|
شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
|
LinkBack | أدوات الموضوع | انواع عرض الموضوع |
#1
|
||
|
||
هذا تعريفي إلى كلمة : مُحَال شيء ودِّك فيه ولا يمكن يصير ..!
جاني واحد قال : بسأل كم سؤال
وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. بشطرٍ صغير قال نبدي : شنهو تعريف المُحال ..؟ قلت : خَل هالكلمه ف البيت الأخير ..! القهر : إن شفت دمعات الرجال و الوطن : ( إنسان ) .. مِتغيِّر كثير و الطفل : لعبه على شاطي الرمال و الأمل : إحساس في عين الضرير الوفا : [ قلبين ] .. يجمَعهُم حلال و الرَجُل : اللي على أهله يغير و الرجا : لا قلت : للواطي تعال و الفشل : مدري .. ولكنه مرير و الشعر : في وقتنا .. بدر و طلال زين أوَّل : حيل يعجبني جرير ..! و الغلا : إحساس إلى حَد الخيال و العِشِق : لا شفت مَعشُوقِك تطير و الجفا : إعكس مفاهيم / الوصال و الوَصِل : يعني تأكَّد فيك خير و العقل : تِسْفَه أقاويل الجهال و الجهل : إن قلت عن نفسك كبير و الخطر : لا صار ما عندك مجال و البلا : إن صرت معدوم الضمير و العجب : لا صرت تسأل منهو قال و التعب : إن كنت تِبْحَثْ عن مصير؟! الغنى : بالنفس ما هو راس مال و الفقر : من كان .. ب أعماله فقير يكفي يكفي .. أسئله إنهي الجدال وي الله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنه مِن جنوبك والشمال يعني وضعِك بين مِن حُولك خطير صاحبي وإن ضاقت بعينك ليال لك فرشت القلب مفروش الحرير في [ بلاد الحلم ] .. ممنوع العقال والمصيبه الشعب ما إختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شيء ودِّك فيه ولا يمكن يصير ..! اتمنى تنال اعجابكوم .. |
#2
|
||
|
||
رد: هذا تعريفي إلى كلمة : مُحَال شيء ودِّك فيه ولا يمكن يصير ..!
صباح الخير ...
جميلة جداً / الحوار فيها يقصد به ناحيتين ... كلمات رائعة جداً . سلمت يمينك على هذا الطرح ... دُمتِ بخير ... |
#3
|
||
|
||
رد: هذا تعريفي إلى كلمة : مُحَال شيء ودِّك فيه ولا يمكن يصير ..!
منور..
تسلم يمناك ع المرور..
__________________
|
مواقع النشر (المفضلة) |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
كيف يسير العالم؟ | اريج الزهوور | المواضيع العامه | 3 | November 21, 2009 07:53 PM |
كلمات واعظة ( لم أجد كلمة أفضل من كلمة تدخلك الجنة ).. | غًلطُْة زٍَمًآنْيَ.}..~ | النصح و التوعيه | 6 | August 12, 2009 02:31 AM |
أروع كلمة هي كلمة تستشعر من خلالها بأن روحك خاشعه | روعة الفجر | النصح و التوعيه | 10 | June 23, 2009 06:11 AM |
قول يصير .. ولا تخاف ... | TrNeDo | شعر و نثر | 2 | January 19, 2008 04:07 AM |