فيسبوك تويتر RSS


  #1  
قديم December 5, 2009, 07:58 PM
 
طريقة عمل الكرشة والممبار بالصور

طريقة عمل الكرشة والممبار بالصور






السلام عليكم ورحمه الله وبركاته طبعا انا عارفه ان الموضوع ممكن يكون غريب وبعضكو هيقول يعععع واععع ملقتش غير الموضوع ده بس انا حبيت اخليكو ستات بيوت شاطره وتعرف تعمل الكفت والكفت مش الكفته هههههههه المهم سبيكو من الرغي انا هنزلكو الصور الاول وبعدين اشرح الصور اللي طلعت عييييييينننننننننيييييييوا لله لو احبطوني زي المحشي وماردتوش هعيط وازعل منكوالطريقه :
اولا نجيب الممبار وحاولي يكون صابح يعني تكون الذبيحه لسه مدبوحه واسالي الجزار بتاعك اكييد هيقولك المهم هتجبيه وتروحي عند الحنفيه زي ماهو في الصور وتمسكيه بصبوعينك زي ما انا موضحه وتقلبيه كانك بتحشيه بنفسه وده باين من الصور عشان الاحشاء لازم تتنضف من جوه كويس لان الارف بيبقي فيها كله ايه اللي انا بقوله ده قرفتو طبعا ما علينا يعني انتو مبتكلوش طيب علي الاقل العجل مبيعيش 50 و60 سنه شوفو احنا بقي ماسرنا شكلها ايه وبالمناسبه فكروني اقولكم علي مفاجاه في اخر الموضوع المهم هتقلبيه كله وهتنقعيه في ملح خشن وخل تقريبا نصف كوب خل وبكف ايديك خدي ملح وحطيه عليه بعد نصف ساعه اشطفيه بالميه وهتحسي الفرق ولسه معملتيش حاجه بعد كده هتجيبي سكينه وتبتدي تكحتيه زي ما انا وضحت في الصوره متخفيش مش هيتقطع بس نزلي السواد اللي فيه علي اد ما تقدري وبعدين اشطفيه تاني بالميه وبعدين حطيله دقيق زي ما موضح بالصوره وسبيه 10 دقايق وادعكيه كويس وانت بتغسليه من الدقيق وبعدين حطي الفتحه اللي فوق في حنفيه الميه كانك بتحطي خرطوم الميه وامسكي بيه من تحت سديه يعني هتشوفي اذا كان في حاجات بينه عليه وانا في الصوره كان لسه فيه حاجات وشلتها بايدي وانا بغسله وبعدين هتقلبيه علي الناحيه اللي فيها الدهون تاني في ناس بتحب تحشيه علي كده بس انا حاشي وكلا ايه الارف ده ومتشليش الدهون هي هتسيح وانت بتسلقيه لوحدها نيجي للحشوه هاه زي حشوه المحشي اللي معبرتونيش فيهمآا علينا هسمحكوا المره دي 4 بصلات كبار معاهم 4 فصوص توم كبار نفرمهم ونحط عليهم زيت في طاسه ونحمرهم وبعدين نقطع عليهم قرن فلفل حار ونحط علبه صلصه ورق او 3 ملاعق صلصه كبار وماء حوالي 2 كوب 2مكعب ماجي بهارات(ملح كتيييير-فلفل اسود كتييير-كمون-كسبره ناشفه -بابريكا اي بهار عندك هيل مطحون حبه صغييريين-)كفايه كده وبعدين تسبيها تتسبك تكوني انت في الوقت ده قطعتي الخضر (الشبت -البقدونس-الكسبره)نصف حزمه من كل واحده وغسلتي الارز علي فكره كل كيلو ممبار بياخد كيلو ارز مصري وبعد ما تتسبك الصلصه حطيهم عليها بعد ماتبرد ويصفوا ميتهم وطبعا اغسلي الخضره كويس ونبتدي نحشي هتمسكي بايد زي ما انا موضحه بالصور وهتحطي بايدك التانيه ومتمليهاش اوي عشان متفرقعش لما تسلقيها سيبي فراغ في كل طرف وبططيه بايديك كده ومتقفليش الحروف هو لما يتسلق هيقفل لوحده وانت بتحشيه تكوني حطه حله فيها ميه لحد نصها وبصله وملح و اول ما تغلي الميه تكوني خلصتي الحشو تحطيه ومتخفيش وحطي كميه كبيره انا حطيتهم كلهم وسيبيه 20 دقيقه وطلعيه بعد كده ونضفيه هيكون في ارز زياده وحمريه في زيت غزير وبالهنا والشفا
__________________
لا أستطيع الرد على الرسائل الخاصة لان المشاركات قليلة
رد مع اقتباس
  #2  
قديم December 9, 2009, 06:52 AM
 
رد: طريقة عمل الكرشة والممبار بالصور

الله يعطيك العافية

لك تحياتي وتشكراتي
__________________
استغفر الله الذي لآ إله الإ هو الحي القيوم وأتوب إليه
رد مع اقتباس
  #3  
قديم December 9, 2009, 01:27 PM
 
رد: طريقة عمل الكرشة والممبار بالصور

الله يعطيييك العاااافية
لاهنت

..
__________________
هشَّةۃ بآليةۃ ..
ذاتَ ملآمِح بآهتةۃ .
حيثُ الشَّتآتِ أقَّطُن .. !
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حلى سفرة فخم بالصور،حلى عشاء جديد بالصور،طريقة عمل حلى سفره روعه وشهي بالصور AHD Ashour وصفات الحلويات والعصائر و الآيسكريم 4 August 14, 2011 12:04 AM
طريقة وضع مكياج بسيط ورائع بالصور التوضيحيه , وضع المكياج بالصور المتحركة AHD Ashour مجلة المكياج والعطور 7 July 5, 2011 04:38 PM
طريقة عمل حلويات ،طريقة عمل حلويات بالصور،اشهى الحلويات بالصور AHD Ashour وصفات الحلويات والعصائر و الآيسكريم 6 May 3, 2011 11:27 AM
طريقة ازالة شعر الوجه بالصور , طريقة سهلة ورائعة AHD Ashour مجلة العناية بالبشرة 14 September 28, 2010 04:27 AM
طريقة عمل الكرشة بالحمص والطماطم بالصور من وصفات واطباق الشيف اسامة السيد AHD Ashour وصفات الطبخ 2 December 9, 2009 01:28 PM


الساعة الآن 02:43 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر