فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم December 11, 2009, 01:42 PM
 
Thumbs Up احمد صلاح محمود يكتب ان كنت بتحبها اسمح لى اصدمك

ان كنت بتحبها اسمح لى اصدمك
جميل ان تعشق رائع ان تحب هائل ان تشعر بقلبك وهو يدق لأول مرة بطريقة مختلفة ان تشعر بأنك تريد ان تفعل ألف شئ مرة واحدة ان تدعى قدرتك على صنع المستحيل وتحقيق المعجزات بنفس السهولة التى تحتسى بها قهوة الصباح هكذا هو الحب لحظات من الرقى والابداع والقدرة الفائقة على تقبل الحياة بكل ما فيها من معوقات وكل ما فى احشائها من ألم
لكنك حين تحب تنسى كل هذا لا تراه حتى لو كان امامك لأنك فى هذه اللحظة لا ترى فى المدى كله الا هى الا عينيها الا ابتسامتها الا تلك اللحظة التى كنت مذبوحاً فيها من الخجل وانت تنطق اهم اربعة حروف ( ب ح ب ك ) بحبك
ها انت نطقتها واحسست بلذتها وجمالها
ها انت تتوج البنت التى احببت اميرة على قلبك
وملكة على ايام عمرك
وسلطانة لمشاعرك
ها انت تريد ان تقول لكل العالم انا احب وهذه البنت الجميلة جدا حبيبتى
ها انت تريد ان تعلى صوتك اكثر واكثر لتسمعها لنجمات السماء البعيدة وللسحابات الصغيرة المسافرة الى كل بلاد الله
ها انت تطلب من ماء النيل ان يحفظ تلك اللحظة التاريخية فى ذاكرته ولا ينساها ابدا وان يحكيها لكل العشاق الذين سيطرقون ابواب ضفافه فى المستقبل
ها انت تطلب من كتاب العشق ان يفتح صفحاته كى توقعان فيها بالأسماء الكاملة وليس فقط بالأحرف الاولى وهل تكفينا الأحرف الاولى ؟
هل تستطيع ان تعبر عن ما فى قلبينا من حب ؟
يا الله
اشكرك لأنك خلقت الحب
اشكرك لأنك ادخلتنا مدنه
اشكرك لأنك منحتنا هذه الفرحة
اشكرك لأنك خلقتنا لبعض
*************************
مش ده اللى حسيت بيه لما حبيت اول مرة وفكرت نفسك فريد زمانك وسلطان عصرك وبرنس وقتك ومفيش حد فى الكون زيك ولا فى انسان مشى على كوبرى قصر النيل مشى ماسك ايدين حبيبته قبلك وطول النهار مقضيها مع الامورة حب وهيام ومشاعر طيب ممكن اصدمك تانى على اساس انى صدمتك قبل كده من ثوانى من سطرين بس لما اخدت حضرتك دون انذار من الفصحى الجميلة للعامية الشقية
ممكن اقولك طيب وبعدين عرفنا انك بتحبها وهى بتحبك
طيب وبعد كده ما هو مش معقول ولا مقبول تفضل كده
لازم تاخد خطوة ايجابية بمعنى التعبير عن الحب جميل ورائع ومطلوب هو صحيح غير مكلف وغير متعب تخيل واحد طول النهار قاعد يقول بحبك وما ليش غيرك وعايش عشانك بذمتك ممكن يتعب من ايه بالكتير ممكن ريقه ينشف من كتر الكلام
لكن فكر يشتغل فكر يجيب قرش فكر يثبت ذاته فكر يكتشف رجولته الحقيقية على اساس ان الرجولة مش انك تعمل سبع وانت ماشى معاها فى الشارع وتقول خناقة يارب طيب خلى واحد امه داعيه عليه يعا كسك وشوفى انا ها اعمل ايه
لا يا معلم اسمح لى مش دى الرجولة
الرجولة
الرجولة اللى على حق يعنى صاحى حضرتك معاى
انك تجعل هذا الحب يعيش انك تجتهد وتبذل اقصى ما لديك عشان تفضل هى طول العمر معاك
اتذكر زميلين لى فى الجامعة
الاول كان طالب فى صيدلة وكان يخلص محاضرات ويطلع جرى يشتغل فى صيدلية وردية 6 ساعات عشان يتعلم وبرضه يكسب قرش عشان كان بيحب بجد
والتانى كان فى تجارة وكان شاطر جدا اشتغل عشرين شغلانه ايه المانع مادام شغل محترم وبيكسب خبرات مختلفة فى مجالات كتير
وطبعا الزميلين دول لم يعرفا طوال سنوات الدراسة معنى لكلمة اجازة كانوا مخططين لحياتهم صح عشان كده نجح كل واحد فيهم فى انه يفوز بحبيبته فى الاخر ودى هى الرجولة
الرجولة المعجونة بالعرق والتعب ويعيشان الان فى سعادة وفرحة مع من احبوا لأنهم احبوا بصدق ودفعوا تمن وضريبة هذا الحب
واعرف برضه عشرات من الخائبين ممن اضاعوا اوقاتهم فى دائرة الوهم والكلام دون ان يبذلوا اى محاولة لترجمة كلمة الحب الى اى فعل حقيقى كى تعيش وتبقى
من الاخر
من الاخر خالص
عشان شكلى طولت وفى ناس بدأت تبص فى الساعة
لو بتحب اجتهد واشتغل حتى تنال حلمك
لكن لو حضرتك ناوى تعيش فى عالم الخيال والكلام يبقى ده مش حب يبقى بتكدب على روحك وعليها وبتجرح وبتظلم البنت اللى صدقت جنابك وهى لن تنسى لك جرحك طول العمر وعلى قدر ما اعطتك من حب ورفعتك عالياً على قدر ما ستسقطك من ذاكرة ايامها لأنك لا تستحق
اختار طريقك
اختار وكفايه كلام
اختار الأن
اجتهد انزل من سماوات خيالك الى ارض الواقع
حبيبتك هنا انسانة من لحم ودم وبراءة وامل
وليست عروس البحر تسكن معها فقط فى مدن الاحلام
واعتقد انها لا تستحق ابدا بعد كل هذا الحب ان تجرحها
اعتقد انها تستحق ان تفرح
تفرح بجد
تفرح بالفعل مش بالكلام
لكن لو كنت ناوى تقضيها كلام ومفيش فايدة ومش ناوى تسيب طريق الاحلام
ف ياريت تسيب بنات الناس فى حالها
واحلم لوحدك 000 مع نفسك 0000 فى اى حته تانية 0000بعيد
ده لو عندك دم
بقلم
احمد صلاح محمود
رد مع اقتباس
  #2  
قديم December 11, 2009, 05:57 PM
 
رد: احمد صلاح محمود يكتب ان كنت بتحبها اسمح لى اصدمك

عزيزى احمد صلاح

ارى ان ما ورد فى كلماتك هو اشارة الى ان ينتبه كل من سولت له نفسه بالحب الاول

قصدت فيما بين سطورك ان تقول له ليس الحب على هذا النحو ولكنه اسمى واعظم

ولابد لك ان تضع الامور فى نصابها وتكلل ذلك الحب بالفعل الحقيقى الذى يجب ان

تكون علية رجولتك حين ذاك

ولكن اسمحلى انا اختلف معك فى امر بسيط وارجو ان يتسع صدرك الكريم

الحب الاول

هو تجربة اعتقد ان كل من يقع بها لم يحظى بفرح كبير ولن ينتهى فرحه بسعادة ابدية

هو بمثابة 1 2 3 او ا ب ت

يعنى تجربة نتعلم منها جميعا اننا نملك احاسيس ومشاعر اخرى على غير المعتادة

فالحب الاول يجعلك تشعر بما لم تشعر به طوال حياتك السابقة

ويخرج من جذور اعماقق حس لم يخرج من زى قبل

هذا هو الحب الاول يعرفك على نفسك الجديدة

لكنه عزيزى لا يملك القدرة على الوعود والالتزام بها فأنت ما زلت لا تعرف نفسك

فلا مجال ان نطلب من كل من يحب لاول مرة ان يلتزم بقوانين الحب

لان الامر اساسا نسبى وغير مكتمل وشخصك الضعيف مجازا غير مكتمل النضوج كى يستطيع ان يحقق ما طلبته منه

.........................................


فقط نحتاج الى الحب الاول كى يعلمنا ويرشدنا ويضع بذرة النمو العقلى والتى نحصد زرعها فيما هو ات

ولا اتخيل وبل اتحدى ان هناك من اكمل حياته مع حبه الاول

هذا فقط فى تصورى النابع من شخصى الضعيف

تقبل كلماتى ومرورى

ولك كل تحية وتقدير
__________________
DON’T MISS A WORD
رد مع اقتباس
  #3  
قديم December 13, 2009, 04:38 PM
 
رد: احمد صلاح محمود يكتب ان كنت بتحبها اسمح لى اصدمك

أعتقد الأخ صلاح لا يتحدث عن الحب الأول

أيام الصبا والمراهقة

فقد قرات له موضوعا يتحدث فيه عن الحب الأول

أرى كلامه هُنا منطقيا ويتعدى كلامه فترة الصبا والمراهقة

هناك الكثير من الشباب من يصنع من حبه لفتاة أسطورة بعد أن نضج وعيه وفكره وفي سن يتعدى المراهقة

وعند وضع النقاط ينسحب كونه غير قادر حاليا على فعل شيء

( أقول كم ا قال الأخ أحمد من الأولى لك أن لا تؤذي من أحببت لو كان عندك دم )

مشكور على أراك وفكرك قرأت لك اكثر من موضوع أقرب الى المقالات والنصائح
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


رد مع اقتباس
إضافة رد

مواقع النشر (المفضلة)

الكلمات الدلالية (Tags)
ده، لو ،عندك ،دم

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ما عاد يهمنى الحنين بقلم احمد صلاح محمود احمد صلاح محمود شعر و نثر 2 November 9, 2010 03:33 PM
احمد صلاح محمود يكتب خانتك ايه هى تعرفك اساساً احمد صلاح محمود شعر و نثر 2 December 11, 2009 03:25 AM
يدعى انه يحبها تدعى انها تكرهه بقلم احمد صلاح محمود احمد صلاح محمود شعر و نثر 2 December 7, 2009 03:47 PM
الحب وانت طالب غير وانت موظف بقلم احمد صلاح محمود احمد صلاح محمود مقالات حادّه , مواضيع نقاش 2 December 5, 2009 03:37 PM
فالح تحب وخلاص بقلم احمد صلاح محمود احمد صلاح محمود شعر و نثر 1 December 4, 2009 04:28 AM


الساعة الآن 04:53 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر