فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 20, 2009, 02:17 AM
 
Bat بتقولى خلاص راح توحَشنى **دويتو بين صلاح الطائر وألحان الغروب

بتقولى خلاص راح توحَشنى
ولا قادره أبداً تنسانى
من غير ما تُقصُد تجرحنى
وتقول سامحنى اغفرهالى
ما كفايه غرامِك لَوَعنى
ولا عارف أيه راح يجرالى


ما تقولى طب ليه بايعنى
ولا حاسس أبداً بحنانى
ده بعادك كده حايضَيَعنى
إسمعنى طَيب لثوانى
وكفايه غرامك لَوَعنى
ولا عارفه أيه راح يجرالى


من كُتر الحُب اللى ف قلبى
دَوبنى الشوق على حِرمانى
مش بايعِك لو حتى بعُمرى
بس انتى تَمَلى مِعاندانى
وكفايه غرامِك لَوَعنى
ولا عارف أيه راح يجرالى


ده معاك الحُزن وَدَعنى
ومُنايا ولا يرجع تانى
ليه عايز وبدون مَعنى
أرجع وأعيش أحزانى
ما كفايه غرامك لَوَعنى
ولا عارفه أيه راح يجرالى

مش بالومِك والا اعاتبِك
ع الغرام اللى رَمانى
أنا بس عايز اقولِك
ليه نآسى ليه نِعانى
وكفايه غرامِك لَوَعنى
ولا عارف أيه راح يجرالى

قول يا قلبى قول يا عُمرى
سَمَعنى أحلى الأغانى
خلى شوقَك يوصل لقَمرى
لو فى قلبَك شوق عَشَانى
وكفايه غرامك لَوَعنى
ولا عارفه أيه راح يجرالى

حاقولِك أيه وانتى ف سَهَرى
النجمه اللى هناك فى العالى
بَعد كلامِك تبقى يا قَدَرى
حُبى وروحى وكُل كَيانى
وكفايه غرامِك لَوَعنى
ولا عارف أيه راح يجرالى

خَلى قَلبك جوه قلبى
قَوينى بحُبك يا غالى
ولا يوم تبعد عنى
مين فى بُعدَك راح يبقالى
وكفايه غرامك لَوَعنى
ولا عارفه أيه راح يجرالى

تعالى نمسح أى ذكرى
شَوهِت أحلى المعانى
مِدى أيدِك لاجل بُكره
وأقطُفى قلبى وحنانى
وكفايه غرامِك لَوَعنى
ولا عارف أيه راح يجرالى

أختَرت قلبَك من قلوب
ولا غير غرامك يحلالى
ولا عُمرى منه راح أتوب
مهما تعَذبنى الليالى
وكفايه غرامك لَوَعنى
ولا عارفه أيه راح يجرالى

مع تحيات
allhan elghorob
salaheltair
__________________
مع تحيات
الشاعرى
صلاح الطائر


salaheltair
هنا مدونتى

رد مع اقتباس
  #2  
قديم March 20, 2009, 02:27 AM
 
رد: بتقولى خلاص راح توحَشنى **دويتو بين صلاح الطائر وألحان الغروب

من الطبيعى يكون دويتو رهييييييييييييييييييييييييييب لانه جمع بين اتنين من احسن الشعراء تسلم ايديكم جدااااااااااااااااااااااااا واكيد احتاج مجهود كبير منكم منتظرين دويتهوات تانيه منكم لان بجد جميله جدا عايزين غير الزجل بقى لانى واثقه انه هيبقى احسن واحسن
رد مع اقتباس
  #3  
قديم March 20, 2009, 06:35 AM
 
رد: بتقولى خلاص راح توحَشنى **دويتو بين صلاح الطائر وألحان الغروب

لالحان الغروب

وصلاح الطائر

صنعتوا لوحة فنية جميله

بخطوط قلمكم لتظهر بهذا

الجمال والروعة

دمتم بخير دوماً

__________________



رد مع اقتباس
إضافة رد

مواقع النشر (المفضلة)

الكلمات الدلالية (Tags)
الغروب, الطائر, بتقولى, توحَشنى, حماس, دويتو, راى, صلاح, ومليان

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الطائر الجريح .,.صديقة الحرف.,. كلام من القلب للقلب 11 March 20, 2009 09:45 PM
الطائر الجريح محمد بندق الترحيب بالاعضاء الجدد ومناسبات أصدقاء المجلة 1 October 9, 2008 07:04 AM
قناع يخلى وجهك احلى من القمر ومليان فى يومين بس؟؟؟ sma_115 مجلة العناية بالبشرة 9 August 22, 2008 08:36 AM
السرير الطائر ..حلم اصبح حقيقه.. ஐஐغدير القمرஐஐ الفنون الجميله 4 November 15, 2007 02:17 AM


الساعة الآن 09:32 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر