|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
July 29, 2009, 09:26 PM
|
||
|
|
||
|
قصيدة بنت اتيليفون
أسعد الله أيامكم بالأنس والمسرات ..قصيدة بنت التليفون .. حتى وردني تالي الليل جوال وانا على شاهي وبسكوت ديمة الرقم بايخ لكن الصوت قتال كنه مثل صوت المذيعة حليمة قالت مساء الخير يا طيّب الفال قلت ارحبي ترحيبةٍ مستديمة بالعود والصفري ودلة وفنجال واجبك يا بنت الأصول الكريمة وردت بضحكة ثم قالت وش الحال؟ قلت اشهد إن الحال عقبك سقيمة قالت وهي تضحك بعد مثل الأطفال وانا بعد كني بدونك يتيمة من يوم قالتها تزلزلت زلزال من فجعتي كني مسوي جريمة قلت ارفعي صوتك ترى مابه ارسال كذاب لكنّ المصيبة عظيمة قالت أقول اسمع ترى هرجنا طال ممكن تصاحبني تراني وسيمة واسمي الحقيقي أول حروفه الدال لكن يسمّوني البنات الزعيمة صحيح أحب الفخفخة واعشق المال لكن تراني طاهرة مستقيمة ما عندي امغازل ولا( لعب يهّال ) ما عندي إلا في الشرف والحشيمة بس الصراحة قلبي لشوفتك مال واصبحت وحدك جالسٍ في صميمه فكّر بعقلك واترك القيل والقال واحذر تطيع اهل العقول العقيمة وارسل علي الحين خمسمية ريال أشحن بها جوال أختي غنيمة أو طقم غالي فيه خاتم وسلسال أروح به في عرس ولاّ عزيمة قلت الحقيقة مانيب رجل أعمال ولاني بتاجر والموارد عديمة أنا الصراحة شبه عطّال بطّال وعلاقتي بالفقر جداً حميمة والراتب الله يرحم الحال ما زال محدود والمصروف ربي عليمه والدين بالآلاف والبنك شغّال ياكل فلوسي بالربا والظليمة والسوق طايح والغلا ضيّق البال والموت والله صاير اكبر غنيمة قالت تحمّل بس والحمل ينشال خلك شديد الباس صلب العزيمة ياخي تصرّف جعلك اتصير نشّال أهم شي إن النوايا سليمة لابد تفهمني على كل الأحوال ما دمت من أهل العقول الفهيمة قلت إيه والله فاهم اللي على البال لكن ترى هذي علينا قديم يا بنت هذا صاير اليوم موال للي تبي تلعب على ابن اللئيمة يا بنت ما تدرين كم فيه محتال يلعب على الحبلين وانتي غشيمة يا بنت كم من جاهلة دمعها سال من عقب ما جات العواقب وخيمة والبنت لا اقتفى عرضها بيد الأنذال والله ما يبقى لها أي قيمة قالت تبي ولاّ ف خلّك على جال مهوب ناقصني نصايح حكيمة عز الله إنك للأسف منت رجّال وانك قليل الذوق ما فيك شيمة يا لعنبو اللي ما يسطّرك بنعال حتى يعلمك الغزل يا بهيمة ( تفو ) عليك وصكّت الخط في الحال مدري( تفو ) هي مدح ولاّ شتيمة منقول وصح السان قايله
__________________
|
|
#2
October 6, 2009, 05:20 AM
|
||
|
|
||
|
رد: قصيدة بنت اتيليفون
مشكووووووووور والي يعجبني فيك اكثر توقيعك يذكرني لحبيبتي حائل
وتسلم 
|
|
#3
October 6, 2009, 12:34 PM
|
||
|
|
||
|
رد: قصيدة بنت اتيليفون
مشكوررررررره
اختي على المرور واعجااااااااابك بتوقيع ولقصيده مالها طاري هههههههه وطالما انه يذكرك بلحبيبه مطلوب منك بيتين شعر لتوقيع وكون شاكر لك تحياتي
__________________
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة قالتها فتاة في ليلة زفاف حبيبها وهي قصيدة محزنة جداً .. | » ṀЈŋǿňţЌ « | شعر و نثر | 7 | March 23, 2011 11:25 PM |
| قصيدة الحلم- للشاعر حامد زيد_ قصيدة رائعة جدا | Reem_H | شعر و نثر | 5 | March 19, 2010 09:04 AM |
| قصيدة عن غزة | (اميراكس) | شعر و نثر | 1 | January 2, 2009 09:12 PM |
| قصيدة | ابراهيم العلوني | الترحيب بالاعضاء الجدد ومناسبات أصدقاء المجلة | 5 | May 13, 2008 11:52 PM |
العرض العادي
