|
علم البرمجة اللغوية والعصبية NLP وإدارة الذات Neuro-linguistic programming قسم يهتم بالعلم الحديث , علم البرمجة اللغوية والعصبية NLP وإدارة الذات ونظره شمله حول العلاج بـ خط الزمن TLT و علم التنويم الإيحائي |
|
LinkBack | أدوات الموضوع | انواع عرض الموضوع |
#1
|
||
|
||
==>أهالينا<== هما السبب فى مشاكلنا ,, والعيب فيهم مش فينا ,, بس ==>هنجدد حياتنا<==
مرحبا بكم اخوانى فى مجلة ابتسامة .. انا لسه جديد بالموقع ,, وايقنت مدى اهمية هالموقع للجميع ومدى فائدته للغير ,, وحرصه على تقديم ما يفيد المسلمين .. لذا قررت ان // اهديكم موضوع من كتاباتى ,, ارجو ان ينال رضاكم .. ويساهم فى تحريككم نحو الأفضل .. يا رب تكونو بخير واتزان وسعادة يا رب موضوع اليوم عن مشكلة كلنا تعرضنا لها اللى هى ==> أهلنا غلطو فى حقنا كتير ,, أى والله كتير <== سؤال :: هو هل حصل لك تجارب سلبية قبل كدا فى الماضى ؟؟ (أكيد) هل أهلك بعزقو أو بعترو أو مسحو بكرامة معاليك /ى الارض ؟؟ (دا الطبيعى) هل أهلك حرجوك قبل كدا قدام شخصية انت بتعمل لها مكانة كبيرة ومتحبش ان حد يحرجك قدامه ؟؟ هل فيه مدرس حرجك قدام زماليك ؟(حصلت معايا كتير) هل فيه زمايلك فى المدرسة ولا الكلية سخرو منك قبل كدا ؟ هل فشلت قبل كدا فى قصة حب لأى شخص ما ؟ هل الماضى بالنسبة لك ,, شىء مؤلم ؟؟ هل الماضى لكى ,, شىء مؤلم ؟ بتشعر بالحاجات دى ؟؟ يبقى ألف مبروك ,, انت زى الناس منتش مختلف عنهم ولا حاجة !! وأهلا بك فى هذا الموضوع ,,واحييك لوجودك هنا ,,لأنك اخترت الموضوع الصح ... .......... ... .......... ... .......... ... العيب فى أهالينا انا مقدرش الومك فى حكمك على اهلك !! فعلا ,, يمكن اهلك قامو بتربيتك بطريقة غلط !! او بطريقة ,, فيه الافضل منها يمكن اهلك مهتموش برأيك ,, لأنهم شايفين انك لسه عيل لسه صغير ولا يعتد برأيك !! حتى ولو كان صح اهم شىء عايز اوضحه قبل ما اتكلم ,, ان أهلك لو كان عندهم طريقة أفضل من كدا ,, مكنوش بخلو بيها عليك يعنى أهالينا ,, غلطو فى حقنا ,, بس بحب ,, بس فى نيتهم انهم يشوفوك أفضل مخلوق على الارض كلها بمناسبة العربيات يعنى , لأنى ناوى اشترى واحدة لما بتكون لسه بتتعلم سواقة السيارة ,, وتمشى بالعربية تقوم تدوس بنزين جامد وتبهدل فى العربية ؟؟ يا ترى ليه ؟؟ هل انت مش طايق العربية للدرجة دى ؟؟ للاسف لأ !! كل الموضوع انك معندكش طريقة افضل من كدا تسوق بيها السيارة دا أفضل ما عندك ولو كان عندك طريقة افضل ,, كنت اكيد اكيد اكيد استخدمتها صح كلامى ؟ فيه أفتراض فى البرمجة اللغوية العصبية (NLP) بيقول : يستخدم الناس أحسن اختيار لهم في حدود الإمكانيات المتاحة في وقت بعينه. يعنى ايه دا ؟؟ يعنى ,, لما أهلم يغلطو فى حقك ,, يعنى دا أفضل ما لديهم !! لأن لو فيه أفضل من كدا ,, عشان يعطى نتائج افضل ,, أكيد أكيد بلا ادنى شك كانو استخدموه يا جماعة ,, اهالينا مأخدوش دكتراه فى التربية وفن التعامل مع الابناء !! أهالينا نشأو فى بيئة مكنش فيها علم !! يعنى مثلا على سبيل المثال ,, والدى الله يرحمه ,, كان متعلم ,, وكان اللى مثله فى البلد متعلم حوالى 5 او 6 !!!! أهالينا أكيد أكيد يتمنو لنا انهم يشوفونا أفضل ما يمكن ,, بس الوسائل اللى كانت متاحة لهم مألتهمش لكدا هتقولى مثلا // أبويا هو سبب انى دائما خجول !! امى هى السبب فى انى دايما مبحش اتكلم قدام حد ابويا هو اللى أضعف ثقتى بنفسى أمى علمتنى انى متخذش قرار أبدا فى حياتى أبويا خلانى متحملش مسؤلية اى حاجة .. . .. . .. هرجع أقولك تانى ,, لو عرفو طريقة أفضل من كدا كانو منحوك أياها ,, على حسب الافتراض بتاع ال NLP اللى قلته لك هما ربونا غلط ,, بس بكل حب هبطل السجاير ,, وأكون إنسان جديد (مقتبس من الاديب شعبان عبد الرحيم) أقصد هبدأ حياة جديدة معلومة عرفتها من الدكتور ,, شريف عرفة اقتباس:
يعنى اديك اتغيرت !! يعنى لو بصيت لنفسك بعد سنة كاملة ,, هتلاقى نفسك تقريبا تقريبا اتغير فيك أكتر من 98% من خلايا جسمك !! يعنى خلايا جسمك بتتغير !! انت لسه عايز تفضل زى منت من غير ما تتغير ؟؟ يعنى بقولك , أبدا حياة جديدة غير أفكارك ! غيرك أدراكك للحياة ,, عشان حياتك كلها تتغير غير أسلوب تفكيرك ,, لأن منبع كل المشاكل اللى احنا فيها سببها الفكرة ,, خلاص غير الفكرة دى ,, هتلاقى حياتك تتغير صراع بين الماضى , والحاضر , والمستقبل انت خلايا جسمك بتتجدد يا اخى !! كل خلية فى جسمك بتتجدد مش ناوى بقى تجدد خلايا أفكارك !! خلايا مخك دى ,, مش ناوى تجددها بص معايا للمثال الحدق دا ,, هيبين اوى المعنى // لما كل سنة معاليك تروح بشركة حاسب ,, وتقول لهم عايز اجدد كل امكانيات جهاز الكمبيوتر بتاعى ,, إلا البروسيسور ! تجدد الشاشة والكيبور والماذر بورد وكل حاجة ونسيب البروسيسور !! تخيل نفسك بعد 10 سنين من التجديد ولسه عايش ببروسيسور من 10 سنين فاتت !! بالله عليك ,, لو شافك حد هيقول عليك ايه ؟؟ عبيط صح !! لألأ أكيد هيقول عليك مجنون !! ازاى شغال على جهاز روعة زى دا ,, بالبروسيسور القديم دا !! بالظبط نفس الفكرة ,, انت ازاى عايش بالخلايا الجديدة دى بنفس الافكار القديمة السلبية الغبية اللى بتأخرك دى !! انت عايش فى الحاضر !! ليه عايش بأفكار من الماضى !! ويا ريت افكار ايجابيه ,, دا كلها سلبية !! هتفيديك بأيه ؟؟ هترجعك لورا ,, مش بتقدمك لو فكرت فيها بنفس مثال الكمبيوتر ,, هتلاقى نفسك فعلا انسان عبيط أو مجنون !! أذن أذن أذن جدد أفكارك ,, وعيش حياتك أنعش حياتك دى حتة كدا حلوة عجبتنى من الدكتور شريف عرفة بيقول :: اقتباس:
وانا هقولك , مش كفاية بقى أفكار سلبية عن الحياة كلها وعن أهلك وعن عيلتك واصحابك و و و و مش كفاية بقى لوم فى الظروف وفى اهلك وفى الجيران انهم سبب مشاكلك ؟؟ مش كفاية بقى افكار سلبية !! مش كفاية بقى حياة اللعب والهلس والعيش للاشىء !! مش حان الوقت انك تكون الانسان اللى انت تتمناه ؟ مش حان الوقت انك تبدأ بداية صح ,, وتبدأ صفحة جديدة من كل الناس ؟ مش حان الوقت ان تتقبل أهلك زى ما هما ,, وتتعامل معاهم بأفضل طريقة ممكنة أظن ,, أنها حياة واحدة ,, يا تعشها صح يا متعشهاش وبكدا نكون وصلنا لنهاية الموضوع ,, بس ممكن واحد يوصل لاخر الموضوع وميعرفش انا عايز ايه ؟! فخلاصة الموضوع كالتالى : 1- أتحمل مسؤلية الحياة اللى انت عايشها وبطل بقى ترمى اللوم على البيئة اللى انت عايش فيها 2- عرفت ان اهلك فعلا غلطو فى حقك ,, بس بدافع الحب ودا كان أفضل ما لديهم . 3- الحياة هتعشها مرة واحدة بس والله ,, فأنت بأيدك القرار أنها تكون حياة سعيدة طيبة ,, وأنها تكون حياة شقية مقرفة بائسة ! انت اللى بتقرر (ولله الأمر من قبل ومن بعد). 4- بطل تعيش بقى فى الماضى ,, أنسى الأفكار السلبية المحبطة اللى بتأخرك ,, وعيش مع الحاضر وفى النقطة دى أنصحكم بالموضوع دا ==>العيش فى الماضى<== أحد الاسباب الرئيسية للتفكير السلبى(نظرة متعمقة) بقلمى 5- حط دايما فى بالك , أن خلايا جسمك ببتغير دايما مهما حصل ,, (مجتش مرة الخلايا دى تقول , انا مزاجى مش ولابد النهاردا والله منا متغيره) وأفتكر دايما مثال الكمبيوتر اللى بتجدده كل سنة. 6- حط دايما فى بالك , ان أساس التغيير يبدأ من الفكرة ,, أصل المستودع اللى كله أفكار سلبية ,, كانت فكرة صغيرة وكبرت لغاية ما بقت بالمنظر دا ,, أذن أساس تغيير أى شىء يبدأ من الفكرة . (عاملها لواحدها اهو بلون أزرق عشان تحسو انها مميزة ومهمة وخطيرة اوى) بس خلاص ,, وكل سنة وانتم طيبين الموضوع ,,فكرته جت ليا من فكرة مقالة كويسة للدكتور شريف عرفة بس كل المحتوى بتاعى انا وأفكارى انا عدا الاقتباسات الموجوده بالله عليكم ,, ثم بالله عليكم ,, ثم بالله عليكم لو الموضوع أفادكم ,, لتفتكرونى بدعوة طيبة خالصة لله بظهر الغيب ,, حتى يصلح الله لى أمرى |
#2
|
||
|
||
رد: ==>أهالينا<== هما السبب فى مشاكلنا ,, والعيب فيهم مش فينا ,, بس ==>هنجدد حياتنا<==
موضوع أكثر من رائع لما يلامس من حقيقة نتعايش معها
بارك الله فيك دومت بكل الود وبداية رائعه فى هذا الصرح العظيم مرحبآ بك هنا كان هنا إحساس مرهف
__________________
|
#3
|
||
|
||
رد: ==>أهالينا<== هما السبب فى مشاكلنا ,, والعيب فيهم مش فينا ,, بس ==>هنجدد حياتنا<==
موضوع رائع بارك الله فيك
في انتظار جديدك
__________________
يدا بيد لإصلاح النظام وقوع الذنب على القلب گوقوع الدهن على الثوب إن لم تعجل غسله وإلا انبسط -- اتبع السيئة الحسنة تمحها ثلاثه اشياء لا يتم علم العالم إلا بها قلب تقي... و فواد ذكي... و خلق رضي... رأيتُ لدى كل إنسان منعطفاً حاسماً يقرر مصير حياته.
هذا المنعطف هو لحظة اتخاذه قراراً واضحاً لا رجوع عنه بالتوقّف أو العجز عن تحقيق النجاح. يتخذ بعض الناس هذا القرار في الخامسة عشرة، ويصل بعضهم إليه في الخمسين، وكثيرٌ منهم لا يصل إليه أبداً برايان تريسي |
مواقع النشر (المفضلة) |
أدوات الموضوع | |
انواع عرض الموضوع | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مزبوط الحب مو دائم فينا نصنعه بيدينا الحب بيدخل فينا مايطلب | لملك كين | كلام من القلب للقلب | 0 | July 5, 2009 03:46 PM |
المقالات المحظورة - فهمي هويدي | advocate | كتب الادب العربي و الغربي | 1 | June 10, 2009 02:17 AM |