فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #1  
قديم November 29, 2009, 08:18 PM
 
Love اذا غرورك يمنعك تعتذر تعال جنبي وابتسم واسامح...

روايه منقوله مرررررررره اعجبتني وحبيت انزلها وراح اكملها اذا شفت ردود كثثثثثثثير
شدو الهمه ياحلوين اتركم مع البارت الاول

/
\
/





الجزء الأول:


في عام 1991 بعد انتهاء حرب الخليج في احد غرف الولادة خرجت صرخة أنثى
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآه

بعد دقائق قليلة الا بصراخ طفل يستغيث وكأنه يقول لماذا اخرجتوني لهذه الدنيا
الممرضه: ألف ألف مبروك جتكم بنت زي القمر
سلطان :الله يبارك فيك بس طمنيني على زوجتي
الممرضة: لا لاتخاف بخير الحمد لله الان بننقلها لغرفتها .. عن أذنك
سلطان يدق على ابوه : هلا يبه ترى أمل ولدة وجابت بنت بشر امي
ابو خالد : لا الف الف مبروك ان شاء الله ربي يجعلها من البارآت

وانتشر الخبر في بيت ابو خالد

ام خالد :لا الف الف مبروووك يالله ان تكبرها وتعافيها وه يا انا حبيتها قبل ما شوفها
ام صالح (فوزيه)مرة خالد: ايه والله يا خالتي ان فرحتنا مابغت تولد كل شوي مهبله فيها هالبنيه اشوى انها بس جت
ام ثامر (حنان) بنت ابو خالد : والله الحمد لله يا يمه .. الا قولي لي متى بيخرجونها
ام خالد : والله على قولت اخوك سلطان انه بكرة الظهر
ام صالح : لا زين اجل خل نرتب لها الغرفة
ام خالد : ولا يهمك مزينه كل شئ
ريان : ماما .. ماما
ام خالد : هلا والله بظناي تعال يمه شف امك هنا .. فوزيه شوفي ريان يناديك
فوزيه ام صالح : هلا حبيبي تعال هنا
ريان : ماما صدق ان في بيبي جديد بيجي بيتنا
ام صالح : هههههههههههههه ومن اللي قالك
ريان : سمعت بابا خالد يقول لبابا ان عمي سلطان صار عنده بنت
ام خالد : ايه يا قلب امك انت .. تعال عندي
ريان : امي فاطمه صدق كلام بابا
ام خالد : ايه حبيبي صدق ولا بعد هذي بتصير زوجتك
ريان: ماما يعني هذا البيبي لي
ام خالد:ايه حبيبي انتبه لها زين وحطها بعيونك

وراح ريان وهو مستانس

ريان "الله يعني بيصير عندي بنوته انا لازم انتبه لها واحبها وماخلي احد يزعلها ولازم اجيب فلوس على شان اصرف عليها مو الرجال لازم انا اللي اصرف عليها ريومه حبيبتي ايه ريم انا احب هالاسم لازم اسميها ريم"

ويدخل سلطان من باب البيت على مجلس الرجال

سلطان : السلام عليكم ورحمة الله وبركاتة
ابو صالح : هلا هلا بالابو ههههههههههههه
سلطان : اللي يسمعك يقول اول ولد لي الله يخليلي نواف
ابو خالد : الا ياولدي وش بتسميها
سلطان :والله مادري يا يبه لحد الان ما قررنا

ويجي يركض ريان عمي عمي عمي
ومن كثر ماهو مستعجل طاح على وجهه
ودمعة عيونه "لا يا ريان انت صرت رجال لا تبكي مايصير تبكي بكرة لا طحت قدام ريوومه بتصيح بعدين بتضحك علي"
قام ريان وهو يمسح دمعه نزلت من عينه عصب

سلطان: بسم الله عليك حبيبي وش بك طاير
ابو صالح : والله من الطفاقه اللي فيه اركد خلك عاقل شوي
ريان : بابا انا مو مطفوق انا رجال
الرجال : هههههههههههههههههههههههه
ريان : عمي سلطان
سلطان: يا عيون عمك انت
ريان: عمي صح جتك بنت حلوة
سلطان : هههههههههههههههه الا يا قلبي جتني بنت حلوة
ريان: ترى جدتي فاطمه تقول انها لي
سلطان : هاه وشلون لك فهمني
ريان : تقول انها بتصير لا كبرت زوجتي
سلطان : ههههههههههههههه ياحبها امي للتزويج
ابو صالح : اذا من اللحين جالسه فوق راس حنان ولولوه خواتك
ان ربى بنت حنان لجابر ولد لولوه
سلطان: الله يهديها بس ماتدري ان كل واحد وله نصيبه وما يصير تعلق البزران بكلام فاضي
ابو خالد : اها بس كنها موب امك خلها تزوج اللي تبي فديت عيونها بس
سلطان : يبه عيب ترانا هنا ونغار على امي ولا نسمح لك
ابو خالد يشيل المخده اللي بجنبه ويحذفه على وجه سلطان
ابو خالد: تلايط بس ..
العيال:هههههههههههههههههههههههه حلوة يبه عليك فيه
ريان : عمي ما قلت لي
سلطان: هلا .. ايه ايه حبيبي اللي تبيه
ريان : اجل سمها ريم
سلطان مستغرب : من ذي
ريان : يوووووه عمي وش فيك نسيت بنتك
سلطان :هههههههههههههههههههه خلاص على شان خاطرك بقول لخالتك أمل وان رضت سميتها خلاص
ويطبع ريان بوسه على خد عمه سلطان ويطلع وهو يركض فرحان



وبعد مرور 18 سنه عام 2009


عائله ابو خالد (صالح):
صالح × فاطمه

صالح :69سنة رجل اعمال ناجح ماكمل دراسته اكتفى بالثانويه ونجح في مجال التجارة وكون ثروة تحكي عنها كل الناس له في مجال عمله هيبه بين التجار تزوج صغيرا من بنت عمه فاطمه ترك القصيم وعاش طول حياته في الرياض كون عائله كبيره من 5 افراد 3 اولاد وبنتين
فاطمه: 63 سنة ربة منزل لم تكمل المتوسطه تزوجت وخرجت من المدرسه عندما تزوجت كان عمرها 15 سنه ساندت زوجها في ازماته كانت عونا له في حياته تزوجت ولد عمها عن قصة حب شاهدت الكثيير من العذاب والالام ولكن في النهاية تتوجت بالزواج .. مازال حتى الان حبهم لبعض كبيير ولم يتغيير مع الزمن

اولآدهم:

لولوه:




لولوه:49سنة اكبر بنات ابو خالد تشتغل دكتورة بالجامعة متزوجة من فهد وعندها 4 عيال بنتين وولدين
فهد:53سنة دكتور عيون درس في بريطانيا وبعدها استقر بالرياض وتزوج بلولوه

عيالهم:
1-جابر:عمره 28 سنه متزوج من ربى بنت خالته بعد قصة حب عاشوها منذ الصغر >>الفضل للجدة
مازال يحبها ومايدري شلون يرضيها كمل دراسته بالخارج وحاليا يعمل مع جده في الشركه
2- حسام : عمره 26 سنه مالك على ولاء وزواجهم بعد سنه لما تخلص ولاء الجامعه بالاول كان رافض الزواج حتى كانت امه تحاول فيه وكان رافض الين ماجدته غصبته على الزواج من ولاء ويوم راح وخطبها وشافها انقلب 180 درجه عشقها بشكل جنوني حب نعومتها ورشاقتها حب لطفها وضحكتها حب عيونها وسوادها حب شعرها اللي كنه سواد الليل ... الخ
3-تهاني : 24 سنه مازالت عزبه خلصت الجامعه من سنتين خريجة رياض اطفال تحب الاطفال مرة رافضه العمل >> مو رايقه للصجه ولا قومت الصبح .. ماتحب الالتزام اكثر من مرة رفضة الزواج لانها ماهي مستعدة للارتباط وعلى قولتها >> ابي اعيش شبابي
4- نورة:18 سنه توها مخلصه من الثانوي ((علمي)) وجالسه تستنى نتيجتها شاطرة مرة بالدراسه طموحها تصبح جراحه قلب


خالد × فوزيه

خالد:47سنة ثاني ولد من عيال ابو خالد عمره: اكمل دراسته في بريطانيا تخصص ادارة اعمال بعد مارجع تزوج فوزيه وانجب منها 6 اولاد 3 بنات و3 عيال يعمل حاليا مع ابوه بالشركه
فوزية:45سنة مدرسة جغرافيا في مدرسه حكوميه تدرس بنات متوسط عمرها: اجتماعيه جدا كل البنات يحبوها لانها متفهمه

عيالهم:
1-صالح: 28 سنه خريج طب اسنان له عياده خاصه فيه متزوج من ديما البالغه بالعمر 24 سنه اعز اصدقاء تهاني بنت لولوه حامل وبالشهر الرابع
2-راكان :26 سنه مالك على فاتن وزواجه بعد سنه حاليا هو مع حسام يشتغل في شركة جده وهو اقرب واحد لحسام وعمه وليد دايما مع بعض
3-ريان :24 سنه يلقبونه بمجنون ريم مازال يدرس في الجامعه ادارة اعمال جذاب جدا اجمل اعيال العائله كل البنات يموتون فيه لعاب شوي لكن هو عارف ان مرده لريم من اعز اصدقائه نواف وثامر وهم يدرسون معاه بالجامعه وبنفس التخصص
4-نوف: 18 سنه اعز صديقاتها ريم ونورة بنت حالمه رومنسية بزيادة توها خالصه الثانوي ومستنيه درجتها تطلع وهي كانت بنفس فصل نورة
5-ملاك :15 سنه ثالث متوسط دايما تحاول تقلد اختها نوف في كل شئ تبي تصيير كبيره مثلها
6-سندس:10 سنوات اكبر اهتماماتها الباربي والبلي ستيشن



سلطان × أمل

سلطان :45سنة ابو نواف متزوج من امل عنده منها 5 اولاد 3 بنات وولدين يشتغل مع ابوه بالشركه
أمل :42سنة دكتوة بالجامعه مع لولوه حنونه جدا على عيالها ومتفائله وكل الحريم والبنات اللي بالعائله يحبونها بنت رجل غني جدا ابوها عايش في بريطانيا ما يجي للرياض الا في المناسبات هي جميله جدا لان فيها عرق تركي

عيالهم:
1- نواف:24سنة جميييل جدا وراعي صياعه وبنات يموت على شئ اسمه بنت يعني لو يمر يوم ماكلم فيه بنت او غازل ممكن ينهار وتجيه كأبه حاده زي عمه وليد هو اللي معلمه على هالحركات
2- ريم :18 سنه جذابه بشكل لا يوصف كل البنات ينهبلون على جمالها ويغارون منها رشيقه وعيونها زرقا >> ام جدتها تركيه ..امها سفرتها لبريطانيا مدت 5 سنوات تدرس هناك كانت تجي تزورهم بالصيف وبالاجازات عاشت في بريطانيا عند جدها اللي يحبها يمكن اكثر من كل اخوانها البنت مرة fun وتحب المغامرة ودايما بسبب مغامراتها تطيح في المشاكل على كثر مشاكلها الا ان كل العيله تحبها لطيبة قلبها وتواضعها
3- ريهام:15 سنه جميله البنت ومغروره دايما تبي تصير احسن من اختها مع انها تحبها كثيير لكن هذي غيره بريئه
4- يوسف:10 سنوات اهتماماته سندس اللي تحبه >>برضوا فعايل الجده ..يحب لعب الكورة والبلاي ستيشن
5- رامآ :4سنوات دلوعه ماما وبابا وعلى أي شئ تبكي


حنان×عبدالرحمن
حنان:42سنة بنت ابو خالد دكتورة بالجامعة مع لولوه وامل تحب وظيفتها مرة لكن مو اكثر من زوجها وبيتها
عبدالرحمن:46سنة يشتغل في بنك وعنده 4 اولاد

عيالهم:

1-ربى:26 سنه متزوجه من جابر ولد خالتها وتشتغل في بنك حامل بالشهر ال4 زي ديما زوجت صالح
2-ثامر:24 سنه مكمل الشله ريان ونواف ووليد مايحب سوالف البنات لا بل يكرهم مايطيق يشوفهم جميل متواضع يحب خواته ويهبل ببنات اخواله الصغار
3-تركي:10 سنوات صديق يوسف المقرب اهتماماته زي يوسف
4-منار: 5 سنوات صديقة رامآ وهي دلوعه زيها



وليد: 25 سنه اخر عنقود عيال ابو خالد ان خالد جابته بسن متاخر ما كانت تبي عيال على شانها كانت مريضه وهالشئ راح يسبب خطورة عليها وعلى الجنين بس حملة فيه .. كان عمرها وقتها 38 سنة وجابته وماصار فيه ولا فيها شئ غير ان جاها الضغط والسكر 
واه ياوليد وما ادراك ما وليد مازال يدرس في الجامعه يدرس ادارة اعمال مع عيال اخوانه واخته ريان ونواف وثامر لكن وليد متأخر سنه
بسبب حادث صار له من خلال الرواية بتعرفون وش السالفه اخر اهتماماته الدراسه يحب البنات ويموت عليهم بشكل جنوني يحس انه بدونهم ما يقدر يعيش وهو من النوع بياع كلام مرة في حياته حب وكانت قصه فاشله سببت له هالضياع صار صايع درجه اولى ومستحيل يفكر يحب ويرتبط لانه يحس البنات خداعات بس للعب والوناسه لكن وقت الجد دوري علي ما تلقيني


وكل عيال ابو خالد المتزوجين ساكنين بجنب بعض يحيط بها سور واحد عدت بيوت ما يفصل بينهم الا حديقه طويله .. اما بيوت الاحفاد فهي بنفس الحارة كل ولد فيهم له ارض خاصه فيه ..


^
في يوم الخميس ثاني يوم من ايام اجازة الصيف تو الناس معطلين من المدارس في بيت سلطان الدنيا قايمه قاعده من تزين وتضبيط كان الوقت تقريبا 6 المغرب ونواف توه قايم من النوم

نواف : خير يمه وش هالزين كله اشوف ريحة البيت تهبل ولا انتي بعد وش هالكشخه لا يمه صراحه غطيتي على بناتك
ام نواف:ياخي استحي والله هالسان مادري وش اسوي فيه حتى هالكلام واللعب على امك عيب استح على روحك كافي بنات خلق الله اللي ما سلمو منك
نواف:الله يمه كني سابك موب مادحك
ام نواف: اوص بس يلا مناك رح فارق خل اعرف اشتغل
نواف:افا يمه تطرديني من المطبخ
وبدأ ياكل من الفطاير شوي ومن قطع القاتو شوي ومن العصيير يشرب له شوي
ام نواف تطقه على يده: يؤ قم انت وش تسوي خربت الاكل قم يلا اطلع ولا جا وقت الاكل تعال
نواف: طيب يمه ماقلتي لي وش هالخيارت له عسى بس ما تصيير القرد ريهامووه انخطبت
ام نواف: انت ماتستحي على وجهك ولا ماتستحي لا لا اكيد ماتستحي اولا ريهام توه بزر ومب قرد هذي اختك يالخبل وثانيا اترك هالدونات من يدك وثالثا ايا قليل الخاتمه ناسي ان اليوم ريم جايه من بريطانيه
نواف: الله ريووومه قلبي جايه يافديت عيونها وعيون صديقتها .. الا من اللي بجيبهم من المطار لا تقولين السواق لالا انا بروووح اللحين اجيبهم
ام نواف: يؤ من تجيب تعال تعال ..وتمسكه من اذنه
اجل قلت لي وعيون صديقتها
نواف: أي أي أي أي يمه ارفقي على اذني ترى ابيها
ام نواف: نواف ابعد عن عبيير تراها بنت ناس ومتربيه وهي صديقه اختك وبعد حنا نعرف عايلتهم فلا تسبب لنا مشاكل
نواف قدر يفك يد امه وراح يركض وهو يصارخ: بس تصدقين يمه عليها عيووون
ام نواف: انا اوريك .. وتاخذ فوطه بجنبها وترميها عليه
نواف وهو يمسح بالفوطه: من يد مانعدمها ..ههههههههههههه
ام نواف: انا اوريك اصبر بس

راح نواف بيطلع من الباب الا بنوف ونورة جايين

نواف : هلا والله نورة ونوف
نورة +نوف: هلا وغلا
نورة : نواف خالتي جوا
نواف : ايه حيااك شوفيها بالمطبخ
نورة :شكرا

ودخلوا البنات للبيت وفكو العبايات دام نواف طلع من البيت وركض على المطبخ
نورة : هلا خالتي
ام نواف: هلا بنيتي نورة وش أخبارك واخبار امك
نورة : الحمد لله بخيير خالتي
وتدخل لهم نوف
نوف :هلا خالتي
ام نواف: هلا قلبي وش اخبارك وش اخبار امك
نوف: والله بخيير خالتي وامي تسلم عليك
ام نواف: الله يسلمها وان شاء الله امهاتكم جايين اليوم
نوف ونورة:اكيد خالتي
نورة: الا خالتي بغينا منك طلب
ام نواف: امري حبيبتي
نورة: خالتي عادي نطلع لغرفة ريم ودنا نسوي لها مفاجأه
ام نواف:ولو البيت بيتكم خذوا راحتكم ولا تشيلون هم نواف ماراح يجي الا 10
نوف: مشكوورة خالتي

وراحوا البنات لغرفة ريم
نوف: يلا نورة طلعي العده ولا تقولين نسيتها
نورة : افا عليك أنا انساها يلا

وطلعت نورة كيس اسود كبير وفتحته وطلعت منه سطل بويه احمر وفرسات صغار

نوف: يالخبله وش هذا .. وهي تأشر على الفرشتين
نورة : وشو فرش على شان نصبغ
نوف : لا ان شاء الله وهذي هي اللي بنصبغ فيها عز الله ماخلصنا الا بكره الفجر
نورة: طيب انا وش دراني
نوف: الشرهه مو عليك على اللي يعتمد عليك جيبي اشوف
نورة : لحظه خل نحط السفرة على الحواف
وحطت البلاستك نورة
نورة: يلا

وتاخذ نوف سطل البويه وتفتحه ودب ترمي البويه اللي بوسطه على الجدار اللي لونه ابيض

وتاخذ نورة الفرشه وتقع تحوس بالجدار وبيديها ونوف جلسة تخرب معاها
وحاسوا الجدار وملو نفسهم بويه وهم يستخدمون البويه اخذت نورة الفرشه ورسمت على وجه نوف
نوف: يؤ يؤ يؤ خبله ليه كذا
نورة:ههههههههههههههههههههههه شكلك طالع غبي
وفجأه ينكب على نورة بويه
نوف:هههههههههههههههههههههههههههه وانتي كذا اغبى
نورة يالخبله انا خط انتي سطل
وتمسك السطل وتكب الباقي بوجه نوف ونوف مانتبهت جالسه تظحك
نورة :ههههههههههههههههههههههههههههه تستاهلي ههههههههه
نوف : انا اوريك يالدبه تعالي هنا
وبدت تهج نورة من نوف
ونورة تدور بغرفة ريم ونوف وراها وراها فتحت نورة الباب وبدت تصارخ وتضحك نفس الوقت
نوف: تعالي يالدبه والله ماخليك الا وانا مأدبتك
نورة:ههههههههههههههههههههه ن..و..ف هههههههههههههه والل..ي يعافي..ك ههههههههههههههههههههههه
نوف: ايه ايه اظحكي والله لا اوريك تعالي يالدبه
وتركض نورة وتنزل من الدرج وتروح للمطبخ وتخبى ورا ام نواف
نورة: خالتي واللي يعافيك هههههههههههههههههه ابعديها عني
ام نواف: بسم الله الرحمن الرحيم وش بك ورا كذا موصخه
وتدخل نوف: تعال يالدبه تتحامين بخالتي والله لا اوريك
ام نواف: يوه ورا شكلكم كذا مصبوغات بالاحمر
نوف: خالتي شوفيها كبت علي البويه
نورة : كذابه خالتي هي اللي كبت علي اول
ام نواف: نعم وش جاب البويه لم اديكم اصلا
نورة"يؤ تورطنا الله ياخذك يا نوف"
نورة: ها خالتي لا بس
نوف : هذي الله يهديها نورة جايبه الوان مائيه وفتحناها وبدينا نتراشق
نورة: ايه ايه صح خالتي
ام نواف : تيب يلا روحوا تغسلوا مابقى شئ وتجي ريم
نوف: ليش خالتي هي متى جايه
ام نواف: الساعه 10 هذا مابقى الا خير الان 8:45
نوف +نورة: يؤ
ام نواف: وش بكم
نورة: لا ابد مابنى شئ
ويركضون لفوق لغرفه ريم
ويشيلون السطل والبلاستيك وياخذون اغراضهم ويطلعوون من بيت ابو نواف وكل وحده على بيتها يتغسلون ويلبسون على شان استقبال ريم


في الطيارة
عبير:ياي ياريم ماصدق اخيرا برجع للرياض مابغينا
ريم:ايه والله يانا مشتاقه لاهلي حيل
عبير:وانا اكثر

طنطنطيين
السلام عليكم ورحمه الله وبركاته معكم الكابتن حمدان بن سعود الحمدان اعلن عن دخولنا مدينة الرياض الحمد لله على السلامه
طنطنطيين

ريم: اخيرا يا عبيير مو مصدقه
عبير: يلا يلا اربطي الحزام

وهبطت الطيارة بسلام



يتبع ..,







في المطار كان ابو نواف ونواف ينتظروا نزول الركاب
ابو نواف : يبه نواف مب كن هذول هم
نواف: الا يبه احد يتوه عن هالعيون آآه بس
ابو نواف: وشو.؟؟
نواف: لاسلامتك يبه اقولك الا هذول هم
ابو نواف :يلا اجل مشينا

ريم: عبووور مو هذا نواف وبابا
عبير: ابوي ولا ابوك وش يدريني
ريم : الا والله هو
وراحت تركض له
ريم: بابا ..
ابو نواف راح وحظن بنته : هلا والله حبيبتي اخيرا مابغيتي ترجعين
ريم وهي تبكي بحظن ابوها : يانا مشتاقه لحظنك ... كذا سنه ما تحظني فيها
ابو نواف: انتي اللي جيتي اخر مرة يوم انا كنت برحلة عمل
ريم : مو مهم اهم شئ اني بحظنك الان
نواف: هي انتي وانا مالي حظن
ريم: نوااااااااافوووووه هههههههههههههههههه
نواف: ايا الدبه خربتك بريطانيه
ريم: بدينا .. بدينا بالعيارة يالعيار
وحظنته
ريم:والله اشتقت لك ولمشاكلك

عبير : هلا خالي ابو نواف
ابو نواف: هلا ببنيتي عبيير وش اخبارك
عبير : والله الحمد لله
ابو نواف: الحمد لله على السلامه
عبير: الله يسلمك خالي
ابو نواف: ها وشلون امك وان شاء الله مرتاحه
عبير: اكيد خالي ديرتها هههههههههه مو من يوم ما تطلقت من ابوي وهي في بريطانيا عند اهلها
ابو نواف: طيب وريم ان شاء الله ما تظايقت امك من سكنها عندكم .. مو انا قايل لها اخذ لها شقه بس هي لا مابي الا عبيير
عبير: هاه خالي ولو ريم اختي واذا ماكفاها البيت احطها بعيوني
ابو نواف : تسلم عيونك ... الا من جا ياخذك
عبير: لا خالي انا ماقلت لحد من اهلي ابي افاجأهم
ابو نواف: ريم
بعدت ريم عن حظن نواف: هلا يبه
ابو نواف: اقول حبيبتي انتهم وصلوا عبيير لبيتها وانا سابقكم على البيت مو تأخروون
ريم: ان شاء الله يبه
ابو نواف: يلا اجل مع السلامه
الكل: مع السلامه


نواف: عبير.؟
عبير: هلا نواف
نواف: الحمد لله على السلامه
عبيير: الله يسلمك
نواف: مالي حظن
وتطقه ريم على راسه
نواف: آآآآآآآي
ريم: هي انت وش تقوول خبل ولا مهبوول
نواف: ابد مو حنا زي الاخوان خل تخمن زي ما خمتين انتي
عبير: بس ان شاء الله من عيوني
واستانس نواف وفتح يديه في وضعيت الخم وغمض عيونه
عبير مشت هي وريم من عنده وراحوا عند وحده عبده كانت قدامهم وهو ما زال فاتح يديه ومغمظ عيونه وهمست عبيير بأذنها بعض الكلامات والعبده طارت من الفرح
وتجي هذيك العبده من بعييد تركض وتخمه بقوة وهو يحسبها عبيير
نواف:الله يا عبيير طول عمري احلم بهاللحظه
العبدة: وانا كماااااااااااااااااااااااااان
فتح نواف عيونه مستغرب من الصوت وانهبل نواف يوم شافها ودفها بسرعه
نواف: يمه من انتي
العبدة: انا عبيييير
ويمسك نواف ثوبه وماتشوفون غير غباره

والبنات موقفين قدام السيارة وجالسات يضحكووون على شكله وهو يركض من بعييد

ريم: ياويلك من ربي عبيير وش اللي سويتيه بالولد
عبيير: وعساه يتربى بعد اخووك هذا ما ينفع فيه الا هالعبدة
ريم:هههههههههههههههههههههههههههههه

ويجيهم نواف وهو يلهث من التعب: ايه اظحكوا وش عليكم وانا يا حياتي استفردت فيني هالعبدة
ريم: ها بشر لا يصير سوت فيك شئ ترى يا ويلك ماعندنا غيير الذبح
نواف: ريموووه وجع وش هالكلام .. لا اشوى انقذت ما امكن انقاذه
عبير وريم:هههههههههههههههههههههههههههههههه
نواف: يا فديت هالضحكه بس اه ودي اعرف هالزين هذا كله جبتيه من وين
ريم: وهذا انت ما شفت منها الا عيونها لو شايف وجهها وش بتسوي اخاف تنهبل ونبتلش بك
نواف وهو يغني: وآآآآآآآآآآآآآآآآه آآآآآآآآآآآآآآآآآآه آآآآآآآه آآآآآآآه آآه لو تدري حبييييبي ...
ريم: بس بس فظحتنا بالمطار امش الله يبلشك
ويركبون البنات السيارة
نواف: عبيير ممكن اسألك سؤال ..؟
عبير : الله وش هالادب .. ريم لحقي على اخوك اخاف هالعبدة سوت فيه شئ
ريم:ههههههههههههههههههههههههههههه
نواف: اوص انتي وتظحكين بعد
ريم: وش دخلني هذي عبيير اللي كلمت العبده
نواف: عبييير اتكلم جد
عبير: يلا قول وش سؤالك
نواف: اممم.......اممم ....... وتجاوبيني بصراحه
عبيير: طيب وبكل صراحه بعد بس قوول
نواف: انتي حلوة كذا لييه؟؟.....هههههههههههههههه
ريم:ههههههههههههههههههههههههههههههه لا يصير هذا سؤالك ترى والله لا تموتك عبيير
عبيير وهي مرة معصبه:...........
ريم: خلاص انا انا بجاوبك لاني متأكده ان عبيير الان تدخن من كثر ماهي معصبه
ياخي وش تبي اكثر من ان امها بريطانيه وابوها غني وعيونها عسليه هاللي خقييت عندها ههههههههههه ولا تنسى اهم شئ لانها صديقتي
هههههههههههههههههههههههههههههههههه
نواف: لا والله واثقه
عبيير: خلاص عاد عطيتكم وجه
ريم: خلاص قلبي لا تزعليين
نواف: يلا هذانا وصلنا بيتك ..
عبيير: يلا قلبي ريووم اشوفك بكرة ان شاء الله
ريم : خلاص حياتي كلميني اليوم بالليل مو تنسين
عبير: ان شاء الله
ريم : ايه وسلميلي على ابووك وقوليله ريوووم جايبتلك هدية بتعجبك
عبيير: اخاف ناويه تزوجينه وعاد انا اللي ابتلش مامداه مطلق الجديده
ريم: ههههههههههههههه لا لاتخافين مو زوجه
عبيير: طيب يوصل يلا مع السلامه
نواف وريم : مع السلامه


نواف: اقول ريووم
ريم: نعم؟
نواف: عبير زي امها
ريم: شلون يعني زي امها؟؟
نواف: لا انا اقصد يعني هي فري زي امها عادي صياعه وشباب وحركات
ريم: يا ويلك من ربي انا ساكنت عندهم امها بريطانيه يعني هم عندهم السهرات وهالسوالف عادي بس والله ان عبيير غيير عن امها الله يخليها لاهلها
ابوها عرف يربيها من جد ولا مرة شفتها هناك تسوي أي شئ غلط
نواف: الله يحفظها ان شاء الله
ريم: اميين

ووصلوا لبوابة البيت وفتح لهم البواب ودخلوا السيارة لجوا

نواف: تو ما نور البيت يلا ادخلي لبيتك امي ناطرتك على نار
ريم:بس وين العالم ماشوف حد
نواف: مادري شكلهم ماعرفوا انك جايه
ريم:غريبه انا مكلمه كل البنات وقايله لهم
نواف:مادري والله يلا خل ندخل

واول مادخلت ريم الا والانوار تفتحت والورود تناثرت والاصوات علت بالصغاريت والتهاني

ام خالد:هلا وغلا ببنيتي هلا بكل اهلي انتي تالي لجدتك ياروح جدتك
ريم وتركض تخم جدتها:هلا يمه فاطمه ياانا ولهانه لك ولسوالفك
ام نواف وهي تبكي: هلا ريم قلبي تعالي لي ياعيوني
ريم: وتروح وتحظن امها: بس بس يام نواف كذا كل ماجيت ورحت هالدمووع خلاص هالمرة بجلس عندك طووول العمر
ام خالد: وش طول العمر انتي بعد لا مانتي جالسة الا لين تروحين ويا رجلك ريان
وتحمر خدود ريم من الخجل:.............
ام نواف:هاه يمه فاطمه ارفقي على البنت وبعدين من قال ان بنتي لريان يمكنه مايبيها ماودي اعلقها بشئ مو اكيييد
ام صالح: يووووووه يام نواف انا ولديي موب لاقي احسن من بنتك
ام نواف:حتى ولو يا ام صالح هو قالك اني ابيها ولا فتح هالسالفه معك
ام صالح: ياقلبي ام نواف من هم صغار وهالشئ معرووف
وترووح ريم من الخجل للبنات وكملوا الحريم نقاشهم

ريم:هلا وغلا بكل نفر من عايلتي الحبيبه يالكم وحشه يا بنات تسوى الارض ومافيها
وتقوووم نووف وتركض لريم وتحظنها وتجلس تبكي بحظنها
نوف: الله ياريم اخيرا جيتينا
ريم: اللي يسمعك مو قبل شهرين وانا عندكم
نوف: بس تصدقيين محلوه عن اخر مرة
ريم: هذي عيونك الحلوة .. الا وين نورة!!
نوف: يووووه والله كان تنجلط نورة لما تشوفك.....نووووووووووووووووووووووووورة
نورة وهي طالعه من الحمام: وصق.....
ريم وتركض وتحظنها
نورة:آآآه يا بعد اهلي انتي يا توئمي ياروحي يا اغلى عندي من تهاني
احبك
ريم جالسة تبكي
تهاني: نعم نعم اغلى من من يالدبه
ريم تظحك من بين دموووعها:هههههههه هلا تهاني
وتحظنها وتسلم عليها
تهاني: انا اراويك يالدبه اجل ريييم اغلى من اختك وحيدتك تهاني
نورة:ههههههههههههههه والله انها اغلى من روحي بعد
تهاني: أيه ياتهاني لك الله
الكل:ههههههههههههههههههههههههههههه

ام خالد: تعالي يمه ريم اجلسي بجنبي
ريم: هذاني جييت يمه
راحت ريم مع البنات لعند الحرييم
ويدق جوال ام نواف
الووو..
هلا والله.
طيب ان شاء الله..
تأمر على شئ ثاني ...ماتبون قهوة - شاي أي شئ
طيب ان شاء الله
مع السلامه

ام نواف: يمه ريم قومي عند مجلس الرجال ببيت خالي ابو خالد
ريم:العيال في...
ام نواف:ايه يمه كلهم يبون يسلموون عليك
ريم:ان شاء الله يمه
وأخذت ريم معاها طرحتها على شان تتحجب >>كل البنات هالعائله يتحجبون عن عيال عمامهم وخوالهم لكن بالاسواق يتلثمون

تحجبت ريم وراحت لبيت ابو خالد ودخلت للمجلس

ريم:السلام عليكم ورحمة الله وبركاته
الكل:وعليكم السلام ورحمة الله وبركاته
ابو خالد:هلا يبه ريم تعالي بنيتي
راحت ريم تسلم عليه وتبوس راسه وسلمت على كل عمامها وجلست بجنب جدها

عند العيال باخر المجلس:
جابر: هلا والله بنت خالي وشلونك ريم وشلون بريطانيا ترى ربى صاجتني تبي تروح لها هالصيفيه
ريم:ههههههههههههه هلا والله جابر انا الحمد لله بخيير وبريطانيا بعد بخير ولا تسلم عليك هههههههههههههههههه وافديت ربى بس ورا ماتسفرها ياحياتي
جابر:تبينها تحب بريطانيا اكثر مني لا انا اغار على مرتي
الكل:ههههههههههههههههههههههههه

ثامر:هلا هلا هلا بالحلوة ريووووم
ويجيه هذاك الكووووع من ريان
ثامر:آآآآآآآآآآآآآآآآآآآآآآآآآآآآآآآآآي
عبد الرحمن (ابو ثامر): ريان وش بك على ولدي ترى انا موب مستغني عنه..
الكل:هههههههههههههههههههههههههه ماعدا ريان متفشل
ريم:ههههههه هلا ثامر سلامات عسى مااصبت بضرر بالغ
ثامر ووجهه محمر من قوي الضربه: لا لا جت سطحيه
ريم:ماهو باين
الكل:ههههههههههههههههههههههههههه
راكان: هلا والله بريم وش اخبارك يانتي هبلتي ببعض الناس وماخليتيهم يناموا الليل
ويجيه هذاك الكووع الثاني من ريان
راكان متقصد انه يحرج ريان:آآآآآآآآآآي وش بك ياخوووي ترى ابي وسطي
الكل:هههههههههههههههههههههههههههههه
ابو خالد:خلاص ياعيال لحد يسلم ترى بتزيد الإصابات
الكل:ههههههههههههههههههههههههههههه

الا ويدخل وليد عليهم

وليد:السلام عليكم ورحمة الله وبركاته
الكل:وعليكم السلام ورحمة الله وبركاته
وليد: ريووم هلا وغلا يالحلوة من متى وانتي برياضنا الجميلة
وتقوم ريم وتخمة من حبها له
ريم:ووااااي ياعمي يانا اشتقت لك ولصياعتك
ويطقها طقه خفيفه على ظهرها
ريم:اقصد ادبك هههههههههههههه
الكل:هههههههههههههههههههههههههههههههههههههه

وباخر المجلس يهمس ريان لثامر:ليتني عمها
ثامر: اعقل بس لا يسمعك نواف ويتوطاك
ريان: هذي ريووومتي هذي حياتي انت عارف وش يعني
ثامر: درينا درينا انها ريوومتك ترى من وانت بزر وانت صاجنا ريومتي ريومتي بس عاد
ريان: اوص بس ..
ويقول بصوت عالي : هلا والله رييم وش اخبارك
وتنتبه ريم لصوت من زمان ماسمعته ولا شافت صاحبه ولاحست بدفاه وقربه صار جواها بركان من المشاعر اللي تتقلب مابين شوق ولهفه وحب والم وفراق ماكانت مصدقه ان هذا هو هذا حبيبي ريان
ريم وبصوت كله خجل: هلا والله ريان
اول ماقالت هالاسم "ريان"
ريم"الله ياريان قد ايش مشتاقه لك ومشتاقه لصوتك لنظراتك ولحبك ودفاعك عني مشتاقه لاسمك ونطقه ريان ريان ريان ريان ريان ريان ياحلوك ياريان"

ريان"يالبى ريان بس آآآه يا ريم ياحلو اسمي من فمك فديتك انتي وعيونك ووجهك هالملاك اللي من زمان مامليت عيوني فيه واخيرا ريومتي رجعت لي ولحظني"

الكل كان في حالة صمووت لان الكل جالس يتابع هالمنظر وهالحب اللي طغى وملئ المكان من يوم ما قال ريان هلا والله ريم

وليد حب ينقذ الموقف ويكسر حاجز الصمت اللي حاصل
الا يالاهل وين العشى تراي ميت جووع
الكل:ههههههههههههههههههههههههههههههههه
ابو خالد: هذا انت يا وليد ماتجي للبيت الا لاجل تترس معدتك
وليد وهو يضحك: افا عليك يايبه من اللي امس جاي وجالس معك تناظر المباراة
ولا واللي يضحك ان لما خلصت المباراة قالي من اللي كان يلعب
الكل:هههههههههههههههههههههههههههههههههههههههه
ابو خالد: اخذ المخده من جنبه وحذفها على وليد
وليد: أأأأي يبه وشبك علي
ابو خالد:على شانك ماتعرف تقظب هاللسان وتستر على ابوك
الكل:هههههههههههههههههههههههههههههههههه

ابو نواف: اقول ريم قومي لامك قولي لها خل يحطون العشا
ريم:ان شاء الله يبه

ريان"لا ياريم لا تروحين وتاخذين قلبي معك جنبي ومو قادر املا عيوني بجمالك"

ريم:مع السلامه
الكل:مع السلامه

طلعت ريم تاركه وراها رجل غارق حتى الجنون بحبها ماينام الا وريم تطري عليه ماياكل الا اذا دعا ان ريم تصير من نصيبه ..حلم حياته ان يتوج هالحب الكبيير بالزواج


دخلت ريم البيت وهي سرحانه معقوله اليوم شفته اليوم حسيت بنفسه اليوم بس حسيت اني عايشه
ام نواف: يمه ريم وش بك؟
ريم:............
نورة:هههههههههههههههههههههه لا خالتي شكلها غارقه لشوشتها
وتمسك المخده وترميها عليها
ريم:بسم الله الرحمن الرحييم .. هي انتي حوله ولا غبله ورا ترمين علي المخده كذا
نورة:على شان اصحييك من الحلم الجمييل ها وين وصلتي عسى بس جاكم عيال
وتاكذ ريم المخده اللي رمتها عليها وتركض لها وتطب فوقها وتقعد تظرب فيها
الكل:ههههههههههههههههههههههههههههههههههههههه
نورة: ههههههههههههههههههه اأأأي... ر...يم خلا..ص .. توبة هههههههههه
ومازالت ريم تضرب فيها
ريم: احسن ساده اجل جاكم عيال هااا
لولوة (ام جابر):بس يا ريم ترى ابي بنتي لا تموتينها
ريم:عمتي شوفيها الدبه وش تقول عني
الكل:ههههههههههههههههههههههههه
ام خالد: وهي الصادقه اللي ماخذ عقلك يتهنى فيه
ام صالح:اجل على ولدي بالعافيه...هههههههههههههههه
الكل:هههههههههههههههههههههههههههههههه
وحمر وجه ريم من الخجل:جدتي شوفيهم ....
ام خالد: ههههههههههههه خلاص خلاص سكتوا عن بنتي
ريم: ايه نسيتوني يمه ابوي يقول حطوا العشا
نوف تهمس لريم: احنا برضوا اللي نسيناكي
ريم:اقول انطمي لا يجيك اللي جا لنورة
نوف:ههههههههههه لا خلاص ابسكت اجل انا مستغنيه عن عمري

