فيسبوك تويتر RSS


  #1  
قديم August 19, 2009, 11:52 AM
 
Love اجمل واحدة في الدنيا ( بحبها )

التالته تبدأ بزوسر
كان رابح دايما مش خاسر



خلص العرش الملكي
من أعداءه وقال ملكي



حكم من منف بلاده
تبعه فى ذلك أحفاده



بني هرمه فى سقارة
ست درجات دى عمارة



أول هرم فى الوجود
لأول جد من الجدود





إدى أوامره لايمحوتب
ابني مقبرتي من الحجر



ومباني ستة خلاف السور
بالحجر الجيري مكسية



وسيقان الغاب النباتية
أساطين ياما كانت مبنية




من أسوان والبحر الأحمر
حجر ألوان ابيض واسمر


وجدوا فيها أواني فخار
من ألا لباستر والشست كمان



وسبع سنين عجاف
ومجاعة الكل خاف



قلت فيها ألأقوات
ضاقت فيها الأرزاق



وبحكمة زوسر وإيمانه
خلص بلده من أحزانه



وفاض الخير على بلاده
وزاد الأمن فى فؤاده



وضع التقويم المدني
فى الحاضر تقويمنا القبطي



ري وحرث وزراعة
حصاد محصول دى براعة



خلفه ملوك ضعاف
خمسة تما نية كانوا خفاف




وأخرهم حونى ومعلوم
بني هرمه فى ميدوم


وهى قريبة من الفيوم (6)
ويبدأ عصر أسرة جديدة



للأسرة الرابعة حضارة مديدة
بدأت بسنفرو حضارة



نهضة عظيمة لغيرها منارة
زراعة صناعةو تجارة



أمن بلده شمال وجنوب
شرق وغرب وصان الحدود



واستكشف خيرات بلاده
وعرفها بإراد ته وعناده



فيروز ونحاس من سينا
أعماله عظيمة ما نسينا



في وادي مغارة منقوش أسمه
بيأدب بسلاحه خصمه



بني هرمين في دهشور
واحد سليم والتاني مكسور




بالحجر الجيري مكسية
ومعابد ليها مبنية


حكم سنفرو عشرين عام
ويزيد عليها أربعة تمام



وبعد ما أدى مهمته
ترك من بعده ذريته


(7)

وورث خوفو دولته
وسار على نفس سكته



ومنف كانت مسكنه
والجيزة صارت مدفنه



على الهضبة العالية بني هرمه
دليل واضح على مدى كرمه



فى مساحه (13) فدان
ولا شفنا قده في أىمكان



عالي يفوق أي عمارة
صورة حية لجهد مهارة



حجره يكفي لبناء سور
يحيط بفرنسا بلد النور




أدى أوامره لحيم أون
أبني هرمي علي وصون


كان عنده موارد بشرية
تحت أيده موارد مادية



عنده ألاف من المصرين
عمال صناع مشرفين



وكمان مديرين ومهندسين
كانوا في بنايته صادقين



كانوا راضيين وعال العال
علشان كده عزفوا الموال




خاف على شعبه من البطالة
ادى أوامره بالعمارة




هرم وسور وطريق صاعد
معبد وادي وتاني جنازي




ومراكب شمس خشبية
لأغراض دينية ورسمية



وفسح في النيل والجو جميل
له تمثال من العاج



قد الكف طول التاج
أسمه الحوري كان مجدوا


بعزيمة وهمه صنع مجده
حكم خوفو عشرين عام


ويزيد عليها تلاته كمان

وحكم من بعد أبوه
جدف رع بعد خوفوو




اللي كان في الأصل أبوه
مات في عز شبابه




حزن عليه لفراقه
وأتجوز أرملة أخوه




وصبح ملك برعوه
حكم العرش بعده خفرع




لقب نفسه بابن رع
هرمه أصغر من خوفو




لكن فى الظاهر قد أبوه
علشان مبنى في العالي



يمكن أكبر فى خيالي
بخلاف مجموعته الهرميه




له تمثال صورته بهية جسم أسد رابض

رأس إنسان ناهض
رابط راسه بعصابة




وحية حارسة لجنابة
إذا شفت أبو الهول




تشعر على طول بذهول
فوق الخمسين متر




ويزيد فى الطول
للجبانة الملكية حارس


(9)

ضد لصوصها النوارس
أصبح منكاورع وارث




عرشه وللسلطة مارس
إمكاناته كانت اقل




من جدوده فاض ومل
فكر شويه ولقي الحل




قال كفاية على قبري
يكون فى حجمه اقل



هرمه في لجيزة تلاقيه
من التلاته اللي فيه


من حجر البازلت تابوته
له تماثيل منه منحوتة




حكم حوالى عشرين عام
ويزيد عليها عام كمان



حكم بعده شبسسكاف
وهو ابنه ما فيش خلاف



قرب من رجال الدين
صنع تماثيله بشكل حزين



جوز بنته لراعي أمين
ومقبرته في سقارة



شكل تابوت مش عمارة
حكم مصر أربع سنوات



واضح انه بعدها مات
وانتهت الأسرة الرابعة



لكن في ظروف غامضة وجات الأسرة



الى اللقاء في الجزء الثالث من الالياذه المصرية وارجوا من كل مصري وعربي ان يكتب تعليق

رد مع اقتباس
  #2  
قديم August 19, 2009, 01:19 PM
 
رد: اجمل واحدة في الدنيا ( بحبها )

جميل جدا سرد حضارة الفراعنة العظماء
بانتظار الاجزاء الجديدة
__________________



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
اجمل واحدة في الدنيا ( بحبها ) منظرطبيعي التاريخ 1 August 19, 2009 01:17 PM
حد يقولها <<<< انى بحبها >>>>> ذكرى الرحيل شعر و نثر 7 March 28, 2009 10:30 PM


الساعة الآن 04:30 PM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر