|
LinkBack | أدوات الموضوع | انواع عرض الموضوع |
#1
|
||
|
||
ملوخية الجمبرى
النهاردة هاقولكم طريقة عمل ملوخية الجمبرى هو طبق اسكندرانى بسيط بس كدة ويمكن فى ناس كتير يعرفوه لكن هاقوله بردو الفكرة هنا فى عمل شوربة الجمبرى لكن هى هى طريقة عمل الملوخية نبدا بالمكونات
كمية من الجمبرى (حجم متوسط ) بصلة كبيرة متقطعة قطع متوسطة فلفل اسود (هانزود الفلفل شوية فى الطبق دا ) ملوخية خضرا مغسولة ومتخرطة كمية من الثوم المفروم كسبرة مطحونة زيت ذرة او دوار الشمس الطريقة بقا - فى الاول لازم الجمبرى يتشطف كويس - هانضع الجمبرى + البصلة + الفلفل الاسود (قولنا هانزوده شوية ) + كمية من الزيت فى اناء مطلى (نبعد عن الاوانى الالومنيوم والتيفال علشان نحتفظ بلون وفوائد الجمبرى ) - يرفع المخلوط على نار متوسطة ونحكم اغلاق الاناء وشوية كدة ونهدى النار ونقلبه مرتين تلاتة كدة لحد مالجمبرى يتشرب السوائل اوعى االجمبرى يتحرق لاحسن هاتبقى الاكلة باظت اول ما يتشرب نقلبه تقليبتين كدة و نضيفله الماء لعمل الشوربة ( طبعا حسب الكمية ويستحسن اننا مانزودش الماء اوى) ونضيف الملح حسب الكمية بردو ونتركه يغلى لمدة 5 : 10 دقائق - نبدا نصفى الشوربة فى مصفاه بلاستيكية نبعد عن المعادن تماما - ثم نضيف الملوخية للشوربة مع التقليب وترفع على النار تغلى دقيقتين تلاتة كدة - ونحضر طشة الملوخية زى مااحنا عارفينها نرفع الزيت على النار وبعدين هانضيف الثوم المفروم واول ما يصفر الثوم نضيف الكسبرة المطحونة مع التقليب المستمر - ثم تضاف الثومة للملوخية قبل ما تغمق مع التقليب ( وما تنسيش تشهقى علشان النفس ) اوعى تعملى كدة انا باهزر - نرجع للجمبرى بقا نقشره ونحمره دقيقة مع القليل من الزيت والكمون والفلفل والملح ويوضع فى طبق مستقل او ممكن يتقشر ويضاف للملوخية وبالهنا والشفا جربوها وقولولى رايكم واوعى الجمبرى يعضك |
#2
|
||
|
||
رد: ملوخية الجمبرى
تسلمين على الطريقة
__________________
|
#3
|
||
|
||
رد: ملوخية الجمبرى
جميله الطريق تسلمى حبيبتى
|
مواقع النشر (المفضلة) |
الكلمات الدلالية (Tags) |
ملوخية, الجمبري |
أدوات الموضوع | |
انواع عرض الموضوع | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سلطة الجمبري الرهيــــبة | رماد انثى | وصفات الطبخ | 13 | March 8, 2010 10:01 PM |