بعد ربع ساعه

ام نواف:يلا حياكم على العشا


يتبع ..,




~





على طاولة كانت جالسة فيها نورة ونوف وتهاني وريم

نورة:ريم شوي شوي والله الاكل مو طاير هههههههه
ريم:والله ياهالاكل له وحشه من زمان عنه
نوف وهي تتكلم بصوت عالي على شان امها تسمع: يمه
ام صالح: نعم
نوف:يمه تراي اليوم بنام عند خالتي ام نواف مالي دخل
ام صالح:اتركي البنت ترتاح شوي لازم توذينها خليها تتنفس شوي
نوف:اساسا انا الاوكسجين كله عندي ماعليك يمه لو بتختنق مو بضارك
ام نواف:يمه بسم الله على بنتي من الاختناق
وكل قام يضحك لان ام نواف قالت الاختناق بطريقة استهزاء
نورة:وانا يمه بعد ولا تحاولين تقولين لا مالي خص لا يايمه خلاص انا قررت لا لا لا لاتحاولين خلاص مافي مو مشكله انام لو بملابسي بس اني اروح البيت معك فلا انسي وابوي انا اكلمه وان.........
لولوه:يامال العافية ان شاء الله بالعه راديو انتي بس بس صجيتي راسي لو تبين تنامين كييفك بس فكيني
ريم:ههههههههههههههههههههه والله ماينفع معاهم الا كذا
ام نواف:نعم وش اللي ينفع معانا
ريم:ابد يايمه انتم الخير والبركة معقول انا اقول شئ عنكم انتم امهاتنا
نورة ونوف:نعم نعم ..وهم يهزون روسهم كأنهم هبلان..

خلصوا السهرة من بعد رقص وهبال وضحك وكلهم راحوا لبيوتهم ماعدا نورة ونوف اللي بيناموا عند ريم

ريم: الله يابنات تصدقون ياانا مشتاقة لغرفتي
نورة ونوف:هههههههههههه يلا تبين نرقا ونكمل سهر بالغرفه
ريم:يلا

شكل غرفة ريم "كبييرة مرة وفيها جزء جلسة وتلفزيون والجزء الثاني سرير وقدامه شبااك كله قزاز مالي كل الجدار وبرا الشباك في البكونه .. وفي بنهاية الغرفه بابين واحد غرفة ملابس والثاني الحمام اكرمكم الله "

دخلت ريم الغرفة واول مادخلت طلع لها الجدار اللي لونه احمر

ريم:يؤ يؤ يؤ وش هذا ليش الجدار صار احمر
نورة ونوف:ههههههههههههههههههههههههههههههههه
ريم: يالدباااااااات وش سويتوا
نورة: ههههههههههههههههه تستاهلين تذكرين وش سويتي بسريري اخر مرة
ريم: ههههههههههههههههههههههه يالدبة للان تتذكرين
نورة:اكيد مو ماما زعلت علي ليش جلسنا نلعب بالالوان بغرفتي وعيت تغير لي فراشي ونمت عليه اسبووع كعقاب لي .. اهئ اهئ اهئ
نوف:ههههههههههههههههههههههههههههههه
ريم:لا ياشيخه وانتي تضحكي
نوف:انا مالي دخل انا عنصر محايد بالمسألة
ريم: احسن شئ سويتوه ..انا اساسا احب اللون الاحمر ..
نورة ونوف:هههههههههههههههههههههههههههه يعني توسخنا اليوم راح على الفاضي
ريم:ههههههههههههههههههههه تستاهلون محد قالكم .. يلا ننام انا ميتة تعب
نوف:طيب يلا
في الليل قامت ريم من الفراش ماقدرت تنام وراحت لشنطتها وطلعت منه دفتر تكتب فيه خواطرها
وبدت تخط بقلمها حروف تنبع من قلبها الذي نبض عند رؤية معشوقها

" حبيتك وانا لسه صغيره
وكبرت وأنا هايمه بحبك
خطوه زمن أبعدتني عنك
وانا بدوس على الخطوات واجيك
كلي فخر إنك حبيبي كلي عز لانك عزيزي
فقدتك ومانسيتك فقدة الحس والاحساس
فقدة الحب والحبيب وجيتك ادورها فيك
لقيتك باقي عليها وعليها يالغالي تزيد "


وظلت لساعات وهي مازالت تفكر بريان اللي ملك قلبها منذ الصغر وحرص على سعادتها كانت تتذكر كل شئ ايام الطفوله والذكريات السعيدة وذهبت في نوم عميق





الى هنا .. ويقفون ابطال روايتي
ينتظرون رد الاول
رد مع اقتباس
  #2  
قديم November 30, 2009, 02:06 PM
 
رد: اذا غرورك يمنعك تعتذر تعال جنبي وابتسم واسامح...

افا ليش مافيه حد يشجعني انزل بارت ثاني......
بليز ابي ردود
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 11:12 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر