نفسى احس انى مش لوحدى

عندى احساس غريب هو احساس زعل بس من نوع جديد حاسة انى موجوعة بس مش عارفه احدد الوجع فين بالضبط كأنى فى حد ماسك قلبى طابق على صدرى مش عارفة احدد بس بجد حاسه بزهق غريب كده اللى هو تحس ان الكلام كله بقى ممل و الناس بقت ممله و الأكل مش فارق قوى طعمه حلو طعمه وحش المهم آكل و خلاص ، بقالى كتير اوى ممبسطش قصدى بجد امبسط مش تريقه و تهييس و كده لأ يعنى ابقى بجد فرحانة كده و انام من غير أحلام زى ما كنت زمان و مش عارفة هفضل فى الحاله دى لحد امتى ...
مش قادرة اتعامل مع الناس خالص بقى كل حد اشوفه فى يومى بيضغط على اعصابى مش قادره اضحك زى الأول ميغركوش الكآبه اللى انا فيها دلوقتى انا فى العادى انسانه بحب الضح و التريقة بلاقى الشخرية فى احلك المواقف و بضحك و انا ف اسوأ حالاتى و بحب الناس كلها تضحك و اللى كنت اشوفه مكشر ف الكلية افضل وراه لحد مضحكه
بس دلوقت حاسه زى مايكون الضحك اللى جوايه خلص ...
اكتر حاجه نفسى فيها دلوقتى انى اتلاشى البس "طقية الإخفا" و محدش يبقى قادر يشوفنى و لا يعرفنى اتحرك براحتى من غير ماحس ان كل خطوة و لفتة محسوبة عليا من غير ما اسمع نقد الناس و هددهم فيا بمناسبة و من غير مناسبة ، بسابق معرفة و بدون سابق معرفة زى مايكون بينى و بينهم تار قديم و حالفين مييت يمين ليكسروا فى قلبى كل مايشوفونى ، الظاهر ان ضحكتى و إبتسامتى الدايمة مضيقاهم مضايءهم اوى انى مش بظهر التعب و لا الألم اللى جوايا مع انى ساعات كتير اوى ببقى نفسى اقول آه ه ه ه ه ه هه عالية و بصريخ بس بلاقى نفسى بدفنها و بتطلع بدالها ضحكة و اقول لنفسى لازم اكمل ...
زمان و انا ف ثانوى كنت مبسوطة بوحدتى كنت اروح المدرسة اضحك شوية و ارجع اذاكر و ماليش دعوه بحد و لايهمنى اعرف حاجه عن حد و نجحت و دخلت هندسة و متهيالى ان دى كانت اخر مره احس ان ابويا و امى فخورين بيا
انما دلوقت انا دايما حاسه انى لوحدى دايما حاسه ان محدش معايا بجد معايا مش اتكلم مع حد احس انى بأذن فى مالطة و يعمل نفسه حاسس بيك و هو فى الواقع مش فاكر انت مين اساسا

هتقولولى بتقوللنا الكم ده ليه؟ هقولكوا مش عارفة
احنا المفروض نعملك ايه؟ برضه مش عارفة
مش حاسه انك مزوداها حبتيين؟ هقولكوا ممكن
ممكن برضه حد يقول ايه شبورة الكآبة دى على الصبح احنا ناقصينك ده الواحد فيه اللى مكفيه ... هقول له معاك كل الحق ، بس يمكن حبيت احس انى مش لوحدى و ان فى حد سامعنى حتى لو محدش رد بس مجرد انكوا دخلتوا الموضوع ده فى حد ذاته متهيألى ممكن يقلل من وحدتى شوية

__________________

لسناَا بمُغفلين بالقَدر الذي يتخيله
البعض وَلكننا نعمل بِ مبدأ ؛ عَفواً ،
فَ صبراً ، فَ حلمااً ، فَ إتقِ شرّ
الحليمِ إذا غَضبّ ~

__________________