فيسبوك تويتر RSS


  #1  
قديم July 18, 2007, 11:14 AM
 
Tongue ملوخية الجمبرى

السلام عليكم اخوانى واخواتى

النهاردة هاقولكم طريقة عمل ملوخية الجمبرى هو طبق اسكندرانى بسيط بس كدة ويمكن فى ناس كتير يعرفوه لكن هاقوله بردو
الفكرة هنا فى عمل شوربة الجمبرى لكن هى هى طريقة عمل الملوخية

نبدا بالمكونات

كمية من الجمبرى (حجم متوسط )
بصلة كبيرة متقطعة قطع متوسطة
فلفل اسود (هانزود الفلفل شوية فى الطبق دا )
ملوخية خضرا مغسولة ومتخرطة
كمية من الثوم المفروم
كسبرة مطحونة
زيت ذرة او دوار الشمس

الطريقة بقا

- فى الاول لازم الجمبرى يتشطف كويس
- هانضع الجمبرى + البصلة + الفلفل الاسود (قولنا هانزوده شوية ) + كمية من الزيت فى اناء مطلى (نبعد عن الاوانى الالومنيوم والتيفال علشان نحتفظ بلون وفوائد الجمبرى )
- يرفع المخلوط على نار متوسطة ونحكم اغلاق الاناء وشوية كدة ونهدى النار ونقلبه مرتين تلاتة كدة لحد مالجمبرى يتشرب السوائل

اوعى االجمبرى يتحرق لاحسن هاتبقى الاكلة باظت

اول ما يتشرب نقلبه تقليبتين كدة و نضيفله الماء لعمل الشوربة ( طبعا حسب الكمية ويستحسن اننا مانزودش الماء اوى) ونضيف الملح حسب الكمية بردو ونتركه يغلى لمدة 5 : 10 دقائق

- نبدا نصفى الشوربة فى مصفاه بلاستيكية نبعد عن المعادن تماما

- ثم نضيف الملوخية للشوربة مع التقليب وترفع على النار تغلى دقيقتين تلاتة كدة
- ونحضر طشة الملوخية زى مااحنا عارفينها نرفع الزيت على النار وبعدين هانضيف الثوم المفروم واول ما يصفر الثوم نضيف الكسبرة المطحونة مع التقليب المستمر
- ثم تضاف الثومة للملوخية قبل ما تغمق مع التقليب ( وما تنسيش تشهقى علشان النفس ) اوعى تعملى كدة انا باهزر

- نرجع للجمبرى بقا نقشره ونحمره دقيقة مع القليل من الزيت والكمون والفلفل والملح ويوضع فى طبق مستقل او ممكن يتقشر ويضاف للملوخية

وبالهنا والشفا جربوها وقولولى رايكم

واوعى الجمبرى يعضك
رد مع اقتباس
  #2  
قديم July 20, 2007, 11:05 AM
 
رد: ملوخية الجمبرى

تسلمين على الطريقة
__________________
رد مع اقتباس
  #3  
قديم September 9, 2007, 02:00 PM
 
رد: ملوخية الجمبرى

جميله الطريق تسلمى حبيبتى
رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوخية, الجمبري

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
سلطة الجمبري الرهيــــبة رماد انثى وصفات الطبخ 13 March 8, 2010 09:01 PM


الساعة الآن 10:01 PM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر