فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم October 2, 2007, 12:32 PM
 
من أجمل ما قرأت للمرحوم محمد الأحمد السديري

العنوان : الليل يا خالد
الشاعر : محمد الأحمد السديري ..

يقول :


إن صار زود المال بيدين الانذال=== حنّا من المعروف تندا يدينا



وان كانهم شرهوا على طيب الافعال===حنّا وردنا جمامها وارتوينا



وان فكّروا للجود يمشون رحّال===حنّا قبل يمشون يّمه خطينا



يا ما لبسنا للشرف كل سربال===وعلى البسيطة للفضيلة مشينا



في دوحة العربا لنا مجد وظلال===وحنّا على در المكارم غذينا



لو نجمع اللي فات منا من المال===إن كان شيدنا القصور وبنينا



نعطي ولا نتبع عطانا بالاقوال===ونبذل ونسكت كننا ما عطينا



وان باعوا الشيمة بدينار وريال===حنا دخلنا سوقها واشترينا



نطلع لها لو هي على روس الاقذال===لو هو عسير ٍ دربها ما انثنينا



بافعالنا نرسم دروب ٍ للاجيال===إلي نساها غيرنا ما نسينا



أسود سادات ٍ تسجل للاشبال===فضايل ٍ شمنا لها واهتدينا



بيض ٍ نسجلهن جديدات وسمال===حفايظ ٍ لاحفادنا اللاحقينا



نصبر على الشّدات لو شيلنا مال===لو سال دم دفوفنا ما شكينا



نخاف يلقى سدنا كل ختّال===ويبني هزيلات المعاني علينا



الليل يا خالد على والدك طال===وهنّيت ناس ٍ بالكرا نايمينا



يا عز راسي شفت ما خبث البال===شي ٍ يهوّل شيّب الجاهلينا



شي ٍ من اسبابه يشيب بالاطفال===فطّر خشوم مهجرعات الحنينا



أدير قالات ٍ عريضات وطوال===قالات خلنّ المخفىّ يبينا



منهن رزين العقل بالوقت يهتال===بوقت ٍ عبوس ٍ فطّن الغافلينا



وقت ٍ من اسبابه شكى كل ريبال===نصبر ونسكت كننا غايبينا



الناس بالأيام راحل ونّزال===تفجعهم الدنيا وهم دالهينا



وحيات رب ٍ نزل آيات الانفال===عالم خفايا نية الحاقدينا



ما اترك طريق العدل في كل الاحوال===لو يرحل المريخ للفرقدينا
__________________
استماع


اخالف العمر أراجع سالف اعوامي --- وانوّخ أركاب فكري عند داعيها
-----
JUST GETTING OLD

رد مع اقتباس
  #2  
قديم October 19, 2007, 03:52 PM
 
رد: من أجمل ما قرأت للمرحوم محمد الأحمد السديري


الله الله الله

ادباع في الانتقاء

والل ياخوي لو تعطينا اكثر من هالقصيد اكون لك من الشاكرين

======
دمتم
رد مع اقتباس
  #3  
قديم January 23, 2008, 08:19 PM
 
رد: من أجمل ما قرأت للمرحوم محمد الأحمد السديري

أبشر ..
ومن أروع ما سمعت أيضا ..واعتبرها أحدى نشيداتي الوطنيه في هذه الحياه
يقول من عدى

يقول من عدى على راس عالي *** رجم طويل يدهله كل قرناس
في راس مرجوم عسير المنالي *** يشتاق له مندق بالقلب هوجاس
قعدت في راسه وحيد لحالي *** والقلب في لجات الافكارغطاس
قعدت أعد ايامها والليالي *** دنيا تقلب ماعرفنا لها قياس
ياما هفت به من رجال مدالي *** ماكنهم ركبوا على قب الافراس
ولارددوا صم المك للتوالي *** ولاثار عج الخيل في كل مرواس
ولاقلطوهن للكمين الموالي *** ولاصار فوق ظهورهن شلع الانفاس
في حومة الهيجا لهن اجتوالي *** كل يبا من زاية الفعل نوماس
من بينهم عود الجنا والسلالي *** مثل البروق الليل الادماس
اقطعك دنيا مالها اول وتالي *** لو اضحكت تبكي وتوريك الاتعاس
يابجاد شب النار ودن الدلالي *** واكسر لنا يابجاد مايقعد الراس
فنجال يضيع ماتصور ببالي *** وروابع نضرب بها اخماس واسداس
لعل قصر مايجيله ضلالي *** ينهد من عالي مبانيه للساس
لاصار ماهو مدهل للرجال *** وملجا لمن هو يشكي الضيم والباس
بحسناك ما منشي حقوق الخيالي *** ياخالق اجناس ومفني اجناس
تجعل مقره دارس العهد بالي *** صحصاح دو خالي مابه اوناس
لاخاب ضنك بالرفيق الموالي *** مالك مشاريه على باقي الناس
وان ناشني من بعض الادنين صالي *** ماني عن الزلات مخبر وبلاس
كالعنبر الغالي بالاسواق غالي *** ولادرهم الفضيه على صفر ونحاس
اجزيه بالصدع جنوب وشمالي *** واتلى هوى قلبي اليا هب نسناس
المستريح اللي من المقل خالي *** ماهو ولجات الهواجيس غطاس
ماهو بمثلي مشكلاته جلالي *** عجزت اسجلها بحبر وقرطاس
حملي ثقيل وشلت حملي لحالي ** ونصبر على ضيم الليالي والاتعاس
برسي كما ترسي عوال الجبالي *** ماينهزع حيد عليه القدم داس
متى تربع دارنا والمفالي *** تخضر فياضه عقب ماهي بيباس
وتشوف فيها الديدحان متوالي *** مثل الرعاف بخصر مدقوق الالعاس
ينثر على البيداء سوات الزوالي *** يشرق حماره شرقة الصبغ بالكاس
__________________
استماع


اخالف العمر أراجع سالف اعوامي --- وانوّخ أركاب فكري عند داعيها
-----
JUST GETTING OLD

رد مع اقتباس
إضافة رد

مواقع النشر (المفضلة)

الكلمات الدلالية (Tags)
للمرحوم, أجمل, أحمد, المجلد, السديري, قرأت

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
أسئلة ؟؟؟؟.......سترتاح ....إذا قرأت أجوبتها عبد الله 77 المواضيع العامه 8 February 22, 2009 11:12 PM
احلى مسابيح الأحلى تماسيح TrNeDo مجلة الرجل 1 August 11, 2007 03:52 PM
مين تعرف الحليب المكثف المحلى hany_joma وصفات الحلويات والعصائر و الآيسكريم 2 April 14, 2007 03:53 AM


الساعة الآن 04:30 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر