت…، ف السما شمس وقمر، كنّا نحلم..! قلنا نحلم..، كنا نحاول نفسر ما نعيشه ! والجنون اللي أخذنا، لأقصى احساس الاماني.. والأمان، والمكان اللي جمعنا.. والزمان ! ليلة كانت..، ذوق، واحساس وأغاني…، وصرت أحبك ! ايه فجأة صرت أحبك…، ليش أنا مو قادرة استوعب غيابك، وانك انت صرت ماضي، شي راح… ليش أصّر انك معاي ف كل لحظة، يمي قاعد…، وابتسم لك ! ولم أناديلك.. ترد، ليش أحس إني على غفلة ب أشوفك، ب المحك وسط البشر… وإني ب نسى كل ما حولي، وأجيك.. وأرتمي ب همي عليك ! ليش أحبك، ه الكثر…؟ تدري يعني… اش كثر..!؟ كثر ما تبجي السما، وتنزف مطر… ليش حزتها أذكرك ؟ ليش أحس إنها دموعك، تنهمر… لأنك انت لي سما..؟ وأنا أرضك…، يسكن ضلوعي عطش ! ليش من دونك أضيع، ليش أضيّع خطوتي، وما أدل طريجي..! ليش أحس ب كل هالغربة، بدونك.. لأني أنا لي وطن..، داخل عيونك ! لأنك انت تحتويني، تلمس احساسي.. وتسمع حتى صمتي ! وشكثر أنا أخبي خوفي عنك، حزني عنك..، كل أنيني.. أخنق العبرة في صدري، وأدري انت تحس فيني…، ليش أحس ب هالتعب..؟ لأنك انت لي حضن.. أرتمي كلي عليه، لا كسرني ه الزمن ! أدري بَعدك.. تفقد الأشياء معناها، تخيّل.. ما أحس ب طعم.. فرح ولا حزن ! كل شي بعدك مثل ماهو..، ولكن.. أنا أشوفه مختلف ! لا السما اهيا السما… ولا الهوى نفس الهوى…! أفقد الاحساس في كل شي، حبيبي.. ما أبالغ..، أنا أتنفس وجودك، وانت غايب، أختنق..! “ ليش أروح…! أو ليش أبقى…؟ والمسافة بيننا نفس المسافة صمت، وأسوار… وألم ! بس مو بيدي حبيبي، لما أشتاق وأحن، لما أناديلك تعال.. وانت تسمعني، وتوّن ! أدري قصتنا غريبة، ليلة كانت.. والتقينا..، في السما شمس وقمر، انت وأنا ! وقلنا نحلم..، كنا نحلم، ولما صار الصبح، قمنا ع الحقيقة…، وصرنا نضحك، صرنا نبكي… صرنا نغني ألمنا…، أنا وياك، ونقول…: ” تدري أنا وياك، قصتنا مثل شمس وقمر من أول الوقت حتى آخره ما يلتقون… كلٍ يدور صاحبه، كلٍ يدور صاحبه حكم القدر، تشرق تبيه، يغرب يبيها ! وفي السما يتخالفون..! “ * 
|
|
#2
May 8, 2010, 03:29 PM
|
||
|
|
||
|
رد: أعيد في ذكرياتك..
قصيدة رغم طولها
لا يشعر القارى الأ بروعتها مشكورة
__________________
آه كم أعشق نفسي حيث أنت فيها أنت فيها حين أغفو حين أصحو حين أمسي أنت لحني حين أشدو أنت في فكري وحسي ملأُ هذا الكون حبي وهو أورادي وأُنسي وهو ينمو وغدا أكثر من يومي وأمسي وأنا وأنت ضياء سارح شلال شمسٍ في المدىيسري يا حياتي أنت مني جوهر يوقدحسي أنت نفسي *₪ Ξ وردة نديةΞ ₪  لكل من اشتاق للمرآة المعطاءة (تاما هوم) امراة من زمن الحب 
|
|
#3
May 9, 2010, 02:30 AM
|
||
|
|
||
|
رد: أعيد في ذكرياتك..
بروعة تصفحك لنقلي غاليتي ..
دمتي سالمه..
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مستحيل تسبني ....روح وحطم ذكرياتك....!!!!!! | قلب حائر | شعر و نثر | 32 | March 31, 2009 04:38 PM |
| ادفن احساسي في ذكرياتك | عبير لندن | كلام من القلب للقلب | 13 | December 20, 2008 09:14 PM |
| مستحيل تسبني ....روح وحطم ذكرياتك....!!!!!! | قلب حائر | بوح الاعضاء | 13 | August 29, 2008 09:20 PM |
العرض العادي
