في ليلة العيد ::::::::::: انسرق اغلى ماعندي ومنو اللي سرقها ؟؟

كوكييز · #1 September 22, 2009, 03:27 AM

القصة شخصيا من ايد بنت خالتي اليكم :
بسم الله الرحمن الرحيم
اتمنى لو تكونوا مكاني وتتخيلو وتنصحوني
أه يا القهر شوفوا شصار فيني في ليلة العيد:
جدتي عندها اخت عايشه بالسعودية في مكان ماادري شنو اسمه بس عيشتهم خراب يعني مكان مقرف حسب قول جدتي بس اختها متزوجة سعودي واسمها ام فهد هي اللي اختارت عيشتها وتزوجت سعودي وبيوتهم من كيربي وعندها بنات اكبرهم اسمها شيخة وإهي عانس وعمرها 45 او اكثر والثانية اسمها نوال عمرها متزوجة 38 وعندها 5 بنات
والثالثة والرابعة سعاد و لطيفة مو متزوجات وبس مخطوبات واعمارهن 28 و25 ومثل ماتعرفون حالتهم المادية ما تسمح انهم يعيشون بيت اكبر لكونهم يعيشون مع بعض حتى زوجت اخوهم واعياله معاهم المهم في ذيك الليلة قرووا انهم يعيدون في الكويت الام وبناتها الثلاث واساميهن بالترتيب شيخة ونوال وسعاد ولطيفة ماعدا نوال لانها متزوجة وعند بيت زوجها .
جت ام فهد وبناتها الثلاث لبيت جدتي ام محمد قبل العيد بيوم واحنا عادتنا امي وخالاتي الست انا نتجمع في بيت جدتي في العيد من الساعة 9 الصبح وخالاتي الثنتين الكبار عندهم احفاد وبناتهم يتجمعون بس يروحون مبكر يعني الساعة 3 الظهر وبنفس يوم العيد كانت ام فهد راح ترجع السعودية بعد بس متاخر
السالف ومافيها :
انو لما اجتمعوا البنات اللي في زي عمري 18 الى 25 نسولف في الغرفة وكما تعرفون البنات اللي في العمر هذا نصبهم زايد كل وحده تبغا تصير احلى من الثانية وبما انه اول معاش ينزل لي كنت oveer بالعربي
البدلة شاريتها ماركة (روبرتو كافالي) ومثل ماتعرفون غالية والكعب من( غوتشي) والشنطة ( غلوي ) وغير الاكسسوارات والمكياج كنت قاطة كل معاشي عليها والادهى اني قاطة 179 دينار كويتي على العباية والملفع اللي الكل يبي مثله معا انها كانت ناعمة بس الكل يبغا مثل الحجر اللي طالع منها حركات على الصدر والشوارفسكي شلون منثور عليه وحركات الملفع عجييب وخالاتي يصورون الموديل وحركت الشرائط واللي تسألني عن عطري والكحل والحمرة وبعد كل هالفوضى رحت عند البنات وكانت سعاد ولطيفة قاعدات اهناك وخجوولات ولابسات دراريع بيت عادية وملافع عاديية ومكياج بسييط كحل وحمرة بدون كريم ولا مخفي عيوب جلست بعد ماحطيت العباية والملفع داخل كيس وحطيته ورا الباب في نفس الغرفة بعدها قعدنا نسولف وشاي وحلويات وضحك وعددنا كان حوالي 15 بنت وناخذ ونعطي بالكلام ووناسة بعدها الساعة 6 دخنا لانا مو نايمين سهرانين وكنا احنا وبنات خالتي مثل السكرانيين مسحنا المكياج وقطينا البدلات وحطيت كعبي معا عبايتي في الكيس اما شنطتي خليتها معا امي ونمت ( نوم العوافي ) وسعاد ولطيفة طلعوا من الغرفة علشان يجهزون روحهم علشان يردون ديرتهم السعودية وعلى فكرة كنت حاسة بنظراتهم يوم جلسنا انهم حاسدينا على الخيير و نظراتها نظرات حقد بس حالتهم المادية صعبة ماكو شغل متوفر في قرية بعيدة عن الناس في السعودية ولما صحيت من النوم الساعة تقريبا 10 قالت امي إنا ابوي جاي بعد ربع ساعة وجمعت اغراضي واكسسواراتي ودخلت الغرفة البس عبايتي شفت ورا الباب دورت ماكو كيس كلش
مرة ثانية وين الكيس عبايتي وملفعي وكعبي مختفي عفست البيت فوق تحت البنات ماقصروا دوروا معاي وخالاتي بس ماكو ولما سالت عن ام فهد وبناتها السعوديات قالوا انهم راحوا قبل 3 ساعات يعني هم الحين بنص الطريق الى بيتهم اتصلت خالتي عليهم حوالي اربع مرات ماكو رد بعدها الجهاز مغلق وكان نقال سعاد المتوسطة فيهم واتصلت على الصغيرة بعدين الكبيرة وردت بعد نص ساعة رن وكلمتها خالتي واسالتها اذا كان معا اغراضهم كيس وردي كبير قالت لا مامعانا الا شنطتنا الملابس وكيسنا حق الملابس الوسخة وبس اووكي يلا باي وخلص الموضوع الكيس مو موموجود بالبيت معقولة وبعد ساعة وربع وكانت الساعة 12 خليت ابوي ينطر بالديوانية بحجت ان طالبين مطعم وبعدها قلنا المطعم تاخر واليوم عيد الناس ماكو شغل بس اكل و الشوارع زحمة
.................. اتصلت ام فهد بنفسها وقالت ان البنت الصغيرة خذت الكيس بس ماكانت تدري عبالها كيسها وقالت اذا لقيتوا كيس فيه عباية ترى مالتها خشوها واذا بغا احد يروح الكويت ادز او اطرش ولدي عليكم .
بس لحد الحيين ماكو رد وقلت حق خالتي تتصل وتقول العباية بالعافية عليها
والكعب
.....................................
عباية من احدث القصات والاحجار الكريمة والشوارفسكي
والشيلة
والكعب من دور الموضة العالمية وترى موعادي شكله غريب من عند الاصبع صندل الوان متداخلة
يروووحون لمكان بر و وسخ وزبالة وناس ما تعرف بالموضة والماركات واللبس أي شيئ
شفتو شصار
0

ريتاااج · #2 September 22, 2009, 03:42 AM

الله يعينك
بس خيرها بغيرها

دلوووووووعة · #3 October 1, 2009, 10:11 PM

اااااااااه يااختي ربي يساعدك ويسر طريقك يارب
وانشالله ربي يعوضك خير
/*
/*
/*
/*
آآآآرق تحية
دلوووووووووعة ^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حمل العدد رقم 20 من مجلة طور حياتك	شارك	كتب الادارة و تطوير الذات	12	January 29, 2012 04:15 PM
ليلة العيد انقلب علي انا بس ... وانسرق اغلى ما عندي	كوكييز	روايات و قصص منشورة ومنقولة	2	July 5, 2010 09:51 AM
حمل العدد رقم ((( 17 من مجلة طور حياتك )) )	Mist	كتب الادارة و تطوير الذات	1	October 1, 2009 10:13 PM
ليلة العيد..والهموم..	القحطاني99	كلام من القلب للقلب	5	October 1, 2008 08:26 AM

في ليلة العيد ::::::::::: انسرق اغلى ماعندي ومنو اللي سرقها ؟؟

روايات و قصص منشورة ومنقولة