|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#1
February 8, 2010, 02:45 PM
|
||
|
|
||
|
الأيدي البارده*2* صدقوني لازم تقروها معظم أحداثها حدثت حقيقي والله بجد تابعوها هنا
اما أحمد لأخته: إجري بسرعة ,,,,,,,,,,, وبتجري دنيا وتروح على بيت أمها تلاقي صويت وعويل!!!!! وتعرف إن أمها ماتت! والناس يبصوا لشكلها ويسألوها؟؟؟؟؟؟؟؟ مالك؟ مين عمل فيكي كدا! ويتغامزوا و يتلامزوا عليها !!! وتجري وتسيبهم وتجري في الشارع بلا هدف طب بتجري من مين ؟؟؟؟ أمها وماتت ,وأخوها هيتسجن! وشرفها وكرامتها ضاعوا خلاص خايفه من الجيران والمجتمع ولا ؟؟؟؟؟؟؟؟؟؟؟؟تجري لعند ما تعبت!! وقفت تستريح لقت واحده واقفة بعربيتها على جنب وبتتكلم في الموبيل ..... دنيا (راحت عليها تكلمها ) :ممكن توصليني معاكي لأي مكان ؟؟ سوزي: استغربت اوي وسابت الموبيل وقالتلها: إنتي راحة فين ؟ ومالك متبهدله كدا ليه؟ إنتي شحاتة و لا ولاااااااااااااااا ؟؟؟؟؟؟؟؟؟؟؟ دنيا :متخفيش مني لو مش عايزة توصليني بلاش ! كتر خيرك وإدورت تمشي............................... سوزي بنظرات الإشفاق: تعالي إنتي اسمك إيه؟ دنيا (تفتح الباب وتركب ودموعها على خدها وتقولها على اسمها وحكايتها كلها ................................... بتصعب على سوزي أوي وبتقرر....؟ إنها تاخدها معاها شقتها ,وفعلا تمشي سوزي وكأن القدر اللي رماها في طريق دنيا..... عشان تلاقي مكان يحميها من كلاب الشوراع........!!!!! و بتوصل سوزي شقتها في عماره كبيره بحي راقي جدا ,) سوزي : إتفضلي يا دنيا!! دنيا : شكرا ..................... وتدخل وسوزي تفرجها علي الشقة وتقولها البيت بيتك,,,, وتسيبها وتدخل غرفة النوم, دنيا قاعدة حزينة حيرانة مش عارفا هتعمل إيه ......وتفتكر أمها اللي ماتت وهيه بعيد عنها !!!والذئاب البشرية وأخوها اللي تسجن وضاع مستقبله.........وفجاه دارت الدنيا بيها وفقدت الوعي !!!!!!!!!!!!!!!! (سوزي طالعة من غرفة نومها بعد ما غيرت لبسها ,جايبه لبس ل دنيا وبتقول) : أنا جبتلك لبس من عندي عشان تاخدي شاور وتغيري ,وفجاه اللبس وقع من إيدها على الأرض !لأنها ..............................؟ شافت دنيا فاقده الوعي ,جريت عليها تفوقها ! وبسرعة طلبت الدكتور .... وجه وعمل اللازم ..................وكانت دنيا عندها نزيف حاد أثر الاغتصاب!!! وتمر الأيام وأصبحت دنيا و سوزي أصدقاء جدا جدا ........ و كانت سوزي بتشتغل راقصه بملهى ليلي اسمه الساحرة ,وأقنعت دنيا إنها تنزل معاها الشغل وتشتغل اى حاجه,مساعده لها و مالهاش دعوة بالزباين خالص !و بما إن دنيا كانت جميلة أوي فكانت مشاكلها كتيره! وصاحب الملهى كان عايز يشغلها في الصالة بأي طريقة ,لكن سوزي كانت كفيلة إنها تبعده عنها!! وكانت أحيانا سوزي تخرج مع رجال أعمال وتسهر وترجع وش الفجر! !!ودنيا مش بتتدخل في شغلها ! وفي يوم جه رجل أعمال وخرجت معاه واحده شغالة في الملهى و تاني يوم غابت من الملهى !وتالت ورابع, ولا حس ولا خبر, وبعد أسبوع جه بلاغ بوجود جثه بمقلب زباله ومسروق أعضاء الجسم كلها !! إكتشف ماهر بيه (رئيس مباحث مدرية أمن القاهرة) بعد التحقيق إنها جثة عاهرة إختف من ملهى الساحرة !!وقيدت ضد مجهول!!!!!!!!!!!!!!!! و شوية شوية أصبح قتل العاهرات وسرقة أعضائهم موضة!!!وعمل الموضوع دا ضجة كبيره ودخلوا المسؤلين في حيره كبيره مين ورا كل دا !! مش كفاية الأطفال والشباب والنساء , حتى العاهرات كمان !!! يعني مخلوش حد !!!!!! وفي يوم دنيا قالت لسوزي إنها هاتروح تزور خالتها ,وفعلا راحت وكانت خالتها ساكنه في منطقه شعبيه ,ووصلت دنيا و خبطت على الباب سعدية: مين؟؟ دنيا : أنا يا خالتي!! سعدية (قامت بسرعة فتحت الباب وتحضن دنيا أوي) : إنتي كنتي فين؟ قلقتينا عليكي ولا حضرتي دفنت أمك !! دنيا بحزن :يعني انتي مش عرفتي اللي حصلي؟ سعدية بأسى: عرفت طبعا وأخوكي إنطس سبع سنين سجن ,منهم لله ! مش جيتي عندي ليه بدل ماتهربي ,وتقلقينا عليكي كدا؟ انتي مالكيش ذنب في اللي حصل! دنيا : آجي فين يا خالتي !!اللي مش بيشوف من الغربال يبقى أعمى!" الله يعينك" على كوم اللحم اللي عندك!بس قوليلي بتشوفي أحمد؟ سعدية : أه بس مش دايما ,,,لما بيتوفر معايا فلوس بروح أزوره ,و بيسال عليكي دايما !!ربنا يجمعكم على خير يابنتي,,,,,بس قوليلي إنتي عايشه فين ومع مين ؟(وفجاه يضرب جرس الباب وواحدة بتصوت ,,,,,,,فتحت بسرعة سعدية لقت جارتها أم محمد بتصرخ وتول ول) سعدية بانزعاج شديد: مالك يأم محمد في إيه ؟ جرى إيه؟ أم محمد ببكى ونواح: ابني !!ابنى راح !!ابني ضاع !!!! سعدية تخبط على صدرها :يالهوي... راح فين,وضاع فين إنطقي ياوليه!! خلعتي قلبي,,,,,,,,,, أم محمد : إتسرق (وتلطم على وشها وتصوت وتنوح و تقول) سرقوه مني منهم لله !!!!!!خطفوه . ياتري إنت فين يا ضنايا يامين يرجعك ليا ؟؟؟؟؟؟؟؟ دنيا : إهدي يا ست وقولي حصل إيه ؟و إزاي اتخطف ؟ أم محمد : انا كنت عند الدكتورة في العيادة مستنيه دوري عشان الواد كان عيان وعلى صرخة واحده !!.......كان في ست شايل ابنها ساكت ,وشيفاني واقفة بيه بيعيط............................................. ...................... قالت هاتي أسكته وخدي ابني خليه معاكي أما أسكت ابنك!! وخدت الوله تسكته و أتاريها هربت بيه!!! أدور عليها مش لاقياها ,فص ملح وداااااب !! نادينا الدكتورة و قولنالها اللي حصل ,,,,,,,قالت هو الطفل دا ساكت ليه مش بيعيط !! وفكته (وتنوح أكتر وتبكي وتول ول اكتر وتكمل) ويارتها ما فكته شفنا العيل مشقوق وجسمه فاضي محشي قطن ,يا حسرة قلبي عليك يا ضنايا .... ها يموتوك ويفتحوا بطنك يابني وياخدوا حشاك دنيا تطبطب عليها : تعالي نروح نبلغ ....إنتي عارفا شكلها؟ أم محمد :أه دنيا أخدتها وراحوا مركز البوليس ودخلهم العسكري لماهر بيه لأنه المسؤل عن القضايا دي)!!,ودخلوا عنده و أم محمد تحكيله وتعيط ومش فاهم منها حاجه,, دنيا قالتله: الست ابنها اتخطف منها في العيادة (وقبل ماتكمل دخلت ست تانيه في الأربعين من العمر تصرخ وتقول) : الحقني يا حضرة الضابط... الحقني الله يخليك !!