فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 30, 2010, 10:33 AM
 
Love إعجآبي بذآتي ~

ما يملي عيون الرجال من الرجال الاّ الزحول
أبصم عليها بالعشر .. عن اقتناع وتجربه


واصدق احاديث الزمان تقوله كبار الفعول
ما هو حديث الألسنه لو وثّقته المكتبه !!


والمدح لا من قيل في رجل ٍ يقول ولا يطول
كنّه : مسبّه بطريقه راقيه ومهذبه !!


والقلب ضحكة صبح مترامي وبالحزن مغسول
تجمّع الأضداد في صورة جمال مرتبه !!


والشعر (فارس حلم) والفكره (حياويّه بتول)
وانا الذي يرسم تفاصيل (الزفاف) ويكتبه


ما جيت اروّج للهزل واحاور كفوف الخبول !
من باب كسب اعجاب ساذج من سذاجة معجبه !!


ولا جيت اقول ان التكبّر شرط تبرير الوصول
دام الوصول احيان ما يحتاج شعر وموهبه !!


لا والله الا جيت ابنشر فكر واخاطب عقول
لو اكثر اكثركم ( نمط تواجدي ) ما يعجبه

لو اكثر اكثركم ( نمط تواجدي ) ما يعجبه
لو اكثر اكثركم ( نمط تواجدي ) ما يعجبه

يكفيني اعجابي بذاتي روح وافكار وميول
وتفاخري لامن لقيت ان ( بيني وبيني ) شبه !!


ماني بنافس غير أنا !! واحساس في صدري يجول
احيان اقوله واكتبه واحيان يكفّي اشطبه !!


والبارحه مثل السنه .. تجارب ووقت وفصول
عطت ضميري من دروس الوقت مالم يطلبه


زلة خوي ّ .. وطعنة صحيب .. وتشمّت من عذول
ياااكبرها في حق من يفخر بفعله وشنبه


تطلّع الرجّال من طوره وتدخله الذهول
مابين يصدّق ما حصل !! أو ما حصل يكذّبه !!


لا بارك الله في النوايا البيض لاصارت تحول :
من دون عرفك صدق نيّة صاحبك ومذهبه


لكّن .. دامك محترف يا صاحبي دق الطبول !
حاول تلاقي لك مكان بخلف ظهر المطربه !!


ما عاد لك عندي .. مقام ولا ملام ولا قبول
وجّه على حظك (ركايب لوم نفسك) واندبه


ويا صوتي المبحوح .. ساعدني آباغني واقول :
شي ٍ وقف لي اسهله ! قدّام افكر باصعبه !


{.. الحب ..} .. هبّل في عقل قيس وترك قيس مهبول
وانا على حده سبب من مر قلبي وسلبه


الفارع اللي كنها مختاره من الطول .. طول!!
يلبق على رزة جسدها لا تحرك ( موّكبه ) !!


اليا مشت تنتابك الحيره .. ويذْبحك الفضول :
كن بعضها ماهوب وياها وكنها تسحبه !!


لبّا غنجها .. والكلام الذرب .. والطرف الخجول
اللي اليا سلهم عرفت ان المنيّه بسببه


وانا ( نحيل شعور ) لو ماكان في جسمي نحول
وآخاف يغلبني غرام عيونها ولا اغلبه


{.. والموت ..}.. ماهو من خسارة خافق الغروّ الجفول
{.. الموت ..}.. لامني دريت ان غيري يقدر يكسبه !



رد مع اقتباس
  #2  
قديم January 30, 2010, 11:06 AM
 
رد: إعجآبي بذآتي ~


{.. الحب ..} .. هبّل في عقل قيس وترك قيس مهبول
وانا على حده سبب من مر قلبي وسلبه


الفارع اللي كنها مختاره من الطول .. طول!!
يلبق على رزة جسدها لا تحرك ( موّكبه ) !!


الله يسلم ايديك عالقصيده الروعه..,’
__________________


snap plus android ios tech tweaks تحميل سناب بلس للاندرويد تحميل ايفون اندرويد العاب مهكرة برامج مكركة شرح jodel يودل بلس متجر الارنب tutuapp carcked app


\



شُوقْ وَ شِتا ..
بِ الله يا ذَا الحِزِنْ
قِلْ لي وشْ بقْا

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 11:44 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر