|
#1
September 19, 2009, 06:51 AM
|
||
|
|
||
الدين فى عيون هؤلاء
اخواتى واخوانى فى الله اسمحوا لى ان اطرح عليكم سؤال كيف ينظر كل منا الى الدين والمتدينين؟ هل نختار مانشاء وندع مالا يروقنا ؟ هل نشير الى كل ملتزم بشئ من الاشمئزاز ؟ هل وهل ........ بالطبع منا ومنا منا من يبجلهم ويكن لهم الاحترام وهو منهم , ومنا من يحترمهم ويحب مخالطتهم لكنة ليس منهم رافعا راية لحد هنا وستوب , ومنا من يقف موقف محايد صباح الخير ياجارى انت فى حالك وانا فى حالى , ومنا من ينظر لهم نظرة جهل وتخلف , بل والمصيبة منا من يحمل سيفة لينضم فى صفوف الاعداء وما اكثرهم واليكم بعض من المواقف التى رأيتها بأم عينى وانا فى كامل زهولى الموقف الاول طبعا لازم يكون للافلام والمسلسلات وازى بيجيبوا صورة الشاب او الفتاة او الشيخ المتدينين طبعا متشدددددددددددين جدا وكأن ربنا حرم كل حاجة وبيعتبروا الناس كلها كافرة والشائع عندهم من الفاظ الامير الاخ الاخت ....... طبعا فى ناس هتقول دول بيبينوا صورة المتطرفين والى فاهمين الدين غلط بالله عليكم انتم بالسذاجة دى حضراتهم يهمهم الدين قوى وعيزين ينصروة طيب اكيد كتير شاف فلم دم الغزال والشيخ ريشة الطبال طيب شفتوا فلم عمارة يعقبيان والشيخ طة وغيرة وغيرة ( بيبينوا واقع مش كدة ؟!!) الموقف الثانى مرتبط نوعا ما بالاول كنا فى حصة التاريخ وكان المدرس بيشرح الادعاءات الباطلة حول جماعة الاخوان انها كانت ضد الملك ومع اعدائة وغيرة المهم قامت بنوتة وقالت مش الاخوان دول الى بنشفهم فى التليفزيون بيقصروا جلبياتهم وبيلبسوا ابيض وبقولوا قال الله وقال الرسول هم دول الارهاب ؟!!! تخيلوا فتاة فى الثانوية وفكرتها عن المتدينين كدة طبعا دة نتيجة قصور معرفى وفى غيرها كتير بيفكر زيها اكبر او اصغر منها اية رأيكم فى رسالة الاعلام الهادف بتعنا اكيد حققت نجاح هايل ولا اية ؟!!! الموقف الثالث الجامعة واة اة من الجامعة والمدن الجامعية طبعا البنت الى بتلبس جلباب او نقاب او اولبس محتشم مع الحجاب (الخمار) بيشلوهم على اكف الراحة بس الحارس بيرخم عليهم فى الدخول والخروج ولا كلام الدكتور وشتمتة ليها لواتكلمت او غلطت واتهامها بانها مش محترمة الزى الى هى لبساة وطبعا بيطردها بعد الكلام الجميل الى بيقولو ونسى ان كل ابن ادم خطاء وانة هو اية فى الالتزام والانضباط مش بس كدة دة ممكن تكون ياعينى البنت فى حالها وتلاقى نفسها بقدرة قادر ضمن جماعة ودة حصل مع صحبتى اخدوها بالشبة وكذالك الطالب الملتحى تخيلوا ان فى بنت الاولى على فرقتها وخيروها بين النقاب وبين التعين معيدة بس الحمد لله اختارت دينها لاء ولسة مفيش طبعا مدينة جامعية للمنتقبات بصراحة الدولة بتسعى لتحقيق الامان بكل الطرق ربنا يعنها الموقف الرابع ذهبت مع اختى الى احد الجهات الحكومية لتستلم عملها وهى طبيبة اسنان ومنتقبة وكان مقيمة بالسعودية لمدة ثلاثة سنوات المهم السيد المسؤل رفض تعينها بالمستشفى التى تبعد عن بيتها خمسة دقائق سيرا على الاقدام ووزعها على مكان ابعد وعندما طلبت منة التبديل رفض قائلا حاجة العمل لاتسمح المكان الى عايزة تروحية فية 11طبيب والمكان الاخر فية 3 بس مع العلم انها هتسافر تانى بعد شهرين المهم قال كمان لونفذتلك طلبك يبقى كدة مليش لزمة امال دين اية الى انتوا بتقولوا علية طبعا الباشا مشكور اصلة صايم ومش عايز كلام كتير المشكلة انا مش فاهمة اية الى جاب الدين فى النص علشان النقاب ولا علشان مش هيبقى عادل فى التوزيع طب ماهو بالعقل سمح ل11 طبيب التانين يتكدسوا فى مكان واحد وجاى يعدل على الى هيسافر بعد شهرين وظروفة متسمحش الموقف الخامس سمعت شاب محترم دكتور بيتكلم بقرف على عمرو خالد وعن اسلوبة ..... وكأنة فقية عصرة وزمانة وهو اصلا مبيركعهاش وسبحان الله سمعتة بيتكلم عن عمرو دياب وكأنة معجزة وحافظلة قديمة قبل جديدة و..... المواقف كتير وانا اكيد طولت بس بصراحة الموضوع مؤلم جدا ياريت نغير النظرة دى ونحاول بجد نعترض على الى بتعرض فى التلفزيون وعلى الى بيمس دينا خلينا مثلا نعمل نص الى اتعمل لما اتعرض فلم بحب السيما جمعية للاقباط فى امريكا عملت مسلسل مش فلم مسيئ جدا للرسول وعرضت منة 3 حلقات لولا الحاح الجهات الاسلامية الشديد لعرضوة كلة مع ان الفيلم مكنش الغرض منة الاسائة يلا نغير نظرتنا وننصر دينا ونعترض على اى حاجة تمس دينا علشان منكش شيطان اخرس ولا انتم مش فاضيين؟!!! التعديل الأخير تم بواسطة shsha1 ; September 19, 2009 الساعة 09:00 AM 
|
 |
| مواقع النشر (المفضلة) |
| الكلمات الدلالية (Tags) |
| الارهاب, التليفزيون, الجامعة, الدين, الرسول, النقاب, يعقوبيان |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| "وعلم آدم الاسماء كلها ثم عرضهم على الملائكه فقال انبئوني بأسماء هؤلاء"فمن هم هؤلاء ....؟؟ | عاشقه العلم | معلومات ثقافيه عامه | 3 | August 17, 2012 02:47 PM |
| مكياج عيون لاحلا عيون..... | دمعت فلسطينية | مجلة المكياج والعطور | 11 | September 11, 2010 11:37 PM |
| لاإلى هؤلاء ولاإلى هؤلاء | sakka | النصح و التوعيه | 1 | March 15, 2008 01:05 PM |
| اين نحن من هؤلاء | خالد اشرف | النصح و التوعيه | 0 | February 26, 2008 07:29 AM |
العرض العادي