بناتي راحوا مني بلمح البصر!!!!!! العسكري يزعق لها إطلعي بره هيه وكاله من غير بواب!!! ماهر بص للعسكري نظره خرسته !!ورعشت جسمه!! سابها ورجع ورا ,وقال للست :إتفضلي بس اهدي شويه عشان أفهم انتي بتقولي ايه؟؟؟؟ الست تبكي : بناتي الاتنين ضاعوا مني بلحظه اختفوا وتبكي أكتر والضابط مش فاهم كلامها بردوا من بكاها!!!!!!قولي اعمل إيه ؟ساعدني أرجوك دول ماليش غيرهم! ماهر : ممكن تهدي يا مدام شويه وتحكي براحه ! مش عارف أفهم منك حاجه براحه من فضلك...إنتي مين و حصل إيه؟؟ إيمان : أنا إيمان مدرسة فرنساوي , وجوزي مقيم بالخارج , كنت في المول و معايا بناتي , يارا 5سنين ونورا رضيعه عمرها 9 شهور,(وتبكي أكتر وتكمل) كنا بنتمشى في سينا مول, وكانت يارا بتجري قدامي وتلعب حواليا ,وفجاه اختفت قعدت أدور عليها وابكي! جت ست قالتلي هاتي النونو وروحي إسألي على بنتك حارث الأمن !! وفعلا إدتهالها ورحت سألت الحارث قال ماشفتش حد !! رجعت بسرعة لاقتها اختفت بلمح البصر!! أدور عليها اسأل الناس يسبوني ويمشوا !!!( وتعيط أكتر وتكمل) أعمل إيه قولي؟؟ ماهر( بتأثر شديد) :هوني على نفسك , إحنا كتبنا بلاغك و هنعمل اللازم ,وبأمر الله نلاقيهم.......... ومشيت إيمان حزينة بعد ما سابت بيانتها!!! والتفت ماهر لدنيا وقالها عارفه دا بلاغ رقم كام النهاردا بس !!15 يعني فيوم واحد دا غير اختفاء العاهرات !! دول أطفال فقط !! دنيا بحزن شديد :الله يعينك يفندم ,والله يعين أهاليهم على نارهم !بس إيه العمل, يعني خلاص اللي بيروح مش بيرجع ؟!! (صرخت أم محمد من كلمة دنيا وتبكي وتهديها دنيا , وتحكي أم محمد إزاي إختفى رضيعها,وخلصت كلام !! قالها نفس الجملة اللي قالها للي قبلها !! ) وقفت دنيا وقالت لماهر: نستأذن , قامت ام محمد وهيه ب تبكي علي ابنها الرضيع اللي مش هتشوفة تاني ! ,,,ولله الأمر من قبل ومن بعد..........................أما ماهر بيه جت له إشارة بتقول إن في ظاهره غريبة أوي؟!! اختفاء النساء في الحمامات!! وأول ما سمع ماهر كدا استغرب أوي وضحك باستهزاء من القدر!! وقال: يعني إيه ؟! نحرص الستات جوه الحمامات كمان ولا إيه؟؟ هو في إيه ؟؟؟؟ (رد عليه) العسكري: لما حضرتك تسأل في إيه؟؟ أمال الناس تقول إيه ؟ الناس عايشه برعب يافندم خايفه تتخطف من جوه بيوتهم كمان!!! رد ماهر بسخرية : أدى اللي كان ناقص!! لازم نتصرف بأقصى سرعة ,لإنها فعلا كارثة بكل المقاييس!! وفعلا توجه لمكان الحادث ومعاه القوه , وكان مطعم كبير , وكان في تجمهر غريب أغلبهم رجال فقدوا زوجاتهم !! دا كلو داخل الحمامات النسائية!!!! ودخل ماهر يفتش في كل حاجه وكانت الحمامات كلها نظيفة جدا !! الحمامات قدامها الأحواض والمرايات كأي حمام عادي ,بأي مكان عام!لكن الغريب : إن بين باب الدخول والأحواض مسافة كبيره!! وفي مرآية كبيره بالطول طولها متر ونص وعرضها متر , ودا كمان قول عادي جدا عشان الستات تظبط لبسها وتشوف نفسها!! لكن اللي غير طبعي أبدا اللي إكتشفه ماهر وهو : إن المرايه هي واجهه لباب يؤدي لطرقه طويلة تؤدي للبدروم !! والباب من جوه زجاج عادي ,يعني اللي ورا الباب شايف كل اللي بيدخل الحمام وينتهز الفرصة ويصتاد الضحية بلمح البصر!! وفتح ماهر الباب وسط دهشة الجميع من أفراد القوة والمشاهدين ! و مروا جميعا بالطرقة ودخلوا البدروم ويا لهول الموقف!! كان المكان مُكتظ بالجثث والأعضاء البشرية وثلاثة أطباء هم أساس المجزره وتجارة الأعضاء !! وتم القبض عليهم جميعا !!! ولكن ماهر كان بيفكر :يا تري بكدا إنتهت عصابة سرقة الأعضاء ؟؟ ولا دا مجرد نقطه في بحر من مافيا كبيره !! وهل مُتصلين كشبكة ولا كل فئة بتشتغل لوحدها ؟؟؟؟؟؟؟؟؟؟؟ أما دينا روحت علي شقة سوزي !! وأول ما فتحت الباب إتفاجئت بسوزي زعلانه جدا : يخربيتك إنتي كنتي فين؟ دنيا :إيه!! مالك بس,في إيه؟ سوزي :مش عارفا فيه إيه اتاخرتي وأنا قلقت جدا عليكي! انا قولت خطفوكي !!!!! دنيا تحضنها وتطمنها :عارفه؟؟ أما أحكيلك تستغربي!! الدنيا بقت وحشة أوي غابه !! انا مش عارفا إيه دا عصابة ولا مافيا! مين دول !!و مين وراهم !!دول بيشتغلوا بشكل منظم جدا مش ب يسيبوا وراهم أثر !!ياترى مصريين دول ! مننا ومن دمنا! أعوذ بالله " إحساس ميت و قلوب ميتة !!وايدين باردة كبرود التلج!!وكملت تعرفي (وحكت لها كل اللي حصل و سوزي اتأذت أوي وخافت ,لأن مبقاش في أمان !!"""" وسألت نفسها ياترى : هو في إيه كل الضحايا دي أعضائهم بتروح فين ؟؟ معقول في عندنا كمية مرضى محتاجة نقل أعضاء بالكمية المهولة دي وهزت دماغها باستنكار!! ولا دا غزو من نوع جديد!قالوا مصر فيها كتير و كام مليون نسمه مايجراش حاجه لو خدنا منها شوية)!!!!!!!!!!!!!!!!!!!! ( تفتكروا ممكن؟ ليه لاء!! ولا الطمع والجشع خلى الأخ يقتل أخوه , والناس تتسعر أكتر وتتاجر حتى بالأعضاء البشرية !!!! بدون شفقه أو رحمه ومن غير ضمير يسأل أو يقول حرام قتل النفس التي حرم الله قتلها إلا بالحق!!!! ويقتلوا الفقير عشان الغني يعيش!!! ) وتمر الأيام وفي يوم في ملهى الساحرة كانت سوزي متألقة جدا , وكان رقصها أروع رقصه رقصتها بحياتها كأنها الأخيرة ""الله أعلم!""وشافها رجل أعمال وكان مفتون بيها جدا , وبعد مخلصت نمرتها ,شاور لها النادل على رجل الأعمال , عايزها تقعد معاه!!! غيرت ملابسها ولبست فستان شيك أوي أوي ,وقبل ماتخرج خدت شنتطها وحطت فيها أشيائها الخاصة ومن ضمنهم الموبيل ,,وخرجت من غرفتها وقبل ماتخرج للصالة افتكرت حاجه نسيتها؟؟!! رجعت للغرفةعشان تاخد اللي نسيته (وكان عبارة عن موبيل صغير وعانته في صدر الفستان من جوه !(والموبيل دا مشحون دايما وشيلاه عشان لو إتعرضت لأي خطر خاصتا إنها بتخرج مع زباين كتير بدون البودي جارد) وخرجت ............شاور لها كمال..................... راحت له ! و.... كمال : أهلا أهلا بنجمة النجوم ,إتفضلي سوزي تبتسم وتقعد: ميرسي , نتعرف كمال :انا كمال مليادير وحيد حزين عايزك تنوري حياتي سوزي بضحكه عالية :ايه دا ؟؟؟؟؟؟؟؟؟؟؟؟؟؟؟ كل دا!! كمال : بضحكه خفيفة ويقرب منها :وحياتك وأكتر من دا , بس توافقي , أه نسيت (ومد ايده في جيب الجاكت وطلع علبه صغيره وقالها) إتفضلي هديه بسيطة لبرنسس قلبي يا واجعة قلبي!!!!!!!!!!!!!! ويضحك سوزي( تضحك أوي, ) :سلامة قلبك (وتفتح العلبة ) : أُوف دا جميل اوي! كمال : أنا ولا الخاتم سوزي بضحكة : إنت يقلبي كمال : طب يلا بينا !!!!! سوزي :على فين ؟؟؟؟؟؟؟؟ كمال : عالجنه يا حياتي , هخليكي تقضي ليله عمرك ما شفتي زيها!!؟؟ سوزي تضحك أوي : شكلك شقي موووووووووت!!!!! كمال: شقاوتي مش على حد وجامد وحياتك!!!,,,,,,,,,,,,,,,,,يلا بينا؟ سوزي: يلا يا جامد, وشاورت ل دنيا بغمزه معناها روحي إنتي,,!!! وطلعت سوزي برفقة كمال وهو عمال يقولها نكت بايخه وهيه تضحك مجامله ................!! وشهقت أوي أما شافت عربيتة واااااااااااااااااو,,,,,,,,,,جامدا موت أحدث موديل!!! قالت فبالها لا بجد شكله غني أوي موت آخر حاجه! مش يتهبل ويجوزني يريحني من الشغل والقرف, ومن راجل لراجل !!!!!!!!! (مكنتش تعرف انه فعلا هايريحها والقدر هايقول كلمته بس مش قبل,,,, ماتشوف ليله تكفر عن كل ذنوبها اللي عملتها واللي كانت هتعملها !!!!!!!!!!!!!!!) ومشيوا كتير بالعربية وسوزي عادي جدا!! تضحك وتنكت لعند ماخدت بالها إنهم طالعين بره العمار ..........؟سألته : كمال إحنا رايحين فين؟ كمال: لا كدا أزعل !!!خليكي حبوبه كدا ومتسأليش !! وخليكي في الضحك والكلام الذيذ ! أما فين ومين وليه لااااااا !!سيبك من الحورات دي!! إتعدلت سوزي (طريقة رده قلقتها جدا ) : يعني إيه ؟؟؟؟ كمال (قال فباله شكلها هاتتعبني, مد ايدو في طابلوة العربية وطلع برفانه المميز وقالها) : شفتي البرفان دا من باريس وحياتك!! شميه وقولي؟؟؟ إيه رأيك؟؟؟؟ أخدته سوزي : لا بجد قولي رايح فين ؟ كمال :صدقيني على بيتي!!! وخلاص قربنا نوصل ......بس بجد قولي رأيك في البرفن؟؟!!! شمت سوزي,,,,, وبقت في خبر كان ,,,,, ووصل كمال لفيلا مهجورة في الهرم ودخل وركن العربية ونادى : نيكولاس .....نيكولاس (خرج واحد طويل أصلع ولابس روب أبيض, وراح على كمال بسرعة يساعده في سند سوزي ودخلوها بسرعة في غرفة وسابوها وخرجو! وقفل الباب ........... فاقت سوزي لقت نفسها نايمه على السرير وشنتطها جنبها والغرفة شكلها غريب جدا! قامت تتسحب ,تبص من خرم الباب بره صالة واسعة جدا ومافيهاش غير ترابيزه مدورة وخمس كراسي!! إستغربت أوي وقالت :هو في إيه ؟؟؟!!معقول يكون دا من مافيا سرقة الأعضاء!!(وهزت دماغها أوي إستنكار ) : لا مش معقول !! راحت فتحت الباب لقته مقفول بالمفتاح قلبها إتقبض أوي,,,,,,,,,,جريت على شنطتها تدور على الموبيل مالقيتوش !! قالت بس يبقى ظني في محله !! طب اعمل ايه ايه؟!!!!! تلف وتدور بسرعة, إفتكرت الموبيل الصغير اللي دايما بتشيلة في صدرها تحسبا لأي ظروف , وفعلا طلعته بسرعة واتصلت على بيتها ردت دنيا .........الو سوزي برعب :دنيا الحقيني اللي خرجت معاه شكله من المافيا إياها, لأنه حجزني بغرفة وقفل عليا وواخد موبيلي من الشنطة!! بلغي البوليس أرجوكي............... دنيا بانزعاج : ينهار اسود!! يالهوي إنتي فين؟؟؟ قوليلي بسرعة و انا ها بلغ البوليس سوزي تلطم وتوطي صوتها :أنا مش عارفا أنا فين ! بس شكله بيت في حته مقطوعة , مش ها عرف أوصفلك , لأنه خدرني وأنا في العربية!! أعمل إيه ؟؟ أنا خايفة أوي ومرعوبة مش عارفا أعمل إيه؟؟؟ رد عليها كمال اللي كان دخل وهيه مش حاسة : أقولك أنا تعملي إيه ؟ جه وقت المرح واللعب بأه ,(واخد منها الموبيل وكسره في الأرض وداس عليه ,ويسقف لها) : لا بجد برافو ! رقاصة ذكيه جدا!! كنتي مخبياه فين دا باه ؟؟؟؟؟ سوزي برعب ترجع لورا : إنت عايز مني إيه؟؟ كمال بضحكة عاليه جدا:قالها هتعرفي حالا!! تعالي متخافيش ...وخدها من إيدها و...........................................؟ تابعوها لأني هاحط باقيتها هنا .... ولو مالقتش تعليقات .... انتم حرين ....هنزل بردوا الباقي لأني مُصرة تعرفواااااااااااااااااااااااااا الحقيقة بقلم أسماء عبدالعزيز 
|
|
#2
February 8, 2010, 02:53 PM
|
||
|
|
||
|
رد: الأيدي البارده*2* صدقوني لازم تقروها معظم أحداثها حدثت حقيقي والله بجد تابعوها هنا
لي متابعه من الجزء الاول لكن لي راي اذا سمحتي ان اقوله  ليه مش تجزئي القصه يعني كل فتره قصيره بتنزلي جزء صغير حتي لا يشعر القارئ بالملل لكثره ما ورد من احداث وكمان كنوع من التشويق  هتابع الجزء الاول وارجع اقرا هذا الجزء
__________________
|
|
#3
February 8, 2010, 03:41 PM
|
||
|
|
||
|
رد: الأيدي البارده*2* صدقوني لازم تقروها معظم أحداثها حدثت حقيقي والله بجد تابعوها هنا
 نستيني نفسي واانا بقرأ الجزء التاني تعرفي يا اسماء اول ما قرات الجزء ده افتكرت البنت ايلي عمرها حوالي 25 سنه سنيده اهلها العجزة راحت مع والدتها المستشفي وبستاذنها واحده سنها كبير عشان تسندهل لحد الحمام ولان البنت ربنا مبارح فيها واخلاقها عاليه مرفضتش بس للاسف بتنده عليها امها المريضه ايلي ما لها سند الا بنتها ولم تجد الا صدي اختفت البنت واختفت السيده الكبيره السن ايلي طلبت المساعده اختفت البنت اقريبا كان بوقت خبر سرقه الاعضاء سبحان الله لتحيي روح تانيه محتاجه عضو لازم نموت روح تانيه بس بالغصب ونستبيح دماء حرمها ربنا حسابهم عند ربنا عسير متابعين بقيه القصه لا تتاخري
__________________
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصه واقعية مؤثرة جداً.. وهي عبره لكل معتبر، أترككم مع أحداثها، | ولد المحيط | النصح و التوعيه | 1 | March 19, 2010 03:00 PM |
| رواية الأيدي البارده.... ياترى خيال ولاّ واقع أليم... وحشه صح انا عارفه..هههه | اسماء عبدالعزيز | روايات و قصص منشورة ومنقولة | 8 | March 8, 2010 10:12 PM |
| كلمات رائعة والأروع أن تقرئها | tulib | علم البرمجة اللغوية والعصبية NLP وإدارة الذات | 2 | June 9, 2009 06:00 PM |
| هذه قصة حقيقية حدثت فعلاً في لندن أحداثها تقشعر لها الأبدان.. | ktaloni123 | روايات و قصص منشورة ومنقولة | 1 | March 5, 2009 08:10 PM |
العرض العادي
