وين انـــــــــــــــــت.........؟؟؟

فجر الكويت · #1 May 19, 2006, 04:57 PM

يـا صاحبـي الله يـردك علـى خيـر
قلـب ٍ يحـبـك لا تــزود عـذابـه
أرجع ترى لـك كـل حـب ٍ وتقديـر
ومن لا يعيش الحـب يرجـي سرابـه
وين أنت ..؟ عني ماخذتـك المقاديـر
شف حال من بعدك عنا الوقـت صابـه
وين أنت ..؟ لو طول غيابك وش يصير
الله يعيـن المنتظـر مــن صـوابـه
وين أنت ..؟ عني ما تفيـد المعاذيـر
مـل الصبـر والوقـت كشـر بنابـه
تعـال طمنـي ولـو بعـذر ٍ صغـيـر
دام الغـلا والشـوق شرعـت بـابـه
تعال شوف الناس مـن حولـي كثيـر
عـذال ووجيـه الـعـواذل تشـابـه
كل من سألني قلت حبـه تـرى غيـر
حبـه ملكنـي .. "لا " حبـه نهـابـه
هـذاك لـو يخطـي يجيـب التباشيـر
خطـاه عنـدي فيـه ملـح وذرابــه
هذاك ما يـوم ٍ حصـل منـه تقصيـر
لـو طـال صـده مـا يطـول غيابـه
شف وش كثر في غيبتك مـن تعابيـر
وهـم ٍ يجيـب القلـب وهـم ٍ غدابـه
وين أنت ..؟ ما للهجر والبعد تفسيـر
غربـة وقلبـي مـل كثـر أغتـرابـه
وماهمني جـرح الزمـن دامـك بخيـر
ياللـي بغـلاه القلـب نـوخ أركـابـه