فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم December 10, 2009, 07:12 PM
 
آه يابنت المحاااااارة

منظر طفله بريئة سنها مابين الرابعة والخامسة أخرجت وهي جثة هامده من تحت الركام يكسو جسدها الطري والبريئ طين ووحل المطر وآثارالسيول.
في مشهد مروع من مشاهد كارثة جده المنكوبة أحزنني ذلك المشهد فرق قلبي ودمعت عيني وتذكرت خلال المشهد زهرةصغيرة خلفي، أناديها ( وعد ) وهي تناديني ( أبي ) تنتظر قدومي كل يوم ، وحير فكرها طول الإنتظار. وأناكذلك قد حيرني وحيرفكري طول الإنتظار .

فسرح بي هاجس الفكر ونسج هذه الخواطر التي بين أيديكم .

اسميتها ( بنت المحارة )

ياعروس البحر يادنيا الحضارة
يادلع ياغير يافن العبارة
آه يارمز التجارة
آه يافن العمارة
وش جرى لك؟ خبريني؟
طمنيني. ؟ كلميني؟
هو صدق ماجاك يابنت المحارة؟
معقول صرتي ضحية؟
في عيد الضحية؟
ياترى وش هذي الردية؟
وإنتي في دولة غنية؟
ليه عود شموخك بنكساره؟
ليه كبريائك حول عن مداره؟
واتجهلك سيل جرك في مساره!
ياغمامة صادرت كل ابتسامة!
ياسحابة حولت بيتي خرابه!
ياديمة رقيقة خلت الطفلة يتيمة!
ياركام خلف أنواع الحطام!
ياقزع خلف أنواع الفزع!
يارعد منه فز قلبي وإرتعد!
ياترى وين أرباب الإدارة؟
ماقدر واحد يتخذ منهم قراره!
أويفكر كيف تقليل الخسارة؟
قبل مايهطل مطرنا في غزاره!
أظنه وقتها منشغل كيف يوصل للوزارة؟ أو يفكر في السهر؟
( أعذروني )
وأوكار الدعارة
أو ملتهي بالكاس
أو يشعل سيجاره
ياترى وين مسؤل الرقابة؟
شاطر ينزوي ويصك بابة!
يسمع الحان الكمنجه والربابه!
همه الشاغل كم يدخل في حسابه؟
تدرون ليش؟ لأنه في جده
أم الرخا والشده!
واكيد مافيه أحد قده!
لاعمه ولاخاله ولاجده!
صحيح ياجده أنتي غير!
وأنا غير! والناس غير!
وانتي حتى في جو المطر غير
آه لوتدرين كيف طحتي في البلية؟
آه لوتدرين كيف طحتي في الرزيه؟
آه لوتدرين كم دفنتي من طفولة؟
آه لوتدرين كم سحقتي من رجوله؟
آه لوتدرين كم خذيتي من حموله؟
اه لوتدرين كيف ضاعت
فرحة العيد السعيد؟
آه لوتدرين كيف
مزقنا الثوب الجديد؟
آه لوتدرين كم عروس
فارقت أحلى عريس؟
وأصبحت حيرى ومنظرها تعيس
مايعوض فراقه عندها
أغلى نفيس؟
آه لوتدرين وش حصل يوم الربوع ؟
آه لوتدرين كيف إنطفت تلك الشموع؟
آه لوتدرين كم وكم سالت من دموع؟
إعذريني مابقي عندي سؤال!
كل شي فاق حد الإحتمال!
وإنتهى صبري وقفلت المقال!
لكن قبل ماشد الرحال!
أستأذنك أعطيني مجال؟
تدرين وش هي أسباب الخسارة؟
تدرين من لبسك عباية مستعارة؟
وإختفى خلف الستارة؟
ذاك شخص ماعنده ضمير!
باع دينه وأشترى شي حقير!
كل حلمه كيف ياكل له فطير؟
على قول المثل بعدها روح وطير؟
نمتي ياجده وتحسبين الدنيا أمان!
ولاحسبتي كيف غدرات الزمان؟
ومن سباتك صحيتي على أكبر خيانه!
والسبب ذاك معدوم الديانة!
يوم حطو له أمانه!
إكتشفتي كيف فرط في الأمانه؟
وإكتشفتي شخص عابث ولاقدر مكانه!
شخص ماواكب زمانه!
يجهل أبسط أبجديات الصيانة!
ياعروس البحر أنتي ماعندك خطية!
لأنك فعلا في دولة غنية
وأبومتعب تريه لامثالك حميه
أعطاك وأجزل في العطيه
إنتي ضحية سوء تخطيط وإداره
إنتي ضحية نهب يسمونه شطاره
سامحيني ياعروس البحر في جملة بياني
مابقي لي شي أخفيه في داخل جناني
وإعذريني لو كسر عظمك لساني؟
لانك أنتي شي من عالم كياني
والف لاباس ياعروس البحر يابنت المحاره!

بقلمي المتواضع
التوقيع / عبدالله بن محمد البارقي
رد مع اقتباس
  #2  
قديم December 10, 2009, 07:23 PM
 
رد: آه يابنت المحاااااارة

بداية سلمت يداك

كلماتك كُتبت بوجع

لن يشعر به حقا الأ من يعرف جدةحق المعرفة

وحيث أني أسكن بها

حزينة جدا لما حدث

ومن يرى الكارثة بعينها

يسوءه المنظر تدمع عينه

رحمها الله هذه الصغيرة واعان أهالي جدة على ما حل بهم

نورت مجلتنا أخي الكريم

الوردة الندية
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


رد مع اقتباس
  #3  
قديم December 10, 2009, 07:24 PM
 
رد: آه يابنت المحاااااارة




لا أدري ان كنت تقصد هذه الطفلة أم غيرها

رحمها الله

ورحم أهلها أن كانوا هلكوا معها

وصبرهم إذا هم على قيد الحياة وأعانهم
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
==يابنت تغطي هذا سعودي؟؟؟؟؟؟؟؟== الولد الأنيق المواضيع العامه 4 June 25, 2010 08:28 PM
يابنت توك صغيره القرش22 شعر و نثر 2 August 3, 2009 08:43 PM
عيب عليك يابنت عآشقه طآغيه روايات و قصص منشورة ومنقولة 2 April 10, 2009 06:03 PM
يابنت انا قلبي.... @نصراويه حدي@ شعر و نثر 5 June 7, 2008 02:56 PM
يابنت ......!! الملك الظليل شعر و نثر 12 February 24, 2008 10:03 PM


الساعة الآن 10:56 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر