فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



موضوع مغلق
 
LinkBack أدوات الموضوع انواع عرض الموضوع
  #1  
قديم April 29, 2010, 12:26 AM
 
يبه وينك مل هالكون من دونك....

يبه شلونك ...
ملل هالكون من دونك ..
يبه شلونك ؟؟
وتمضي رحلة الدنيا..بليا طلة عيونك ..؟؟!!
تبي تدري عن احبابك ؟؟
عن عيون تغنابك ؟؟
عن قلوب دفنها الشوق..
واذا جاها الغفا جابك ؟؟
يبه تدري اني اتخيلك دوووم....
اتغني لك مع القمرا..
يبه واللي خذاك مني بيوم....
خذا بنيتك بكرا..
خذا.. وياما خذا..
وياما..خذا ناس يحبونك ..
يبه حنا صرنا كبار..
توفقنا وتخرجنا..
يبه ماعاد فيه صغار..
يموج بهالزمن كل شي..
وحنا ماتموجنا ..
على ذاك العهد نسري ..
نبيع العمر والدنيا ..
ولا تخلف بنا ظنونك ...
يبه شلونك ؟؟
يبه وشلونك؟؟
تبي تدري عن اخباري ؟؟
عن افكاري وتذكاري ؟؟
اشيلك داخلي جمره ..
وبعيون الحزن عبره..
تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..
واحلم من معاني الحلم..احسك مقبل بكرى..
وعيا لايجي بكرى !!
يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا .. وكل هذا ..
اقول اليوم يايبه ..
ملل هالكون من دونك
يبه وينك ؟؟ ....
ملل هالكون من دونك
يبه وينك ؟؟ ....
ولهت لنظره من عينك ....
يبه وينك ؟؟
اشوفه طوّووووووول غيابك !! ...
((()))وينك؟؟
و من ودّاك .... ما جابك !!
قالوا ما يدوم الزين !! ...
و أنا عندي امل للحين ..
و لا كني مااعرفك وين !!
يبه وينك ؟؟
عسى الداعي يبه بس خير ؟!!
عساك بخير ....
مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ...
ولا كني اعرفك وين !!
و قالت .. ما يدوم الزين !! ... و أنا .. عندي امل للحين ..
في رجوعك !! ....
يبه بس تكفى علمني ....
متى رجوعك ؟؟ ....
يبه بس تكفى علمني ...
وش احلى من طلوع اثنين ؟؟
طلوع الشمس ... و طلوعك
يبه وينك ؟؟
سألت النااااااس .... غيابك طال ؟؟
ولا كنّي مااعرفك وين !!
و قالت مثل ما قالت ...
حسافه ...
ما يدوم الزين ...
مع كل هذا صدقني ..
أنا عندي امل للحين !!
سؤالي عنك يالوالد ..
صار كما الموال
و اشوفه طال... والله طال..
حزين .. بلحنه و حروفه ... يخاف .. يموت من خوفه ...
و قلب ٍ كان اقوى قلب ... ضعف .. من قسوة ظروفه ..
يبه .. أرجوك علمني ...
تشوف اللي أنا أشوفه ؟؟
أنا أشوفك نهار و ليل ...
في وسط المجلس تصلي ..
و تدعي الرب ييسر لي ..
يبه .. ما عاد بي من حيل .. وين الحيل ؟؟
و أنا أشوفك نهار و ليل ..
مع إني أدري للحيييلن عندي امل انك بترجع لي!!
غريبه .. بعدها تدمع .. عيوني من هموم البين !! ....
و ادريبه مكانك وين !! ...
مع َ هذا .. ارد و اسأل !!
يبه .... وينك ؟؟
و لا كني اعرفك وين !!
شبكت العشر في غيابك ...
على راس ٍ كساه الشيب ..
و من وداك ... ما جابك ..
و لا ادري وش يخبي الغيب !! ...
و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ...
و لكن البلا من جرح .. نزف فرقاك ... بليّا دم !! ...
و هذا الفرق في جرحي ...
عجز يلقا الدوا دكتوووووووووووور ..
أنا جرحي غريب الطور !!!
ينزف ... بس بليّا دم .. و زاد الهم فوق الهم ...
و دام انك يبه غايب ...
جروح الغيبه ما تلتم ..
بس عندي امل للحين !! ...
و لا كنّي اعرفك وين !!
يبه .. ذكراك تفرحني ....
في نفس الوقت تجرحني !! ...
لا من جبت في طاريك ...
دموعي غصب تفضحني ....
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هالناس ... كل ٍكان في بيتك ضيف ...
ألا يا حيف ... ألا يا حيف ...
زمن قاسي ... زمن قاسي ...
أخذ مني بلا رحمه ... أخذ مني أعز ناسي !!
و خلاّ لي سهر هالليل ..
في عيني ضيف .. ألا يا حيف !!
يبه وينك ؟؟ تعال و شوف ...
كبرنا مثل ما تمنيت ... درسنا كل ما حبيت ...
نصلي مثل ما وصيت ...
و ندعيلك في كل ظروف ..
يبه وينك ؟؟ تعال و شووووووووووف ..
صحيح الدنيا ما ترحم ..
تجرعنا التعب أنواع ... و لكن الأمل ما ضاع ..
و أنا عندي أمل للحين !! ...
و لا كني اعرفك وين !!
يبه تذكر شطانتنا ؟؟
أنا و اخووووي و اخواتي ... معانا عيال عمااااني...
نلعب في زوايا البيت .. يبه ... والله أنا حنيت ..
لذاك الوقت في وجودك ...
ألا يا ريت ... ألا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه انا بنتك جلست اتذّكر ... بأيامك قبل ما ترووووح ...
تناديها.. يا روح الروح ..
تلاعبني و انظر لك ..
مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. أو بعد منها ... كنا نغار
نحبك يا يبه ... ارجع ...
مثل شمس الفجر .. اطلع
حزينه الشمس في غيابك ..
و نفس الحزن في احبابك ..
وأخاف الشمس من حزني ..
تغيب و ما بعد تطلع !! ..
يبه ارجع !! ...
اذا لي خاطر ف قلبك ..
تعال و زورنا بس يوم ...
مع انه ما يكفينا .. نشوفك يوم ..
نبي حضنك يدفينا .. و نشوفك دوم ..
لكن قلّت الحيله اليمه...
و يمكن م البطا ضاعت .. و قلنا يوم !!
يبه سامحني بترخّص ... قبل ينشف حبر الأقلام ..
كلامي بعده ما خلّص ..
و لكن موعد الأحلام .. حان ..
ولازم اوفي له..
بعد ما ضاعت الحيله ..
أشوفك والوعد باكر !!
إذا فكّر يجي باكر ..!! ..
و برجع اسألك وينك !!
بس لازم تجاوبني ..
ترى عندي امل للحين !! ..
و لا كني اعرفك وين ..!!
يبه شلونك ؟
ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابيه
ملل هالكون من دونك......



حزينه جدا..!!

</b></i>
  #2  
قديم April 29, 2010, 02:13 PM
 
رد: يبه وينك مل هالكون من دونك....

الموضوع مكرر على الرابط التالي

https://www.ibtesama.com/vb/showthread-t_137090.html
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


موضوع مغلق

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
هذا انا دونك اياد س شعر و نثر 4 January 15, 2010 10:48 PM
«®°·.¸.•°°·.¸.•°®»يبه شلونك ... ملل هالكون من دونك ... يبه شلونك ؟؟ «®°·.¸.•°°·.¸.•°®» რ¸7ébàk jéηόηy¸რ شعر و نثر 4 October 16, 2009 05:44 PM
يبه وينك غاده الحربي كلام من القلب للقلب 5 April 18, 2009 03:50 PM
دنياي دونك وربي ما تحملها !! كلنا محمد شعر و نثر 6 September 19, 2008 12:08 PM
الي أحبه ب هالكون تناساني مشموم حساوي شعر و نثر 2 March 31, 2007 01:49 AM


الساعة الآن 04:24 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر