فيسبوك تويتر RSS


  #1  
قديم December 4, 2009, 10:02 PM
 
الحب وانت طالب غير وانت موظف بقلم احمد صلاح محمود

الحب وانت طالب غير وانت موظف
كلنا جربنا الحب ايام الجامعة ايام الصبا والشباب ايام كنا نعيش فيها الحياة بصدر مفتوح وذهن خالى من المشاكل ورغبة فى المرح لا تنتهى ولا تنقطع كان الحب ايامها لذيذ وسهل كان القلب اخضر برئ كان مفتوح للحياة والنور والشمس مرحلة من اهم مراحل العمر واجملها مرحلة مستحيل ان تسقط ابداً من الذاكرة وكيف لها ان تسقط ؟
لكن مش كلنا جربنا حب الموظفين حب الناس العاقلة التعبانة اللى بتاكلها بعرق الجبين وتجيب القرش بالعافية عشان كده قررت اقدم لكم الموضوع ده الفرق بين حب الطلبة وحب الموظفين اتفضلوا الف هنا وشفا
وانت طال كنت بتقابل حبيبتك وقت ما انت عاوز ما هى معاك فى الجامعة وطبعا لازم تشوفها حتى لو جدول المحاضرات يومين فى الاسبوع احنا بقدرة قادر بنخليه الاسبوع كله ونبقى عاوزين نفتح الجامعة يوم الجمعة كمان
اما الموظف يقابل حبيبته اللى هى 99% خطيبته لو شغلهم جنب بعض خمس دقايق على الواقف ويمكن يروحوا مع بعض لو طريقهم واحد وطبعا الكلام ده لو مواعيد الشغل واحدة ومفيش شغل تانى او اوفر تايم ولو فى كلام مهم يتم تأجياه ليوم الجمعة اجازة وفى وقت
وانت طالب كل يوم والتانى خروج وفسح وكوفى شوب والفلوس سهلة ولذيذة ربنا يخلى الحاج وكل يوم حجة جديدة مرة فلوس مذكرات ومرة كورس و طبعا الكتاب ابو 20 يبقى 50 متعرفش ازاى بس يعنى هتصرف على حبيبة القلب منين وانت راسم عليها دور ابو الكرم
وانت موظف مفيش الكلام ده خالص والو فى خروج يبقى نتمشى على الكورنيش او حديقة عامة وهو المشى ببلاش ولو حكمت قوى يعنى يبقى اى كافيتريا اسعارها حنينة واللى يتوفر ينفع قدام واحنا بنجهز ومشوارنا طويل
وانت طالب كل يوم رسايل ومكالمات وحنفية حب مفتوحة وانت موظف هى تبعت لك كلمنى شكرا ترد عليها سلفيني ارجوكى وفى الغالب يتم الاتفاق على رنات يفهم منها المطلوب
وانت طالب بتحضر لعيد الحب قبلها بشهرين الهدية و برنامج الخروج والورد الاحمر
وانت موظف تدعي اصابتك بدور برد وممكن ترسل لها رسالة تقول فيها كل عام وانتم بخير
والكلام ده لو افتكرت اساسا احنا خلاص كبرنا على الحاجات دى
وانت طال تقعد تغنى على حبيبتك وهى تغنى عليك كلام حب وغرام وسمعتى اخر كليب نزل تقولك هى شفت انت فيلم امبارح
وانت موظف بتكلم مع حبيبتك فى اسعار الاجهزة الكهربائية وفلوس السيراميك و ورق الحائط هو فى لسه ورق حائط
وانت طالب كل يوم تطلعوا مع الشلة رحلة شكل عاوزين نروح القناطر ترد عليك الفيوم اليومين دول حكاية
وانت موظف الرحلة الوحيدة اللى بتطلعها انت وهى بتكون رحلة العمر الى دمياط عشان الموبيليا وبتكون فى عربية نص نقل كمان
كفاية بقى اصل دموعى نزلت

بقلم / احمد صلاح محمود
رد مع اقتباس
  #2  
قديم December 5, 2009, 12:56 AM
 
رد: الحب وانت طالب غير وانت موظف بقلم احمد صلاح محمود

كلامك اخوي ينطبق على أغلب الشباب..

مع احترامي لكل شباب المنتدى
(عشان محد يزعل)

تلقا الشاب مرة يتعذر بالشغل..

ومرة بقول مضغوط..

ومرة مو نايم عدل..

وياكثر الأعذار..

وإذا خلصت أعذاره يقول: حركات صغار..أحنا كبرنا..

بس أحنا البنوتات..

لما نحب ونتعلق بشخص..

مانتغير حتى لو انشغلنا بالوظيفة..

لأن الحب عادةً عند البنت غاية..وعند الشاب وسيلة..


تسلم اخوي على الموضوع..
تقبل مروري
رد مع اقتباس
  #3  
قديم December 5, 2009, 03:37 PM
 
رد: الحب وانت طالب غير وانت موظف بقلم احمد صلاح محمود

برأي الموضوع المطروح

بحاجة الى نقله لقسم النقاش

أشكر لك مشاركتك

ينقل لقسم النقاشات
__________________
آه كم أعشق نفسي
حيث أنت فيها
أنت فيها حين أغفو
حين أصحو حين أمسي
أنت لحني حين أشدو
أنت في فكري وحسي
ملأُ هذا الكون حبي
وهو أورادي وأُنسي
وهو ينمو وغدا أكثر من يومي وأمسي
وأنا وأنت ضياء سارح
شلال شمسٍ
في المدىيسري
يا حياتي أنت مني جوهر يوقدحسي
أنت نفسي

*₪ Ξ وردة نديةΞ ₪

لكل من اشتاق للمرآة المعطاءة (تاما هوم)
امراة من زمن الحب


رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحب، وانت، طالب، غير، وانت، موظف

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
ما عاد يهمنى الحنين بقلم احمد صلاح محمود احمد صلاح محمود شعر و نثر 2 November 9, 2010 03:33 PM
فالح تحب وخلاص بقلم احمد صلاح محمود احمد صلاح محمود شعر و نثر 1 December 4, 2009 04:28 AM
سلاح الجريمة ( بقلم : محمد سنجر ) محمد عبد المحسن سنجر روايات و قصص منشورة ومنقولة 3 October 3, 2009 12:00 AM


الساعة الآن 05:19 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر